সারহাও সাকাম
মানতান সাসাপড়াওয়িচ্,
‘আবোওয়াঃ কাথা’
মানতান সাসাপড়াওয়িচ্,
‘আবোওয়াঃ কাথা’
গিদরৗ সাঁওহেৎ হারাবুরুয়রে "চেরেচ্ আড়াং " রেনাঃ এনাঃ এনেম
গিদরৗ কদ বাহা লেকান হাপেন দিনরেন জ জৗলি কানা কো। নুকুআঃ রাঃ, লাঁদা, রড় আড়াং খিলডু এনেচ মনেয় আনমানাও উতৗরা। ধুড়ি বসমতা তালা বানচাও তাঁহেনরে গৗহির গনং আনা। গিদরৗ অকয় বাক কুসি আকোওয়া ,রাঃ লাঁনদাতে অড়াঃ বাখোল কেঁড়েচ দঁড়েচ কাঃআ। জিয়ন নিরৗয় খাঁডাওরে রৗস্কৗ আতে ছেচ্বেচ্।
জেগেৎ ধৗরতি জাকাৎ পিলৗয় চমকৗউয়েৎ কানা "করোনা ভাইরাস "। নংকান হালৎরে যোগাযোগ অল পাড়াও ইতুন আসড়া বিদ্যাগাড়'ক সানামাঃ বন্ধ আকানা। হারকেৎ তালাতে সেরমা দিন খেমাও চালাও পারম এদা। অলঃ পাড়াও বাংতে গিদরৗ কোওয়াঃ হাতাং থবড়ে কানা ,হিড়িঞ এদাকো বাড়ায়াঃহঁ। নঃনংকান হালৎরে গিদরৗ বৗউলী
"চেরেচ আড়াং " তালাতে আয়মা অনলিয়ৗ, গিদরৗ অনড়হিয়ৗ কোওয়াঃ কলমরে আড়াং সালগাও এনা গিদরৗ লৗয়তে। গিদরৗ বৗউলি ,গিদরৗ অনড়হেঁরে ফুটেল আকানা যুদৗ যুদৗ হৗটিঞ। পাড়াও কাতে যেলেকা রৗস্কৗ ঞামঃআ ,অনকাগে আয়মা লেকান ধৗরতি তালা সাচারহে তুলুচ হঁ উপুরুম হুয়ুঃ কান তাকওয়া ।
নাওয়া মারে অনলিয়ৗ নানা হুনৗর ভাবনা রেনাং অল তালাতে ধৗরতি জাকাৎ "চেরেচ আড়াং " ওয়েব পেজ উছৗনতে আয়মা পৗঠুওয়ৗ কয় চেরেচ এৎ কোওয়া। হাপ্তাকিয়ৗ সিঁগিমাহা হিলোঃ ঞাম সাঁওতে ‘চেরেচ্
আড়াং’ পাড়হাও লৗগিৎ মনে জিউয়ি তাঁগি তাঁড়াঃরে তাঁহেনা। হাপ্তাগে গিদরৗ সাঁওহেৎ রেন অনলিয়ৗ বৗই
বৗইতে সাঁগে ইদি কানা কো। উনকুয়াঃ অল আড়াং হেড়েম নাপায় বুঝৗউঃ কানা। অকত কাতে দামানান অনড়হেঁ গিদরৗ বৗউলি অল খৗতির জহার সাঁওতে গুনমানাও সারহাও ।
অনলিয়ৗ কোওয়াঃ কুরুমুটু গড় আর সৗহিজুহি রৗসিয়ৗ কোওয়াঃ দিসৗ উদুঃ সাসাপড়াওয়িচ -আঃ দায় দায়িত্বতে সার সৗগুন আকানা 'চেরেচ আড়াং '। পাড়াও কাতে হেড়েম রাসাগিঞ ঞাম আকাদা। সানাম অনলিয়ৗ পৗঠুওয়ৗ গিদরৗ সাঁওহেৎ দরদিয়ৗ আতেগে লাহা সেন চলবন চাচো লাহা়য়া। ঝাড় বোরকেৎ কাতে গিদরৗ সাঁওহেৎ বাগওয়ান দালায় দালায় হারায়া বন।
"চেরেচ আড়াং " ‘আবোওয়াঃ কাথা’ ডিজিটাল ডেস্করে উছৗন ইদিয়েৎ সাসাপড়াওয়িচ গমকে আডি আয়মা সারহাও ইঞ চাল আয় কানা- অকতরে চেরেচ আড়াংতে চেরেচ অচো খৗতির। নংকাগে আয়মা সেরমা তাহাও তাহাও লাহা
চালাঃ মায় নোওয়া আঁশ তাহেয়েন তিঞৗ।
জোহার সালাঃ
কিস্কিন্ধ্যা মুরমু
বান্দোয়ান, পুরুলিয়া
.webp)
.webp)
