আবোওয়াঃ ডিজিটাল ডেস্ক- সানতাড়ি সাঁওহেদ্ রেন মিৎ ঞুতুমান
অনলিয়ৗ সারিধরম হাঁসদা আঃ হড়ম বাং বেশতে ঝাড়গ্রাম সুপার স্পেশালিটি হাসপাতালরে ভুরতি
মেনায়া। বাডায় আকানা বেশ কিছু দিন খনগে হড়ম-জিউয়ি বেশ বায় বুঝৗওয়েৎ তাঁহে কানা। বয়েস
হামাল ইদিঃকান তেগে মানতান গোমকেদ বেশ বায় আয়কৗওয়েৎ তাঁহেকানা মেনতেগে বাডায় আকানা
।
উনিয়াঃ নোওয়া রুওয়ৗ-হাসো আঁজম তে আয়মা সাঁওহেদ্ দরদিয়ৗ গে
হাসপাতাল রে ঞির সেন কাতে খঁজ-তলাশ কো হাতাও আকাৎ তায়া। অল ইন্ডিয়া সানতাল রাইটার্স
অ্যাসোসিয়েশন পছিম বাংলা চাঁগা পাহটা খন জেনারেল
সেক্রেটারী মানতান দ্বিজপদ হাঁসদা গোমকে ঝাড়গ্রাম সুপার স্পেশালিটি হাসপাতাল সেন কাতে
হিরি আগু কেদেয়ায় মেনতে বাডায় আকানা। অনাবেগর মানতান হাঁসদা আঃ হড়ম রেনাঃ বেশ-বৗড়িচ্
তলাশ হঁ ঘানে ঘানে গে হাতাও এদায় মেনতেহঁ বাডায় আকানা। শোস্যাল মিডিয়ারেহঁ আয়মা অনলিয়ৗ,
অনড়হিঁয়ৗ, সাঁওহেদ্ দরদিয়ৗ কো মানতান হাঁসদা লগন তে বেশ রুওয়ৗড়ঃ লৗগিৎ বঁগা-বুরু কোঠেন
নেঁহর কো দহ আকাদা। ‘তেৎরে’ পাথাম রেন সাসাপড়াওয়িচ্ আর ঞুতুমান সাঁওহেদিয়ৗ মানতান
মহাদেব হাঁসদা উনিয়াঃ হড়ম নাপায়তে বেশ রুওয়ৗড়ঃ মা অনায় খজ আকাদা। আবোওয়াঃ কাথা খন উছৗনঃ
কান ‘চেরেচ্ আড়াং’ রেন সাসাপড়াওয়িচ্ হঁ মানতান হাঁসদা আঃ হড়ম-জিউয়ি উসৗরাতে বেশ রুওয়ৗড়ঃ
লৗগিৎ চাঁদো-বঁগা ঠেনে নেঁহর আকানা।
নঁতে হলা ১৬ জুলাই, ঞুতুমান সাঁওহেদিয়ৗ সারিধরম হাঁসদা হাসপাতালরে
ভুরতি মেনায়া নোওয়া কাথা আঁজম কাতে বির-বুরু রিনিচ্ মন্ত্রী বিরবাহা হাঁসদা কলকাতা
খন রুওয়ৗড় অকতে সঝহে হাসপাতালতে উনি ঞেঞেল এ চালাও এনা। রুওয়ৗঃ কান সাঁওহেদিয়ৗ সাঁও
ঞেপেল-রপড় এনায়। উনিয়াঃ তিকিছা লৗইতেহঁ সানাম লেকান খঁজ-তলাশ এ হাতাও কেদা মেনতে বাডায়
আকানা।
.webp)
