আবোওয়াঃ ডিজিটাল ডেস্ক- তেহেঞ ১৮ আগস্ট, পছিম বাংলা সরকার আঃ ‘দুওয়ৗর রে সরকার’ কৗমিরেহঁ ভারত জাকাত মাঝি পারগানা মহল কালনা-২ মুলুকরেন মাঝি পারগানা বাবা কোওয়াঃ গড় ঞেল এনা। বাডায় আকানা ‘দুওয়ৗর রে সরকার’ প্রোগামরে বিশেষ কায়তে আদিবাসী তিরলৗ কোওয়া আয়মা লেকান আনাট রেনাঃ সলহে লৗগিৎ ভারত জাকাত মাঝি পারগানা মহল কালনা-২ মুলুকরেন মাঝি পারগানা বাবা সাঁওতে সুসৗরিয়ৗকো বেগর কুড়ৗইতে গড় কো এম চাল কেদা। লৗই গানঃআ নানাহুনৗর প্রকল্প রেনাঃ ফরম পেরেচ্, নানাহুনৗর কাগজ সামটাও, এস.টি. কার্ড লৗগিৎ ৪ নং ফরম রে পে গটাং মুড়ুৎ মাচেৎ আঃ সুহি সাঁওতে আরহঁ আয়মা লেকান কৗমিরে গড় কো এম চাল আৎ কোওয়া।
নোওয়াহঁ বাডায় আকানা বাংমা ভারত জাকাত মাঝি পারগানা
মহল রেন কৗমিয়ৗকো ঞেল আকাদা যে নানাহুনৗর সরকারি প্রকল্প রেনাঃ সুবিধা ঞাম অকতে বৗড়তি
কায়তে যাঁহায় আদিবাসী কো নিৎহঁ বিরদৗগাড় রেনাঃ গানাডি আওরিকো পারমঃ আ, ওনকো কোওয়াঃ
অনা প্রকল্প রেনাঃ সুবিধা ঞাম লৗগিৎ আয়মা লেকান এঁটকেটঁড়ে রেকো ঞুরঃ আ। অনাতে মুচৗৎ ধৗবিচ্তে আয়মা
আদিবাসী গে অনা দাও খন কো পুচুজ তাঁহেন কানা। অনালেকাতে যাতে আদিবাসী কো আর অনকা আনাট
রে আল কো ঞুরঃ মা অনা লৗগিৎ গে ভারত জাকাত মাঝি পারগানা মহল আদিবাসী কো সোররে তাঁহে
কাতে মুরুক আর নাচার লেকান হড় গড়কো এমাৎ কোওয়াঃ। অনালেকাতে আয়মা হড়গে মহলাঃ নংকান গড়
ঞাম কাতে মনেরে কুশি-রৗস্কৗ কো সদর আকাদা সাঁওতে মহল রেন কৗমিয়ৗ কঁহ কো সারহাও আকাৎ
কোওয়াঃ মেনতেগে বাডায় আকানা।
.webp)
.webp)
