“ আবোওয়াঃ কাথা ” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com
তেহেঞা আখড়ারে যাঁহায় কো সেলেদ্ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱨᱤᱠᱟᱱᱛᱚ ᱥᱚᱨᱮᱱ, রামলাল টুডু, বাড়তাঙ সরেন, সুচাঁদ হাঁসদা, কানন হাঁসদা, দুগাই টুডু, সনাতন টুডু, বিভূতি ভূষন সরেন, সতন কুমার সরেন, সেঁগেল মারমার, দুলৗড় বিটি, সীতেন মান্ডি, গাতে টুওয়ৗর, বাবলু সরেন ।
 |
| রিলৗমালা মুরুমু, ক্লাস- IV জেলা - পুরুলিয়া |
১।।
ᱦᱟᱯᱮᱱ
ᱯᱤᱪ ᱥᱚᱲᱚᱠ
ᱦᱚᱲᱟᱜ ᱵᱷᱚᱲᱚᱠ
ᱦᱤᱡᱩᱜ ᱥᱮᱱᱚᱜ
ᱛᱤᱱᱟᱹᱜ ᱪᱚᱨᱚᱠ ᱾
ᱥᱟᱸᱜᱮ ᱜᱟᱡᱟᱲ
ᱧᱟᱹᱞᱟᱫ ᱥᱟᱺᱜᱤᱧ
ᱚᱠᱚᱭ ᱛᱟᱺᱜᱤᱧ
ᱧᱮᱧᱮᱞ ᱢᱟᱥᱮ
ᱛᱟᱢ ᱛᱟᱥᱮ
ᱤᱴᱟᱹ ᱫᱚᱞᱟᱱ
ᱟᱞᱟᱱ ᱢᱮᱞᱟᱱ ᱾
ᱤᱧᱦᱚᱸ ᱜᱟᱛᱮ
ᱪᱟᱞᱟᱜ ᱜᱤᱭᱟᱹᱧ
ᱦᱤᱨᱤ ᱢᱤᱭᱟᱹᱧ
২।।
ᱤᱧᱟ.ᱜ ᱫᱚ ᱵ ᱟ ᱝ,ᱟ ᱢ ᱟ ᱜ ᱯᱷ ᱩᱨᱜᱟ.ᱞ
ᱜᱳᱯᱮᱥᱣᱚᱨ ᱢᱟᱱᱰᱤ
ᱵᱟᱵᱮᱨ ᱛᱮᱠᱚ ᱛᱚᱞ ᱠᱤᱧᱟ
ᱟᱲᱟᱜ ᱤᱫᱤᱧ ᱟᱠᱚ ᱟ.ᱛᱤᱧ ᱞᱟ.ᱜᱤᱫ
ᱛᱟᱭᱚᱢ ᱛᱮᱠᱚ ᱯᱟᱸᱡᱟ ᱵᱟᱲᱟᱧ
ᱜᱩᱯᱤ ᱤᱫᱤ ᱟ.ᱜᱩ ᱞᱟᱜᱤᱫ,
ᱤᱧ ᱛᱮ ᱤᱧ ᱞᱮᱠᱟ ᱡᱤᱭᱚᱱ ᱠᱷᱟᱸᱰᱟᱣ
ᱮᱠᱟᱞ ᱵᱟ.ᱧ ᱫᱟᱲᱮᱭᱟᱜᱼᱟ ᱾
ᱤᱧ ᱞᱟ.ᱜᱤᱫ ᱚᱲᱟᱜ ᱠᱚ ᱡᱩᱛᱟ.ᱧ
ᱦᱚᱭ ᱫᱟᱜ,ᱡᱟ.ᱯᱩᱫ ᱥᱤᱛᱩᱧ ᱠᱷᱚᱱ
ᱵᱟᱧᱪᱟᱣ ᱛᱟᱸᱦᱮ ᱞᱟ.ᱜᱤᱫ
ᱢᱮᱱᱠᱷᱟᱱ,ᱤᱧᱛᱮ ᱤᱧ ᱞᱮᱠᱟ
ᱫᱟᱲᱟ ᱵᱟᱲᱟ ᱠᱟᱛᱮ ᱡᱤᱭᱚᱱ ᱠᱷᱟᱸᱰᱟᱣ
ᱮᱠᱟᱞ ᱵᱟ.ᱱᱩᱜ ᱛᱤᱧ ᱾
ᱱᱤᱞ ᱥᱮᱨᱢᱟ ᱨᱮᱢ ᱩᱰᱟ.ᱣ ᱵᱟᱲᱟᱭ
ᱦᱟᱱᱟ ᱵᱤᱨ ᱵᱩᱨᱩ ᱫᱟᱨᱮ ᱱᱟ.ᱲᱤ ᱪᱮᱛᱟᱱ
ᱢᱚᱱ ᱠᱷᱩᱥᱤᱢ ᱩᱰᱟ.ᱣ ᱟᱫᱚᱜ ᱠᱟᱱᱟ
ᱟ.ᱛᱤᱧ ᱮᱫᱟᱢ ᱵᱩᱨᱩ ᱫᱷᱟᱥᱱᱟ ᱠᱚᱨᱮ,
ᱟᱢᱛᱮ ᱟᱢ ᱞᱮᱠᱟ ᱫᱟᱬᱟ ᱠᱟᱛᱮ
ᱡᱤᱭᱚᱱ ᱮᱢ ᱠᱷᱟᱸᱰᱟᱣ ᱮᱫᱟ ᱾
ᱫᱟᱜ ᱡᱟ.ᱯᱩᱫ ᱞᱚᱞᱚ ᱥᱤᱛᱩᱧ
ᱫᱟᱨᱮ ᱰᱟ.ᱨ ᱥᱟᱠᱟᱢ ᱫᱟᱱᱟᱝ ᱨᱮ
ᱥᱟᱥᱮᱛ ᱦᱟᱨᱠᱮᱛ ᱛᱟᱞᱟ ᱛᱮ
ᱡᱤᱭᱚᱱᱮᱢ ᱠᱷᱟᱸᱰᱟᱣ ᱨᱮᱸᱦᱚ,
ᱟᱢᱛᱮ ᱟᱢ ᱞᱮᱠᱟ ᱯᱷᱩᱨᱜᱟ.ᱞ ᱛᱟᱸᱦᱮ
ᱥᱩᱠᱷ ᱫᱚ ᱢᱮᱱᱟᱜ ᱛᱟᱢ ᱾
=======
ᱛ =======
৩।।
(... ᱞᱟᱦᱟ ᱠᱷᱚᱱ ᱛᱳᱸᱜᱮ)
ᱤᱪᱟ.ᱜ ᱦᱟᱠᱳ ᱫᱟᱜ ᱮ ᱡᱚᱠᱷᱟᱭ
ᱴᱮᱱᱰᱟᱨ ᱠᱟᱛᱮ ᱟᱲᱮᱨᱮ
ᱜᱚᱸᱝᱜᱦᱟ ᱠᱚᱠᱚ ᱳᱰᱳᱠᱚᱜ ᱟ
ᱠᱚᱭᱚᱜ ᱠᱟᱜ ᱟ ᱠᱚ ᱫᱷᱟᱨᱮ ᱨᱮ᱿
ᱯᱤᱯᱤᱲᱡᱟᱝ ᱠᱚ ᱠᱚᱭᱚᱜ ᱠᱟᱜ ᱟ
ᱛᱤᱥ ᱦᱳᱲᱳ ᱯᱚᱴᱮᱜ
ᱥᱟᱱᱟᱢ ᱠᱟᱢᱤ ᱨᱮᱱ ᱥᱟ.ᱠᱠᱷᱤ ᱢᱮᱱᱟᱭ
ᱩᱱᱤᱭᱟᱜ ᱧᱩᱛᱩᱢ ᱨᱚᱴᱮ᱿
ᱵᱮᱞᱮ ᱡᱚᱠᱷᱚᱡ ᱠᱮᱨᱠᱮᱴᱟ ᱫᱚ
ᱠᱷᱚᱵᱚᱨᱮ ᱮᱢᱟᱠᱚ ᱥᱟᱱᱟᱢ
ᱜᱳᱰᱳ ᱵᱚᱭᱦᱟ ᱨᱟ.ᱥᱠᱟ.ᱛᱮᱭ
ᱪᱷᱩᱨᱚᱜ
ᱛᱟᱸᱦᱮ ᱠᱟᱱᱟᱭ ᱫᱟᱱᱟᱝ᱿
======= ᱛ =======
অঝারান
রামলাল টুডু
মু তায় দ ঠুনিয়েনা জ্বালা সাঁহেদ্ রে ।
অঝাবাবা হেচ্ কাতে ঞেল তায়ায় মু
মাদাতেদ চেকা কাতে এসেদ্ এনা মু ?
বার বৗটি নিমরাসা নোআ রেয়াঃ রান ।
বহঃ তায় জবে হোয়োঃ ঝারনা দাঃ রে
আকা কাতে দহ হোয়োঃ সিঁজো দারেরে ।
তোপো হোয়োঃ মড়েমাহা গুরিচ্ দাঃ তে
ঝাড়ে হোয়োঃ তালাঞিদৗ খাড়াং জনঃতে ।
ধুঁড়ৗ আতে রাপাঃ হোয়োঃ সেঁগেল জুঁডিতে
মু - তায়দ চেদাঃ ঠুনিঃ রুওয়ৗ মাদাতে ?
মাদা তায় সাহাঃ তায় ঝিজঃ গেতায় মু ।
অঝারান আঁজমতে নাপায়েনে দাদা
মাম অড়াঃ বায় চালাঃ বাং ঞামে মাদা ।
=======
ᱛ =======
মা লৗয়পে চেৎ ?
বাড়তাঙ সরেন
কঁহডা গেকো মেতাঃ ।
তাপাঃ তরা সাডে।
চেৎ লেকা চয় জৗড়িয় ?
ঝিপির ঝিপির জৗড়িয়।
আডি গেচো সিবিল।
দাঃ রেগেকো তাঁহেন
রকচ উতু জম লেখানেম
মেৎদ দ নাপায় তাঁহেন।
একাল আডি কেটেচ
রান গে কানা ধিরি কাটকম
যুদিম তগজ সেটেচ।
অকয় বাবোন বাডায় !
সানাম গেবোন বাড়ায়।
======= ᱛ =======
সেলেদ্
সুচাঁদ হাঁসদা
মৗই বাবুকো এলখা অলঃ ,
বেডগা বৗডুর সৗডুর বৗডুর ,
হৗনি ঞেঁলেপে আলে বাবু ,
তি - জাঁগা রৗপুদঃআ ,
নংকা বাবু চালাও ইদিঃ ,
=======
ᱛ =======
দুমুর ছাতা
কানন হাঁসদা
চেৎ চো ,ঝিলাঃহেন্দে লেকা,
খৗলি ক মেতায় বোকা !
ঞেলতে হেন্দে টুকুচ
বেরেৎ তরায় কয়ঃ বাড়ায়
লাড়াঃ কানকো বুকুৎ !
মেনায় ইঞ তেহেঞ
দাঃ দাকা ,হহো কাথা
একালগে হিড়িঞ !
অকা হিসৗব ইঞ দহোয়
দিশৗ আকাদায় !
বৗনু কওয়া,অকায় এন ক
অকা দিশম সেন ?
কয়ঃ রেগে ইঞ
এ হাড়াম বা,চিলি কানা কো
লৗই ইঞমে তেহেঞ !
মেনাম আছিম তেগে
আম গগই , চেপেচ আমকান
হেড়েম হেড়েম ভৗগি !
খৗলিম লেখা কোওয়া
উনৗ হেড়েম ,উনৗ সেবেল
হিড়িঞ এদাম তোওয়া !
দারেরে ছাতা তাকো
হড়মো দাড়ে,রান মুরগৗন
সৗরি গে লাগাও আকো !
হেন্দে টুকুচ এনা
রৗসকৗতে ,উলি দা মাঃ
ভাড় ভাড়া কানা !
মনদ দুমুর ছাতা
পেরেচ এনা ,ছাতা তেগে
মেনায় সিরজন দাতা !
৮।।
সিমরাঃ
দুগাই টুডু
সাগাল সাগাল আকানা,
ওনকোগে বোগে তেকো
ঞেল ঞামঃ কানা।
সিম সাঁডিগে মাড়াং,
পালেন মারাং সিমরৗঃগে হোয়োঃ
তেহেঞ রেয়াঃ কৗমি কগেয়
আরহঁ রাঃ কেদাকো আদ,
পোন টাড়াং ভোরগে পাসেচ্
হুডিঞ সিমরৗঃ তেদ।
দাকা উতুয় সাৎ এদা
জখেম রেদ হানে।
তায়ম তারা ঘৗড়ি,
মেতাঃ হড়কো সৗরি।
অলঃ পাড়হাঃ দুড়ুপ গদঃ
বেজায় দিসৗ আতে।
=======
ᱛ =======
৯।।
রিহিট
সনাতন
টুডু
তিঁগুনাবন মিদ্তে ঝত,
তিরে তি সাপাব্ আবোন
বিপদ্ হিজুঃ অক্ত।
সৗরি যাঁহা কাথা চেতান
হুডিঞ মারাং ঝত,
রৗগি আড়িস হিঁসৗ সুয়ৗ
তপায় দেবন ঝত।
======= ᱛ =======
সিঞ চাঁদ
সোনা থৗরি লেকা,
দুয়ৗরে মোডোলি অনকা।
দাঃ- লটা গুরিজ ,
দুয়ৗর দুয়ৗরে মোডোলি আচুরৗ
মনে তায়ে উরিজ।
তাঁহেন মা বাড়ে,
' সিঞ চাঁদ ' জহার আঃমে
দুখ তালেমে আড়ে।
' সিঞ চাঁদ 'য়াঃ আশিষতে,
মিরু বিটিয়াঃ নেহর তেগে
বৗনুঃ কওয়া কাঁহিসরে।।
=======
ᱛ =======
পাতা টাঁডি
সতন কুমার সরেন
তুমদৗঃ সাডে তিং মেতাং ধাতুং তাং,
দেলাং সৗতঃআলাং।
করতাল সাডে ছায়ুংছায়ুং,
চালাঃ গেয়ৗঞ আমসাঁও ।
আতারঃ রেহঁয় জাঁগা তালখা
চালাঃকানে সাঁওতে বঁগাহাতম,
দাঃ টিপিনিঞ টেয়ং।
সিতুং ঝারলা ঝৗরলি,
ধুরৗউ আকান,
আডিজমক লাগাও আকান।
ঝিলঃকানে তায়মরে হৗনি
সেকেজ সেকেজ
সাডে কানতায় চুড়ি।
=======
ᱛ =======
নওয়াগেঞ লৗই
সেঁগেলমারমার
আপে কোঠেন নওয়াগিঞ লৗই
দাঃ দিনদ এসকার এসকার
আলপে চালাঃ গাডা নৗই।
আলপে বলন হৗকু সাব
বহন দাঃ দ রৗগি গেয়ায়
অকাসেনচয় ইদি তাব।
আরহঁ বতর হুডুর চেটের
রিমিল তালা সেরমা খনাঃ
আচকাগেয় হিজুগ্ সেটের।
বৗগি কাতেদ্ হৗকু কুটি
পুঁথি পতব উডুক কাতেদ্
পাড়হাওপে উটি উটি।
======= ᱛ =======
টুওয়ৗর
দুলৗড় বিটি
বাকো চেরেজিঞ,
হাঁডে নাঁডে ঞুর গিডি
বাকো বেরেদিঞ।
মেনাঞ গেয়া একলা,
গ-বাবা তিঞ টুওয়ৗর আকান
একাল টিয়াল টাপাল,
জমাঃ ঞুয়াহঁ বৗনুঃ তিঞৗ
দিনৗম ঢিয়ল ঢয়ল।
======= ᱛ =======
১৪।।
শিখনৗৎ
সীতেন মাণ্ডি
যাঁহাগেম বেনাও আ
আম ইঞ সানাম গে
কিরৗ বন আতাং আ।।
মৗই বৗবু তাক
সমান গেবন বেঁগেৎ
ধৗরতি জেঁগেৎ জেঁগেৎ।।
গুতি কৗড়মি দ বাং
মৗনমি বন বেনাও ক
মেৎ মারশাল আন।।
মজ তে পাড়হাঃ পেসে
অকয় হঁ ত বাং পে খাট
সমান গেয়া পে ঝত।
পুরৗও তামায় মনে আশা
হড় লেকা হড়ঃ মে
জানাম আড়াং রড় মে।।
তাড়াম ডাহার রে
শিখনৗৎ গে মৗন এ এমঃ
মৗনমি তালারে।।
ধুড়ি ধৗরতি রে
শিখনৗৎ গে বাঞ্চাও কামায়
যুগ যুগ মৗনমি মনে রে।।
=======
ᱛ =======
১৫।।
মিৎ - মিৎ একলা দ মিৎ
সেতাঃ তিকিন আলম জৗপিৎ ।
মিৎ আর মিৎ - বার
সেঁড়ায়মে নাপায় বেভার ।
মিৎ আর বার - পে
অলঃ সেঁড়ায় মে ।
মিৎ আর পে - পোন
সৗগৗই সালাঃ রড়মে খোলোন ।
মিৎ আর পোন - মঁড়ে
আলম গজে পৗতয়ৗউ চেঁড়ে ।
মিৎ আর মঁড়ে - তুরুই
হিসৗ মনে আলম আগুয় ।
মিৎ আর তুরুই - এয়ায়
এড়ে রড়দ আলম সেঁড়ায় ।
মিৎ আর এয়ায় - ইরৗল
দহয়মে মনে আডি চিরগৗল ।
মিৎ আর ইরৗল - আরে
রহয়মে হুদিস দারে ।
মিৎ আর আরে - গেল
অকত গনং আলম হেল ।
১৬।।
গিরু আর টিরু
বাবলু সরেন
গিরুয়াঃ কুকলি টিরুঠেন -
ইতুন আসড়া সে টিউশন সেনঃ বাং বুঝৗও মেতে দিনৗম ইঞ হহ আমদ !
টিরুয়াঃ তেলা -
বাহেররে দাল জম কাতেঃ অড়াঃরে রৗস্কৗদ লাজাও পাড়াগিঞ বুঝৗওয়া !
টিরুয়াঃ কুকলি গিরুঠেন -
কুলহিরে সে গডারে খেলতে সেনঃ বাং বুঝৗওমেতে দিনৗম ইঞ হহ আমদ !
গিরুয়াঃ তেলা -
বাহেররে রৗস্কৗ কাতেঃ অড়াঃরে দাল জমদ্ লাজাও পাড়াগিঞ বুঝৗওয়া !
.webp)
