(হুডিঞ মাছা প্রতিবেদন)
সাতাম - ' আদিবাসী কোওয়াঃ নিতৗঃ আনাট '
বিশ্বনাথ হেম্ব্রম
জেঙ্গেদ জাকাৎরে মেনাঃ অৗদ বুনিয়ৗদ মৗনমী কগে আদিবাসী বন মেতাক কানা। যাঁহায় কদ অৗগিল আরিচৗলিক নিত হঁক সাব দহ আকাদা। অনা দ উনকুয়াঃ সাঁওতা রেয়াঃ নেয়াম, লায়
- লাকচার ক ঞেল লেখান বুঝ ঞামোঃ আ।
আবো সিঞঅত দিশমরে 2011 সাল রেনাঃ মৗনমী লেকগুট লেকাতে অৗনমান 700 গটেজ আদিবাসী গাতাক ক আয়বাস এদা। গুট লেখা মুদরে
104 মিলিয়ন গে আদিবাসী মৗনমী। আর পশ্চিমবঙ্গ রেহঁ অৗনমান 60 লাখ আদিবাসী মৗনমীক আয়বাস এদা। যাঁহায় কদ 40 টি লেকভাগ রেক হৗটিঞ আকানা। নওয়া অনল রেনাঃ সাতাম লেকাতে মেনগঃ আ, আদিবাসী কোওয়াঃ আনাটদ আডি জৗস্তিগে মেনাঃ আ। ইঞাঃ আদিবাসী কোওয়াঃ নিতৗঃ আনাট লেকাতে সিঞ অত দিশম আর পুছিমবঙ্গ পনতরে চালাঃ কান আনাটক ইদি কাতেগেঞ চারচায়া।
সিঞঅত দিশমরে ঞেলঃ কানা আদিবাসীক হাসা
- মৗটিক রেজ হচঃ কানা। ভিটে -মৗটি খন হঁক লাগা হচঃ কানা। সাঁওতে তিরলৗ চেতান নাহাচার, মৗন-
ইজ্জত নাশাও মা লেতাড়গে লাগাও আকান। সিঞঅত দিশম রেনাঃ সংবিধান রে আদিবাসী কোওয়াঃ আয়মা হক অৗইদৗর মেনাঃ রেহঁ উনকু দিকু-পুশি আইন এরেড় কাতে পুলিশ প্রশাসন কোওয়াঃ গড়তে জোর-জুলুমক করাও এদা। যাঁহাক ঞেল কাতে আপনারাঃ অন্তর জিউয়ীক রদন এদায়। চেদহঁ বাংবন চিকৗ দাড়েয়াঃ কানা। নিতৗঃ সিঞঅত দিশমরে মারাং আনাটদ শিরৗ সরকারাঃ বলবত লৗগিদঃ NPR, NRC অৗরি। বলবত লেনখান আডি আয়মা আদিবাসী বয়হা
- বুহিনাঃ ঠাঁও হুয়ুঃ আ ডিটেনশান ক্যাম্প। অৗদ বুনিয়ৗদ হড় কাতেহঁ দশাদ বৗড়িজগে। অনা রেনাঃ আয়মা অজেক মেনাঃ আ।
অনকাগে পুছিমবঙ্গ পনতরে আদিবাসী কোওয়াঃ আনাট হঁ আয়মা মেনাঃ আ। মেনখান নিতৗঃ মারাং আনাটদ বাং আদিবাসীক আদিবাসীঃ কানা। মেনেদ Non ST ক ST কানা। আদিবাসী কোওয়াঃ জুড়ুরে ভাগক বৗইসৗও এদা। যাঁহা আনাটদ নিতকার মারাং জৗতিয়ৗরী আদিবাসী আনাট মেনতে ইঞ দুঞ মনেয়া। চিকৗতে চেদ গড় জোরতে জুড়ুক হাতাও এদা কম-বিশি জত গেবন বাডায় ঞাম এদা।
আদিবাসী কোওয়াঃ আনাট সলহে দপ্তর মেনাঃ রেহঁ কামকাজরে তোড়জোড় বৗনুঃ আ। আদিবাসী কোওয়াঃ আমদা গটাং গাঁওতা, গাদেল মেনাঃ রেহঁ আকো ভিতির জুমিদ সৗগৗই বৗনুঃ আ। অকাদ আদিবাসী কোওয়াঃ জৗতিয়ৗরী আনাট কানা অনা বাংক বুঝ দাড়েয়াঃ কানা। আদিবাসী MLA, MP ক বিধানসভা, লোকসভা করে যথাৎ কাথা বাংক মেমেন কানা।
আদো আনাট মেটাও খৗতির আদিবাসী কগে মিদ হুয়ুঃ তাকোয়া। মিদ কাতে আনাট মেটাও লৗগিদ জাঙ্গে দারাম হুয়ুঃ তাকোয়া। তবে এনা দারায়কানক পো-পোংড়াক সুখৗলী জিয়নক বিতৗও দাড়েয়াঃ আ।
.webp)
.webp)
