দাঃ-জৗপুৎ অকতে রেয়াঃ রোগ আজার
-ডাঃ
সুরেন্দ্রনাথ মান্ডি
লল’-সিতুং হাঁইফাঁই রে সেরমা দাঃ এ জৗড়ি লেখান
মনে জিউয়ি রপাম অৗইকৗআ। নোওয়া ভেপসা লল’-সিতুং রে দাঃ-জৗড়ি দ আশীর্বাদ হোয়লেন রেহঁ
নোওয়া হয়-হিঁসিৎ রে আয়মা লেকান রোগ-আজার হোয় দাড়েয়াআ। দাঃ-জৗপুৎ অকতে ডেঙ্গু, ম্যালেরিয়া,চিকুনগুনিয়া
আর জিকাভাইরাস এমান লেকান আজার সিঁকড়িচ্ হতেতে পাসনাঃ আ। সাঁও সাঁওতে হয় হিঁসিৎ লহৎ
লহৎ ভাব তাঁহেন খৗতির হাজাম দাড়ে রেয়াঃ হঁ
গড়্বড়্ হোয়োআ।
ডেঙ্গু আর ম্যালেরিয়া- নোওয়া আজার ইদিকাতে দ সানাম কগে বোন বাডায় গেয়া।
দমেগে রাবাং-রুওয়ৗ, হড়ম’ হাসো, হারতারে ফুসকুড়ি রাকাব, এমান লেকান উপসর্গ ক তাঁহেনা।
জাও সেরমা গে আয়মা আয়মা হড় নোওয়া আজার তেকো ভারাভাটঃ আ। অনাতে জৗপুৎ অক্তে নোওয়া আজার
ইদিকাতে সাবধানঃ তাঁহেন লেক কানা, মেনমা রুওয়ৗ হোয় লেনখান গে হাসপাতাল ডাকতর ঠেন ঞেল
অচোঃ হোয়ো আ, মায়াম পুরিক্ষা অচোঃ হোয়ো আ, ঞু দাঃ ক ঢাপঃ তে এসেৎ কাঃ হোয়ো আ। অড়াঃ
আর অড়াঃ বাহরে জাঁহান করে দাঃ বাং তঁভাও অচওয়াঃ হোয়ো আ। সিঁকড়িচ্ ঠেন গের অচঃ বাং
গানঃ আ।
ডায়রিয়া- ডায়রিয়া
হোয় লেনখান দাঃ লেকা পাত্লা দাঃ সেন হোয়ো আ, রুওয়ৗ বেচ্ বেচ্ ( উলৗভাব) অৗইকৗআ,
লাচ্ হাসো, আরাঃ রাচাসেন এমান এমান লক্ষন ক সদরঃ আ। নোওয়া আজার খন বাঞ্চাওয়ঃ লৗগিৎতেদ
জমাঃ ঞুওয়াঃ ক সাফাসাফি হোয়োঃমা, ফলডল-আড়াঃসাকাম বেশকচ্ অৗরুব সাফা কাতেৎ জম হোয়োআ।
জন্ডিস আর টাইফয়েড -
জমাঃ ঞুওয়াঃ সাফাসাফি হোয়োঃমা, রঁ, সিঁকড়িচ্ অড়াঃ খন লাগা তোৎ ক হোয়োঃ আ। নোওয়া রুওয়ৗ
দ একদম হেলাফেলা বাং গানঃ আ। তিকিয়াঃ জমাঃ জম হোয়োআ।
নিউমোনিয়া- হয়
রেকো অটাং বাডায় ব্যাক্টেরিয়া আর ভাইরাস সাঁহেৎ সাঁওতে হড়ম ভিতরি তেকো বলনা। নোওয়া
আজার তেদ রুগি কোওয়াঃ হড়ম’-কড়ামরে হাসো, লাঁগা, বেচ্বেচ্ অৗইকৗউ, উলৗ, সাঁহেৎ তে
কষ্ট এমান উপসর্গ ক ঞেলঃ আ। আঁগাসফাঁগাস নাপায় দহ লৗগিৎ তে তাহাই তাহাই তি-কিন অৗরুব
সাফায় হোয়োঃ আ। ফলডল, সব্জি এমান দাড়েয়ানাঃ জমাঃ জম হোয়োআ আর ঝতম খন মারাং কাথা জাঁহালেকা
কাতেৎ রেহঁ আপনারাঃ হড়ম’রে রোগ-আজার টেকাও দারাম দাড়ে বাড়হাও হোয়োআ।
.webp)
.webp)
