আবোওয়াঃ ডিজিটাল ডেস্ক- হলা ৩০ জুন, পুরুব মিদিনপুর জিলৗ রেনাঃ তমলুক রৗস্কৗ মহল আঃ ১৬৭ সেরমা পুরৗও হুলমাহা মানাওয়েনা হেমাল ডেরারে। তমলুক শাহাররে গিরৗবাস আকান খেরওয়াল কো নোওয়া মানত্ আখড়া কো সৗখি সভা কেদা।
বীর-বান্টা সিদু-কানু আঃ মুঠৗন রে বাহামালা আরাও তায়ম সানতাড়ি জৗতিয়ৗরী সেরেঞ “দেবন তিঁগুন আদিবাসী বীর দ” সানাম হড় তেকো সেরেঞ কেদা। অনা তায়মগে গালচআখড়া এহব এনা। গালচ আখড়ারে সভাগমকে মানতান দেবেন্দ্রনাথ হেম্ব্রম লৗই কেদা ভারত দিশম রেনাঃ ফুরগৗল লৗড়হৗইরে হুডিঞ মারাং হুলগৗরিয়ৗ কোওয়াঃ কাথা নাগামরে সোনা আখরতে অল এন রেহঁ বীরবান্টা সিধু-কানু আঃ নাগাম আর সানতাড় হুল রেনাঃ কাথা তেহেঞহঁ অনহেড়া গে তাঁহেয়েনা। এনহঁ রডচ্ কচ্লন নাহাচার বিরুধ রে সিধু-কানু সাঁওতে আদিবাসী সানতাড় কোওয়াঃ হুল আর জিউয়ি আলায় দ এখেন ভারত দিশম রেনাঃ নাগামরে সুমুং দ বাং ধৗরতি রেনাঃ নাগাম রেহঁ আডি কম গে ঞেল আকানা। মানতান হেম্ব্রম গোমকে আরহঁয় লৗই তরা কেদা বাংমা সানতাড় হুল ইংরেজ বিরুধরে হুয় লেন রেহঁ ওনকোওয়াঃ লৗড়হৗই দ দিশম রেন জমিদার, জোতদার, মাহাজন আর কুমুনিয়ৗ বৗনিজ-বেপৗরি কোওয়া বিরুধ রেহঁ তাঁহেকানা।
নোওয়া হুলমাহা আখড়ারে আরক মুদরে সেটের কো তাঁহেকানা মানতান কান্ত সরেন, বাবুলাল হেম্ব্রম, বাসুদেব হাঁসদা, প্রতিমা মুরমু আর পুতুল নায়েক।
.webp)
