রুসিকৗ কুড়ি

 (হুডিঞ মাছা কৗহ্‌নি)

রুসিকৗ কুড়ি

বাবলু সরেন

 

বৗইশৗখ মুচৗৎরে সিমল লৗগিৎ ঞেল ঞেপেলক চালাওলেনা। ইনৗতেগে ঝেঁট বঙ্গা পাড়াও এনা। অনাতে বানার পাহটা কুশি রৗজি জম ঞু হরঃচিন ঝত হৗপিরেগে তাঁহেয়েনা। রুহনি তায়ম তলাক গিডি বাড়াকাতেঃ সিমলদ হুলমাহা ঞেঞেলে চালাও এনা। দসার হিলোঃ সেতাঃরেগে রায়বার হাড়ামে হেচ এনা সিমলাঃ বাপলা কাথা লাহায় লৗগিৎ। রায়বার হাড়ামে মেনকেদা - তবে চাষকৗমি চাবা কাতেঃগে হুয় অচয়ান বাপলাদ ! সিমল আচ বায় মেনকেদা - সিমল হুলমাহা ঞেঞেল খনে রুয়ৗড়লেনগে আরবন গালমারাওয়া হাঁ।  

ইনৗতেগে সিমলে রুয়ৗড় হেচ এনা অড়াঃ। দাকাক জমবাড়া কাতেঃ গালমারাওক এতহবকেদা। মেনখান সিমলদ অন্ডে বাপলাঃ বায় রেবেনকানা। রায়বারে হাড়াম এ মেনকেদা- সিমল গড়ম, অন্ডেম বাপলা লেনখান আমাঃ লাইফ সেট গদঃতামা। চেদাঃসে কিসৗড় হপন এরা মিৎটাং গেয়ায়, মানে হাপেন দিনরে ঝতগে আমাঃ হুয় দাড়েয়াঃআ। সিমলে মেনকেদা - বাং গড়ম! ইঞদ হলা হুলমাহা স্টেজ চেতানরে যাঁহায় কুড়িঞ ঞেল আকাদেয়া আমদ উনিয়াঃ খবর হাতাও কাতেঃ উনি সালাঃগে বাপলাদ জড়াওমে ইঞ রেবেন মিনৗঞা। বানাহড় তেকিন কুলিকেদেয়া- উনি

কুড়িদ উনৗ চেদাঃ এম কুশি আয়কানা ? সিমল তেলা কেদায়-  ইঞদ উনি রুসিকৗ কুড়িয়াঃ সেরেঞ আর অনড়হেঁ আঁজম কাতেঃ ইঞ দঞ বদল চাবাও আকানা।

মিৎ ঘৗড়িচ্‌ তায়ম রায়বার হাড়াম এ কুলি দহড়া কেদেয়া- উনি বাপলা কাতেদ্ চেৎ হুয়ুঃ আ গড়ম ? উনরে সিমলে মেন কেদা- নওয়া জিওয়ীদ হৗড়িয়ৗড় আর হৗড়িয়ৗড়গে তাঁহেনা। আর দিনকদ রৗস্কৗতেগে পারমঃআ। উনি সালাঃ বাপলা হুয়লেনখান ইউটিউবরে মিৎটাং অফিসিয়াল চ্যানেল খুলৗও কাতেৎ হাপতা পিছু সেরেঞ, অনড়হেঁ আর এনেচ এমান তেয়াঃ লিঞ আপলোড কেয়া …..।