সারহাও সাকাম
মানতান সাসাপড়াওয়িচ্,
‘আবোওয়াঃ কাথা’
মানতান সাসাপড়াওয়িচ্,
‘আবোওয়াঃ কাথা’
সিঁগিমাহা 'চেরেচ আড়াং' রেনাঃ মিৎ সেরমা দিশৗতে মিৎ বার কাথা
ঞেল-ঞেলতে সিঁঙ্গিমাহা 'চেরেচ আড়াং' মিৎ সেরমায় পুরৗউ কেদা। নওয়া মিৎ সেরমা রে ' চেরেচ আড়াং ' মিৎ গেল খন জৗসতি অনলিয়ৗয় সিরজন আকাৎ কওয়া। জৗনিচ খান নুকু তিসহঁ বাং ক উইহৗর আকাৎ তাঁহে,কোভিড- ১৯ রে আক,অনলিয়ৗ- লেকাতেক ছৗটয়ৗরঃ আ। সানাম নুকু নাওয়া অনলিয়ৗ ক ইঞ পাহটা খন আয়মা গুন মানাও সারহাও।
অক্ত দ থির বাং তাঁহেনা,সাঁওহেৎ হঁ থির বাং তাঁহেনা। নওয়াকিন যুদি থিরঃ আ,এঁডেখান ধৗরতীরে চাঁন্দো আঃ লীলা মুচৗদঃ আ। অনাতে নওয়া করোনা অক্তে মিৎ সেৎ থড়া জিনিস বন্ধ আকানা আর মিৎ সেৎ নাওয়া ডাহার ঝিজ আকানা। নওয়া কোভিড-১৯ রে মৗনমী নাওয়া কায়তে বাঞচাও ডাহার ক সেড়াও আনা। নওয়া 'চেরেচ আড়াং' হঁ নাওয়া কায়তে নাগামে সিরজন কেদা। লেতাড়গে মিৎ সেরমা সাঁওহেৎ আড়তি কাতে,নাওয়া অনলিয়ৗ জানাম সাঁওতে নাওয়া পৗঠুওয়ৗয় বেনাও কেৎ কওয়া। নিয়ৗ লাহা গিদরৗ সাঁওহেৎ অনলিয়ৗ জে লেকা মিৎবার ক তাঁহে কানা,অনকাগে মিৎবার গিদরৗ সাঁওহেৎ পাথাম হঁ হয় ভৗরডু লেকা তাঁহে কানা। মেনখান on line তেদ নওয়া 'চেরেচ আড়াং' গে পোয়লো। অনাতে নওয়া পাথামরেন সাসাপড়াওইচ,মানতান জাগর মূর্মূ গমকে গৗহির মৗন সালাঃ ইঞ পাহটা খন সারহাও ইঞ চাল আয় কানা।
নওয়া 'চেরেচ আড়াং' রেন অনলিয়ৗ কওয়াঃ অল কদ আয়মা গেবন পাড়হাও আকাদা। অনলিয়ৗ কওয়াঃ অঅল রেনাঃ গুন গত মান আবো সানাম গেবন ঞেল-ঞাম এদা। ইঞাঃ উইহৗর-ভাবনা তেয় লৗই আ,অল রেনাঃ গুনগত মান সানাম অনলিয়ৗ কওয়াঃ দ বাং রাসা আনিজ আ। মিৎবার অনলিয়ৗ দ অড়াঃ-দুয়ৗর খন বাহরে সেৎ আউরী ক ওডোক দাড়েয়াঃ আ। মিৎবার দ অল রেনাঃ সাফা ডাহার ঞাম হররে আর মিৎবার দ জথাত ডাহার আউরী ক ঞাম দাড়েয়াঃ আ। আর থড়া অনলিয়ৗ দ রাহলা দাঃ লেকা সাঁওহেৎ ক আড়তিয়েদা। এনরেহঁ অলদ বাং ক হিড়িঞ এদা,নওয়াগে গরব রেনাঃ কাথা। নওয়া ' চেরেচ আড়াং' যুদি তাঁহে ইদিঃ আ,এঁডেখান নুকু নাওয়া অনলিয়ৗ আখিররে বাড়ে দারে লেকা লৗটু কাতে,আয়মা হড় ক কয়ঃগ আকওয়া মেনতে ইঞাঃ পৗতয়ৗউ।
মুচৗৎ রে জঁহার।
ইঞগে-
শ্রী কা ন্ত স রে ন
শান্তিনিকেতন ,বীরভূম
.webp)
.webp)
