আবোওয়াঃ ডিজিটাল ডেস্ক- পুরুলিয়া জেলা সানতালি লিটারেরি ফোরাম আঃ সৗহিজুহিতে হলা ৯ আগস্ট, জেগেত জাকাত আদিবাসী মাহা মানত্ সালাঃ মানাও এনা বান্দোয়ানরেনাঃ খেরওয়ালডিরে।
আখড়ারে বৗইসি লেকাতে তাঁহেকানায় মহাদেব হাঁসদা। নেঁওতা পেড়া লেকাতে সেটের এ তাঁহেকানা পুরুধুল অনলিয়ৗ মানতান গোমস্তাপ্রসাদ সরেন। গালচিয়ৗ লেকাতে সেটের কো তাঁহেকানা গায়নাহৗরিয়ৗ সুনীল চন্দ্র হাঁসদা, বঙ্কিমচন্দ্র হেম্ব্রম, অনিল চন্দ্র মান্ডি, মারাং বুরু বাস্কে, দেবাশীষ মুরমু এমান অনলিয়ৗ আর অনড়হিঁয়ৗ কো।
জেগেত আদিবাসী মাহা লাসাড়হেৎতে ঞুতুমান সাঁওহেদিয়ৗ মানতান মহাদেব হাঁসদা আঃ হালেগে ছাপাও সদর আকান পুঁথি ‘পাঞ্চেৎ বুরু ঞালাক্ ঞালাক্’ আখড়ারে মৗন সালাঃ উঢৗও এনা। উঢৗও কেদায় পুরুধুল অনলিয়ৗ মানতান গোমস্তাপ্রসাদ সরেন। অনাবেগর হঁ আখড়ারে সেরেঞ, অনড়হেঁ এমান করেনাঃ অঁড়হে রেনাঃ হঁ সাপড়াওলেন তাঁহেনা।
মুচৗৎরে সানতালি লিটারেরি ফোরাম রেন সেক্রেটারী মানতান অরুন কুমার সরেন সেটের লেন সানামকো গুনমানাও সারহাও এ চাল আৎ কোওয়া।
.webp)
.webp)
