“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
তেহেঞা আখড়ারে যাঁহায় কো
সেলেদ্ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱨᱤᱠᱟᱱᱛᱚ
ᱥᱚᱨᱮᱱ, ᱥᱚᱛᱚᱱ ᱠᱩᱢᱟᱨ ᱥᱚᱨᱮᱱ, গাতে টুওয়ৗর, সুচাঁদ হাঁসদা, বাড়তাঙ সরেন, রামলাল টুড, সেঁগেল মারমার, দুগাই টুডু, সনাতন টুডু, সীতেন মান্ডি, মধূসদন হাঁসদা, বিভূতি ভূষন সরেন, দুলৗড় বিটি ।
 | |
|
১।।
ᱧᱟᱹᱞᱟᱜ ᱧᱟᱹᱞᱟᱜ ᱾
ᱩᱥᱩᱞ ᱵᱩᱨᱩ
ᱫᱩᱨᱩ ᱫᱩᱨᱩ ᱾
ᱫᱷᱤᱨᱤ ᱫᱟᱨᱮ
ᱢᱟᱨᱮ ᱢᱟᱨᱮ ᱾
ᱢᱮᱱᱟᱜ ᱫᱚᱲᱚᱢ
ᱮᱱᱟ ᱜᱚᱲᱚᱢ ᱾
ᱦᱟᱨᱟ ᱠᱟᱛᱮ
ᱜᱟᱛᱮ ᱜᱟᱛᱮ ᱾
ᱥᱟᱠᱟᱢ ᱥᱟᱦᱟᱱ
ᱨᱟᱹᱱᱩ ᱨᱟᱱ ᱾
ᱩᱫᱽ ᱯᱩᱴᱠᱟᱹ
ᱡᱚ ᱵᱤᱞᱤ ᱾
ᱜᱚᱲᱚ ᱜᱚᱲᱚ
ᱢᱟᱨᱟᱝ ᱦᱤᱞᱤ ᱾
ᱫᱤᱯᱤ---ᱞᱟᱢ
ᱟᱜᱩ---ᱭᱟᱢ ᱾
ᱦ ᱚ ᱯ ᱚ ᱱ ᱵ ᱟ.ᱵ ᱩ
ᱜᱳᱯᱮᱥᱣᱚᱨ ᱢᱟ.ᱱᱰᱤ,
ᱪᱟ.ᱥᱤ ᱦᱚᱯᱚᱱ ᱞᱟ.ᱭᱳᱜ ᱾
ᱦᱚᱲ ᱴᱷᱮᱱᱮ ᱫᱟᱯᱚᱴ ᱾
ᱱᱟᱦᱮᱞ ᱞᱟᱜᱟᱣ ᱛᱟᱸᱦᱮᱫ ᱾
ᱰᱟᱺᱜᱽᱨᱤ ᱠᱟᱴᱟᱭ ᱢᱟᱜᱽ ᱾
ᱵᱚᱛᱚᱨ ᱡᱟᱞᱟᱭ ᱚᱸᱢᱮ ᱾
ᱮᱠᱟᱞ ᱵᱟᱝᱼᱮ ᱪᱟᱞᱟᱜ ᱾
ᱽ------= ᱛ =------ᱽ
৩।।
ᱨᱟᱜᱟᱲ ᱪᱟᱢᱯᱟᱲ ᱠᱚᱲᱟ
ᱜᱟᱛᱮ ᱜᱟᱛᱮᱛᱮ ᱜᱟᱛᱮ ᱠᱚ ᱥᱟᱶ
ᱪᱟᱞᱟᱜ ᱟᱭ ᱚᱞᱚᱜ ᱥᱮᱲᱟ᱾
ᱪᱟᱞᱟᱣ ᱠᱟᱛᱮ ᱟᱭᱟᱜ ᱢᱚᱱᱮ
ᱛᱷᱤᱨᱜᱮ ᱵᱟᱝ ᱛᱟᱸᱦᱮᱱ
ᱦᱚᱲ ᱪᱮᱫ ᱠᱚ ᱯᱟᱲᱦᱟᱜ ᱠᱟᱱᱟ
ᱚᱱᱟ ᱠᱚᱜᱮᱭ
ᱟᱛᱮᱱ᱾
ᱞᱟ.ᱴᱷᱤ ᱟᱛᱮ ᱢᱟᱨᱟᱝ ᱢᱟᱪᱮᱫ
ᱠᱩᱞᱤᱭᱮᱫ ᱠᱚᱭᱟᱭ ᱯᱟ.ᱴᱷᱩᱭᱟ.
ᱢᱟ ᱞᱟᱹᱭ.ᱯᱮ ᱞᱚᱜᱚᱱ ᱠᱚᱛᱮ
ᱚᱠᱚᱭ ᱠᱟᱱᱟ ᱠᱚ ᱞᱟ.ᱴᱷᱩᱭᱟ.᱾
ᱵᱷᱩᱴᱩᱜ ᱢᱮᱱᱟ, ᱢᱟᱪᱮᱫ ᱜᱚᱢᱠᱮ
ᱤᱧᱟ.ᱜ ᱢᱤᱫᱴᱟᱝ ᱠᱩᱠᱞᱤ
ᱞᱟ.ᱤ ᱞᱮᱠᱷᱟᱱᱮᱢ ᱵᱷᱟᱞᱮ ᱵᱟᱝ ᱠᱷᱟᱱ
ᱢᱚᱱᱮ
ᱢᱮ ᱱᱤᱭᱟ. ᱫᱚ ᱜᱩᱜᱞᱤ᱾
ᱩᱛᱩ ᱠᱚᱫᱚ ᱵᱩᱞᱩᱝ ᱛᱮᱜᱮ
ᱪᱮᱫᱟᱜ ᱥᱟ.ᱨᱤ
ᱟᱫᱟᱜ
ᱫᱟᱠᱟ ᱠᱚᱫᱚ ᱵᱤᱱ ᱵᱩᱞᱩᱝ ᱛᱮ
ᱥᱮᱵᱮᱞ ᱜᱮᱭᱟ ᱪᱮᱫᱟᱜ
?
ᱽ------= ᱛ =------ᱽ
ᱦᱚᱯᱚᱱᱵᱤᱴᱤ
ᱥᱚᱛᱚᱱ ᱠᱩᱢᱟᱨ ᱥᱚᱨᱮᱱ
ᱚᱞᱚᱜᱽ ᱮ ᱪᱟᱞᱟᱜ ᱨᱤᱴᱤᱯᱤᱴᱤ,
ᱛᱷᱩᱞᱤᱥᱨᱮᱢᱟ ᱯᱩᱛᱷᱤᱥᱭ ᱥᱟᱸᱵᱟᱣ
ᱟᱨᱦᱚᱸᱭ ᱥᱟᱸᱵᱟᱣ ᱴᱤᱝ ᱛᱷᱟᱨᱤ ।
ᱛᱤᱠᱤᱱᱵᱮᱬᱟ ᱫᱤᱫᱤᱢᱩᱱᱤ
ᱮᱢᱟᱠᱚᱟᱭ ᱥᱚᱬᱮᱫᱟᱠᱟ ᱞᱚᱞᱚ
ᱢᱤᱢᱤᱛ ᱛᱷᱟᱨᱤ ᱛᱷᱟᱨᱤ,
ᱦᱚᱯᱚᱱᱵᱤᱴᱤ ᱚᱞᱚᱜ ᱪᱟᱞᱟᱜ
ᱮᱠᱟᱞᱜᱮᱵᱟᱭ ᱟᱬᱤ।
ᱫᱤᱫᱤᱢᱩᱱᱤ ᱚᱞ ᱟᱠᱚᱟᱭ
ᱚ,ᱛ, ᱜ, ᱝ,ᱞ
ᱦᱚᱯᱚᱱᱵᱤᱴᱤᱭ ᱥᱮᱸᱬᱟᱭᱛᱟᱞᱮ
ᱚᱞᱪᱤᱠᱤᱛᱮ ᱚᱞ ।
ᱫᱤᱫᱤᱢᱩᱱᱤ ᱞᱟ.ᱭᱟᱠᱚᱟᱭ
ᱱᱚᱟᱜᱮᱛᱟᱵᱚᱱ ᱡᱟᱱᱟᱢ ᱯᱟᱨᱥᱤ ᱚᱞ,
ᱦᱚᱯᱚᱱᱵᱤᱴᱤ ᱟᱰᱤᱭ ᱠᱩᱥᱤᱟᱜ
ᱚᱞᱪᱤᱠᱤᱛᱮ ᱚᱞ,
ᱫᱤᱱᱟ.ᱢ ᱦᱤᱞᱚᱜ ᱚᱞᱚᱜᱽ ᱮ ᱪᱟᱞᱟᱜ
ᱮᱠᱟᱞᱜᱮ ᱵᱟᱭ ᱪᱷᱚᱞ।
ᱫᱤᱱᱟ.ᱢ ᱦᱤᱞᱚᱜ ᱚᱞᱚᱜᱽ ᱮ ᱫᱩᱬᱩᱯ
ᱜᱚᱬᱚᱢᱦᱟᱬᱟᱢ ᱥᱟᱶ ᱟᱭᱩᱯᱟᱭᱩᱯ,
ᱵᱟᱭ ᱡᱟᱯᱤᱫ
ᱡᱚᱢᱟᱭ ᱠᱤᱫᱩᱯ।
ᱜᱚᱦᱚᱢᱦᱟᱬᱟᱢᱟᱜ ᱦᱚᱴᱚᱜ ᱦᱟᱬᱩᱯᱦᱟᱬᱩᱯ
ᱠᱦᱟᱯᱟᱭᱠᱷᱚᱯᱚᱭ ᱨᱚᱬᱟᱭ ᱫᱟᱫᱩᱫᱟᱫᱩ,
ᱠᱤᱨᱤᱧ ᱟᱞᱤᱧ ᱢᱮ ᱜᱟᱯᱟ ᱞᱟᱰᱩ
ᱚᱞᱚᱜᱽᱞᱤᱧ ᱪᱟᱞᱟᱜ
ᱤᱧ ᱟᱨ ᱜᱟᱰᱩ,
ᱥᱮᱸᱬᱟᱭ ᱟᱞᱤᱧ ᱚᱞᱪᱤᱠᱤ
ᱚ,ᱛ,ᱜ,ᱝ,ᱞ ।
ᱫᱤᱱᱟ.ᱢ ᱦᱤᱞᱚᱜ ᱨᱤᱴᱤᱯᱤᱴᱤ
ᱥᱮᱸᱬᱟᱭᱮᱛᱽ ᱛᱟᱞᱮᱭ ᱚᱞᱪᱤᱠᱤ
ᱢᱮᱱᱟᱭᱛᱟᱞᱮ ᱦᱚᱯᱚᱱᱵᱤᱴᱤ।
ᱽ------= ᱛ =------ᱽ
৫।।
রাহলা
গাতে
টুওয়ৗর
বায় চালাঃ আ অড়াঃ
তিনরে রুয়ৗড় এঁগাত মাত
মেনায় তৗঁগি তাঁড়াঃ ।
হয় সাঁওতে খিলডু বাড়ায়
উডৗঃ পাড়া পৗড়ি
উসৗৎ রেনাঃ অজে দতায়
তিসে হয়োঃ জৗড়ি ?
উসুল বুরু আঁজম কাতে
এমা দেয়ায় অৗসিস
রুয়ৗড় মে দো আপে অড়াঃ
অঁডেগে চাবাঃ কৗঁহিস ।
রুওয়ৗড় অকতে আয়মা গাতে
তি তি'ক মিলৗও
জুমিৎ রেনাঃ দাড়ে মেনাঃ
জৗড়ি দাঃক তুলৗও ।
সেরমা খনাঃ ধৗরতিয়েন ক
ধৗরতি খনাঃ দরয়া
মিৎ গে হড়াঃ আয়মা রুপ
মিৎ বারয়া পেয়া ।
রাহলা গিদৗর রুওয়ৗড়েনায়
আরহঁ এঁগাৎ ঠেন
এঁগাৎ দুলৗড় সরেস দুলৗড়
বানুঃ অকয় ঠেন।
ᱽ------=
ᱛ =------ᱽ
৬।।
কুড়য়ৗ ঝঁড়ে
সুচাঁদ হাঁসদা
কাথায় লৗয়া খৗলি এড়ে ৷
কৗমি কৗসনি আচু লেখান ,
খৗলিয় মেনা রুওয়ৗঃ কৗনৗঞ ,
বৗঞ বুজ এত আ দাড়ে ৷
আকাল সাকালে রুওয়ৗয়েনা ৷
লৗয়েত রেঁহয় সৗরি কাথা ,
কাথা ঝত ভুওয়ৗয়েনা ৷
মনে কেদাকো ঝঁড়ে দয় এড়ে ৷
রান মুরগৗন আগু আয় লৗগিত ,
অকয় গেচো বাকো কেড়ে ৷
আডিয় লাঁগায়েনা ঝঁড়ে ৷
কুহুরৗও আতেয় গেরাং কেদা ,
নিয়ৗ বারতেত রান কৗঞপে ,
আদো তিসহঁ বৗঞ লৗয়ৗ এড়ে ৷
ᱽ------= ᱛ =------ᱽ
কুকলি কাথা
বাড়তাঙ সরেন
গাড় রেকো তাঁহেনা,
কুম্বৗরেলে তাঁহেনা ?
গৗডি তেকো দাঁড়ানা
আলে চেদাঃ রেঙ্গেচ হড়
তাড়াম তেলে দাঁড়ানা ?
মজ্ গেকো তৗহুড়া
আলে দ বাপুড়িয়ৌ
মজ গেচো ঞেলঃ আ
রেঙ্গেচ হড় হরঃ বাঁদে
আড়িস চেদাঃ ঞেলঃ আ ?
গুড় গতম দাহেগে
আলে চেদাঃ রেঙ্গেচ হড়
রেয়াড় দাঃ মাণ্ডি গে ?
চেদাঃ বৗনুঃ তালেয়া
কিসৗড় হড় মৗনমী জিয়ন
চেদাঃ বৗনুঃ তালেয়া ?
ᱽ------= ᱛ =------ᱽ
জিয়ৗড় গাডা
রামলাল
টুডু
বৗইশৗখ দ রহড়গে বেগর দাঃ তে ।
রক্ রক ধিরি গটা গিতিল দ থড়া
অনাখনগে সুচ্ দাঃ অৗগুয়াক থড়া ।
গাডা আড়ে জরবাড়ে উমুলায় গাডা
গগ তাক জিরৗঃ আক দহ কাতে কাঁডা ।
যতকতে আড়েয়াক চৗত্ বঁগা তেগে
জাওরা দাঃরে তোপোনাক দুলদাঃ তেগে ।
কাটকম তাঁহেনাক গাডা ভুগৗঃ করে
বৗনতুড় হাকো হঁত ডঁডহর করে ।
অৗরুবাক থৗরিবৗটি গিতিলাক লটা
গেঁদাঃ কহঁ সবদাক ঘাটকরে গটা ।
বৗবু মৗই বডেয়াক এগেরায় বৗহু
বাংগেক বতরায় দন আক তৗঁহু ।
আষাঢ় দ পেরেজঃআ রৗস্কৗআয় গাডা
বডেদাঃতে তোপোনে অনা জিয়ৗড় গাডা ।
বতরগে সাডে উন দাঃগে কাল কালাঃ
বৗবু মৗই বতরতে উম্ বাক চালাঃ ।
ᱽ------= ᱛ =------ᱽ
পেয়া বৗউলী
সেঁগেলমারমার
1.
চালাগ্ আলাঙ গাডা
ধারে ধারেতে আতিঞ আক
মেরম ডৗঙরী কাডা।
রেয়াঢ় রাহাম দাগ্
হড়ম জীওয়ী ফারনাগ্ আ
মজগে সুসুলঠাগ্।
বৗইদ বৗইহৗড় চেহেল চেপেল
আসাড় শান এ দাগ্
উপিকক উডৗও বাড়ায়
রটে কক রাগ্।
ঞির আতেদ্ ক আড়গুগ্
এনেচ আক দন আক
আকো আকোক কাড়গুগ্।
ভারত ইঞৗগ্ জানাম দিশম
আডি সরেসান
পৗরসী ধরম হুনৗর রেহঁ
মিদ্ তে মৗহিমান।
খাড়াঙ তপল হাসা
জীবজিয়ালি চেঁড়ে চুপড়ি
তিনৗগ্ হড়াগ্ বাসা।
ᱽ------=
ᱛ =------ᱽ
অনলিয়ৗ
দুগাই টুডু
আলে দিসম তেসে,
খাতা কলম ভরাও কাতে
থৗয়লৗ রেদ দেসে।
লুগুৎ লুগুৎ ঘাঁসগে,
অনতর তালা কুসি কাতে
আডি গেচো আঁশগে।
বুরু জেলেঞ মাছা,
মনে জিউয়ি উনরে আদ
রৗস্কৗ গদঃ বাছা।
রুকুড় ধিরি তেমা,
ঞেলরে হানে চিতৗর তেদ
অলঃ দাড়েম ঞামা।
ঞেলঃ সাঁগিঞ খনাঃ,
সাঁওহেৎ চারচা দিসৗ আমা
কয়ঃ লেখান অনা।
ᱽ------= ᱛ =------ᱽ
রৗস্কৗ
সনাতন টুডু
হপন বিটিয় এনেজ্,
ঝমর ঝমর সাকম সাডে
লেগেম লেগেমেয় এনেজ্।
লুহুক কদর আতে,
লৗডু লেকা আরেল কদ
উকুয় তি কতে।
লুহুক বাংগেয় থিরঃ
লসদ্ অত্রে সারা ঘৗড়িজ্
উতৗ হুলিয় ঞুরঃ
ঝমর জৗড়ি তালা,
এনেজ্ জং আয় আজ্ মনেতে
লসদ্ লেঁজেদ্ তালা।
ᱽ------=
ᱛ =------ᱽ
১২।।
মৗনমি জিউয়ি
সীতেন মাণ্ডি
বেড়ায় রাকাব আ
কাড়াং ঞুতৗৎ চাবা কাতে
ধৗরতি মারশাল আ।।
চেরঃ বেরঃ আক
হান্তে নাতে উডৗও কাতে
জমাঃ পাঁজায় আক।।
জৗপিদ বেরেৎ আক
মেৎ মচা হুতুম কাতে
পাড়হাঃ দুড়ুপ আক।।
টাণ্ডিতেয় মহডা ক
আয়ো হড় মা জগাক
অড়াঃ দুয়ৗর রাচা গড়াক।।
রেরেঞ রে.রে রে
মিৎ গেক রাগা
. জৗনুম দারে রে।।
পছিম নাখারে
মৗনমি জিয়ন লাহা চালাঃ
ᱽ------= ᱛ =------ᱽ
১৩।।
বাবু বেটা
মধূসদন হাঁসদা,
(তেসার হৗটিঞ)
য়ুয় এমঃ
জম গদ মে,
বুডিগ সালাঃ
থুতি-ডিঁগর
কুদুম লৗই মে ৷
গাম, কুদুম
আঁজম সেঁড়ায় মে,
হুডিঞ হুডিঞ
মারে কৗহনি
চেদ্ কাঃ মে ৷
বিন্তি বাখেড়
আঁজম সেঁড়ায় মে,
সেঁদরা-কারকা
দামান কাথা
মজতে আঁজম মে ৷
''ঞিদৗয়েনা
দেলা জাপিৎ মে''
দাদু-বুডি গ
''চালাঃ কানাঞ''
লৗই হট আকিন মে ৷
আয়ো কলেরে
জৗপিৎ ভাগাঃ মে,
গাপা সেতাঃ
লগন সাঁহিজ
বেরেৎ গদঃ মে।
ᱽ------=
ᱛ =------ᱽ
১৪।।
লেভড়া হাড়াম
বিভূতি
ভূষণ সরেন
মেনায় ' লেভড়া হাড়াম '
ঞেল তেহঁ আডি দারমট
মেনাঃ তায় কড়াম।
যাঁহা লেকায় জম ,
অড়াঃ করেহঁ অনকা মাছা
বাংএ জমা কম ।
ঞেল তায়াম দাকা,
সানাম হড় জম লাহারে
পাতড়া তায়ে ফাঁকা।
হাড়ামে কয়ঃ দারাম,
গড়ম কড়া-কুড়ি তাক
মেতায়া লেভড়া হাড়াম।
মেনাঃক্ দাকা অভাব ,
হিরিচ্ পৗসির আলপে জমা
বেনাও পে মজ্ স্বভাব ।।
ᱽ------= ᱛ =------ᱽ
১৫।।
খিলডু খামডা
দুলৗড় বিটি
আলে সাঁওপে অৗড়িঃ,
গাতে সানালে আপে সাঁও
শিবিল উল জজ ডিঢৗড়ি।
দিনগে অৗড়ি ঢৗড়ি,
আলে সাঁও গাতে লেনখান
ঞামঃ কায়রা কান্ঠাড় খৗজৗড়ি।
তিনরে লাচ্ আজাড়িঃ,
রেঁগেচ্ তেতাং জম বাংতে
এহবাপে উনদ বক বৗজৗড়ি।
=O=O=O= মুচৗৎ =O=O=O=
.webp)
