আখড়ারে সেটের ক তাঁহে কানা আতোরেন মড়ে ক সাঁওতে আরহ লৗটু কৗটিজ সানাম কগে। পোয়লোরে সারজম ঢৗওরাঃ বিদ্ কাতে লটা দাঃ ধূপ ধুড়ৗ আতে বীর বান্টা সিধু কানু আঃ মঠৗন রে বাহা মালা আরাও কাতে এতহব কেদাক আখড়া। হুল মাহা রেনাঃ আখড়ায় এতহব কেদা নারানচন্দ্র আতো মাঝি গমকে। ইনৗতায়ম হুডিঞ মারাং সানাম কোগে তেহেঞাঃ হুল মাহা বাবদ কাথায় মেন কেদা মানতান সিবন কিস্কু গমকে। আর নাহাঃ জুয়ৗন কড়া ক খন মিদ বার সাঁদেশ এ চাল কেদা মানতান পার্শাল কিস্কু গমকে।
পৗহিল রে বীর বান্টা সিধু কানু, ফুলো ঝানো সাওঁতে আর হঁ হাজার হাজার সান্তাড় ক ইংরেজ শাসন বিরুদ্ রেকো লৗড়হৗই লেদ রেয়াঃ কাথা গাখুড়িয়ৗ কো আকোয়াঃ বাখেড় রেক সদর রাকাব কেদা। আর নাহাঃ রে যাহা বে বৗড়িজ নাহাচার ক হুয়ুঃ কানা অনা বিরুদ্ধ রে জুমিদ কাতে লৗড়হৗই রেনাঃ কিরয়ৗ ক আতাং কেদা এলাকা রেন আদিবাসী ক।
তেহেঞাঃ দুগার্পুর মড়ে টলা জাহের গডারে ধারেপাশ রেনাঃ পেয়া পোনয়া আদিবাসী টলারেন আয়মা হড়গে নওয়া রে সেলেদ ক তাঁহেকানা। সেটের ক তাঁহেকানা - নারায়ণ চন্দ্র হেম্ব্রম (আতো মাঝি), বাবুলাল মুরমু (জগ মাঝি), জয়কুমার হেম্ব্রম গমকে, মৃণ্ময় সরেন, তরুন হেম্ব্রম, সচিন সরেন আরহঁ আয়মা কড়াক। আয়ো ক মুদরে তাঁহে কানাকিন লতিকা হাঁসদা আর মিনতি কিস্কু সাঁওতে আরহঁ আয়মা তিরলৗ ক।
.webp)
