(হুডিঞ মাছা কৗহ্নি)
মলং
নিকোলাস মারাণ্ডি
তেহেঞ সেতাঃ বেড়া ভজে কৗমি সেনঃ হররে মিৎ টেন জিনিসে ঞাম কেদা। আদ রৗসকৗতে আচ্ বৗহুয় ফোন আদেয়া। আদ আচ্ বৗহু দ যতোওয়াঃএ আঁজম কেৎ খানে মেন রুওয়ৗড় কেদা , " যাঁহায়াঃ কানগে, আমদ থানারে ইদি অটোকাঃমে, এনতে লালচ্ দ বাং ঠিক আ ।" আচ্ বৗহু আঃ কাথা বায় কাটাও দাড়েয়াৎ তে, সিক ভজে দ বতর বতরতে থানারে সেন
কাতে পুলিশ ঠেনে জিমৗ কাদা। আর মায়াঃ -মোয়োঃ আতে ইনৗহিলোঃ দ অড়াঃ এ রুওয়ৗড় হেচ্ এনা।
দসার হিলোঃ খবর কাগজ খন বাডায়েনা , বাংমা অকয়টাঃ মালিক আঃ টাকা আৎ লেন অনাদ উনি মালিক এ ঞাম রুওয়ৗড় আকাদা। অনা সাঁওতে ভজে হঁ ডাগ-ভাগ বেগ সাপ্ কাতেকো ফোটো রাকাপ্ আকাদেয়া। আর টাকায় ঞাম আকাৎ খৗতির মালিক তরপ্ খন মিৎ লাখ টাকা এম কাতে মৗনকো এমায়া মেনতে কো রড় আকাদা। নোওয়া কাথা আঁজম কাতে রৗস্কৗতে বানা হড়াঃ মেৎ খন হিডির হিডির মেৎ
দাঃ জরয়েন তৗকিনা।
.webp)
