আবোওয়াঃ ডিজিটাল ডেস্ক- দিশম ফুরগৗল আকানা। অনালেকাতে লৗই গানঃ আ নোওয়া দিশমরেন সানাম মৗনমি গে ফুরগৗল। আর ফুরগৗল মানেগে জমাঃ-ঞুওয়া, লুগড়িচ্ লাপো আর তাঁহেন ঠাঁও এমান তে পুরুন। নোওয়াকো যাঁহায়া সে যাঁহায় জৗতিয়াঃ মেনাঃ আ উনি সে ওনকোদ ফুরগৗল মেনতেগেকো লেখা আ। মেনখান যাঁহায়া অভাব মেনাঃ তায়া আনাট মেনাঃ তায়া উনিহঁ চেৎ ফুরগৗল মেনতেগে লেখা আয় ? কুকলি তাঁহেন কান গেয়া।
মেনখান ভারত দিশম রেনাঃ চিতৗররে ঞেলঃ কানা গটা
সেরমা লেকাগে আয়মা আদিবাসীকো অড়াঃ দুওয়ৗর বৗগি কাতেৎ হর রেগে আকোওয়াঃ দাবী-দাওয়া পুরুন
লৗগিৎ মিৎ লেকান আঁন্দোড় রেগে মেনাঃ আকাৎ কোওয়া। কুকলি রাকাপ কানা তবে চেৎ ওনকোদ বাংকো
ফুরগৗল আকানা। সরকার ওনকো লৗগিৎ চেৎ হঁ বায় চিকৗয়েদা ? কুকলি রাকাব কানা।
নঁতে আরহঁ ঞেলঃ কানা আদিবাসী কো আকোওয়াঃ দাঃ হাসা
বিরবুরু রেনাঃ আইদৗর খন কো নিশড়ৗও অচঃ কানা। নিতহঁ ওনকো ধরম কোড বাংকো ঞাম লেদা। নংকান
আয়মা আনাট ইদিকাতেৎ আদিবাসী কোওয়াঃ বাঞ্চা রেনাঃ লৗড়হৗই ঞেলঃ কানা। নংকান হড়াঃ চেৎ
সৗরিগে ফুরগৗল হোয় আকানা ? আয়মা হড়াঃ মনেরেগে নংকান কুকলি দ রাকাপ কান গেয়া।
নংকান তালারেগে হলা ১৫ আগস্ট, পছিম বর্ধমান রেনাঃ
পলাশডিহা আদিবাসী সুসৗর গাঁওতা আঃ সৗহিজুহিতে ৭৪ সেরমা পুরৗও ফুরগৗল মাহা মানাও ঞেল
এনা পলাশডিহারে। দিশম রেনাঃ পে-রং রেনাঃ জৗতিয়ৗরী চির কাতে আখড়া কৗমি হরা এহপ এনা।
আখড়ারে গালচিয়ৗ কোওয়াঃ মচা খন হুলগৗরিয়ৗ কোওয়াঃ এনেম রেনাঃ কাথাকো রড় রাকাপ আকাদা।
লৗইগানঃ আ বাবা তিলকা মাঝি, বীর বান্টা সিধু-কানু, বীরসা মুন্ডা সাঁওতে নেতাজী,গান্ধীজী,
ক্ষুদিরাম লেকান দিশম দুলৗড়িয়ৗ কোওয়াঃ কাথাহঁক সাব রাকাব আকাদা। আর ওনকোওয়াঃ হর ডাহারতে
তাড়াম ইদি লেখান মিৎ নাপায় ভারত বেনাও রাকাবা। যাঁহারে অকয় অকয়হঁ বাংকো নিশড়ৗও দাড়েয়াকোওয়া।
.webp)
.webp)
