“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
তেহেঞা আখড়ারে যাঁহায় কো
সেলেদ্ আকান- রিলৗমালা মুরমু, ᱥᱩᱵᱩᱫᱤᱭᱟᱹ
ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, সুচাঁদ হাঁসদা, গাতে টুওয়ৗর, বাড়তাঙ সরেন, রামলাল টুড, সেঁগেল মারমার, দুগাই টুডু, সনাতন টুডু, সীতেন মান্ডি, বিভূতি ভূষন সরেন, সতন কুমার সরেন, বাহা, দুলৗড় বিটি ।
 |
| রিলৗমালা মুরুমু, ক্লাস- IV জেলা - পুরুলিয়া |
১।।
ᱪᱮᱸᱬᱮ
ᱥᱩᱵᱩᱫᱤᱭᱟᱹ ᱢᱩᱨᱢᱩ
ᱥᱤᱢ ᱜᱮᱰᱮ
ᱥᱮᱰᱮ ᱵᱮᱰᱮ ᱾
ᱠᱮᱨ--ᱠᱮᱴᱟ
ᱪᱮᱴᱷᱟ ᱪᱮᱴᱷᱟ ᱾
ᱥᱟᱸᱜᱮ ᱪᱤᱛᱽᱨᱤ
ᱜᱟᱡᱟᱲ ᱵᱷᱤᱛᱽᱨᱤ ᱾
ᱴᱷᱩᱲᱠᱤ ᱯᱚᱛᱟᱢ
ᱛᱮᱨᱟᱝ ᱠᱚᱛᱟᱢ ᱾
ᱴᱟᱹᱰᱤ ᱜᱷᱟᱣᱲᱟ
ᱩᱰᱟᱹᱣ ᱡᱟᱣᱨᱟ ᱾
ᱴᱤᱨᱚᱱ ᱪᱮᱸᱬᱮ
ᱯᱳᱱ ᱢᱚᱸᱬᱮ ᱾
ᱟᱵᱽ ᱞᱮᱱᱠᱚ
ᱩᱰᱟᱹᱣ ᱮᱱᱠᱚ ᱾
ᱦᱟᱺᱛᱤ ᱩᱲᱤᱪ
ᱟᱠᱚ ᱠᱚᱭᱤᱪ ᱾
ᱯᱷᱩᱨ ᱯᱷᱩᱨ
ᱡᱷᱩᱲ ᱡᱷᱩᱲ ᱾
ᱩᱰᱟᱹᱣ ᱛᱟᱯᱩᱜ
ᱮᱸᱜᱟ ᱦᱟᱯᱩᱜ ᱾
ᱨᱟᱹᱛ ᱪᱚᱨᱟ
ᱪᱚᱨ ᱪᱷᱚᱨᱟ ᱾
ᱧᱤᱫᱟᱹ ᱫᱩᱸᱫᱩᱢ
ᱜᱩᱢ ᱜᱩᱜᱩᱢ ᱾
ᱪᱮᱸᱬᱮ ᱪᱤᱯᱽᱨᱩᱫ
ᱱᱟᱹᱲᱤ ᱢᱩᱨᱩᱫ ᱾
ᱞᱮᱣᱮᱨ ᱠᱚᱫᱚᱨ
ᱞᱚᱸᱰᱚ ᱠᱚᱠᱚᱨ ᱾
-===----᱿᱿ ᱛ ᱿᱿----===-
২।।
ᱫ ᱟ ᱨᱮ
ᱜᱳᱯᱮᱥᱣᱚᱨ ᱢᱟ.ᱱᱰᱤ,
ᱦᱟᱱᱮ ᱧᱮᱞ ᱢᱮ ᱫᱟᱨᱮ
ᱚᱛ ᱠᱷᱚᱱ ᱚᱢᱚᱱ ᱟᱠᱟᱱ,
ᱢᱳᱦᱚᱲ,ᱰᱟ.ᱨ,ᱥᱟᱠᱟᱢ ᱛᱮ
ᱥᱟᱡᱟᱣ ᱡᱩᱛ ᱟᱠᱟᱱ ᱾
ᱚᱛ ᱠᱷᱚᱱ ᱚᱢᱚᱱ ᱟᱠᱟᱱ,
ᱢᱳᱦᱚᱲ,ᱰᱟ.ᱨ,ᱥᱟᱠᱟᱢ ᱛᱮ
ᱥᱟᱡᱟᱣ ᱡᱩᱛ ᱟᱠᱟᱱ ᱾
ᱦᱟᱥᱟ ᱞᱟᱛᱟᱨ ᱨᱮᱦᱮᱫ ᱫᱟᱲᱮ
ᱛᱤᱸᱜᱩ ᱠᱮᱴᱮᱡ ᱟᱠᱟᱱ,
ᱦᱚᱭ ᱵᱟᱨᱰᱚ ᱫᱟᱜ ᱠᱚᱛᱮ
ᱵᱟᱝ ᱩᱞᱴᱟ.ᱣ ᱟᱠᱟᱱ ᱾
ᱛᱤᱸᱜᱩ ᱠᱮᱴᱮᱡ ᱟᱠᱟᱱ,
ᱦᱚᱭ ᱵᱟᱨᱰᱚ ᱫᱟᱜ ᱠᱚᱛᱮ
ᱵᱟᱝ ᱩᱞᱴᱟ.ᱣ ᱟᱠᱟᱱ ᱾
ᱰᱟ.ᱨ ᱯᱮᱨᱮᱡ ᱵᱟᱦᱟ ᱦᱩᱭᱩᱜ
ᱵᱟᱦᱟ ᱠᱟᱛᱮ ᱡᱚᱜ
ᱵᱮᱞᱮ ᱠᱟᱛᱮ ᱦᱟᱥᱟ ᱪᱮᱛᱟᱱ
ᱧᱩᱨᱩ ᱛᱟᱸᱦᱮ ᱠᱚᱜ ᱾
ᱵᱟᱦᱟ ᱠᱟᱛᱮ ᱡᱚᱜ
ᱵᱮᱞᱮ ᱠᱟᱛᱮ ᱦᱟᱥᱟ ᱪᱮᱛᱟᱱ
ᱧᱩᱨᱩ ᱛᱟᱸᱦᱮ ᱠᱚᱜ ᱾
ᱦᱚᱭ,ᱫᱟᱜ,ᱥᱤᱛᱩᱝ ᱛᱟᱞᱟ
ᱯᱩᱸᱜᱽᱲᱤ ᱛᱩᱫ ᱜᱚᱫᱚᱜ
ᱵᱟ.ᱭ ᱵᱟ.ᱭ ᱛᱮ ᱟ.ᱰᱤ ᱢᱟᱨᱟᱝ
ᱫᱟᱨᱮ ᱦᱩᱭ ᱦᱚᱫᱚᱜ ᱾
ᱯᱩᱸᱜᱽᱲᱤ ᱛᱩᱫ ᱜᱚᱫᱚᱜ
ᱵᱟ.ᱭ ᱵᱟ.ᱭ ᱛᱮ ᱟ.ᱰᱤ ᱢᱟᱨᱟᱝ
ᱫᱟᱨᱮ ᱦᱩᱭ ᱦᱚᱫᱚᱜ ᱾
ᱵᱟ.ᱲᱤᱡ ᱦᱚᱭᱮ ᱚᱨ ᱦᱟᱛᱟᱣ
ᱱᱟᱯᱟᱭ ᱦᱚᱭᱮ ᱮᱢᱚᱜ
ᱫᱷᱟ.ᱨᱛᱤ ᱨᱮᱱ ᱡᱤᱣᱟ.ᱞᱤ ᱠᱚᱣᱟᱜ
ᱡᱤᱣᱤ ᱡᱤᱭᱟ.ᱲ ᱧᱟᱢᱚᱜ ᱾
ᱱᱟᱯᱟᱭ ᱦᱚᱭᱮ ᱮᱢᱚᱜ
ᱫᱷᱟ.ᱨᱛᱤ ᱨᱮᱱ ᱡᱤᱣᱟ.ᱞᱤ ᱠᱚᱣᱟᱜ
ᱡᱤᱣᱤ ᱡᱤᱭᱟ.ᱲ ᱧᱟᱢᱚᱜ ᱾
-===----᱿᱿
ᱛ ᱿᱿----===-
৩।।
ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ
ᱥᱨᱤᱠᱟᱱᱛᱚ ᱥᱚᱨᱮᱱ
(᱑᱕)
ᱵᱷᱟᱨᱚᱛ ᱫᱤᱥᱚᱢ ᱫᱚ ᱱᱟ.ᱭᱛᱮ ᱛᱚᱞ ᱢᱮᱱᱟᱜ ᱟ᱾ ᱜᱚᱝᱜᱟ (ᱜᱟᱝ)
ᱢᱤᱫᱴᱟᱝ ᱡᱮᱞᱮᱧ ᱱᱟ.ᱭ᱾ ᱫᱤᱥᱚᱢ ᱨᱮᱱᱟᱜ ᱩᱛᱛᱚᱨ ᱼᱫᱚᱠᱥᱤᱱ ,ᱯᱩᱨᱩᱵ ᱼᱯᱩᱪᱷᱤᱢ ᱜᱚᱴᱟᱜᱮ ᱟ.ᱛᱩ ᱟᱠᱟᱱᱟ᱾
ᱯᱟ.ᱦᱤᱞ ᱫᱚ ᱦᱚᱲ ᱛᱟᱲᱟᱢ ᱛᱮ ᱥᱟ.ᱜᱤᱧ - ᱥᱟ.ᱜᱤᱧ ᱠᱚ ᱪᱟᱞᱟᱜ ᱛᱟᱸᱦᱮ᱾ ᱢᱤᱫ ᱫᱤᱥᱚᱢ ᱠᱷᱚᱱ ᱟᱨ ᱢᱤᱫ
ᱫᱤᱥᱚᱢ ᱫᱚ ᱡᱟᱦᱟᱡ ᱛᱮᱠᱚ ᱪᱟᱞᱟᱜ ᱛᱟᱸᱦᱮ ᱾ ᱱᱮᱛᱟᱨ ᱫᱚ ᱨᱮᱞ ᱜᱟ.ᱰᱤ ,ᱩᱰᱟ.ᱜ ᱜᱟ.ᱰᱤ ᱛᱮᱠᱚ ᱪᱟᱞᱟᱜ
ᱠᱟᱱᱟ᱾ ᱨᱮᱞ ᱜᱟ.ᱰᱤ ᱫᱚ ᱢᱤᱫᱴᱟᱝ ᱡᱮᱞᱮᱧ ᱜᱟ.ᱰᱤ ᱾ ᱱᱚᱣᱟ ᱨᱮ ᱟᱭᱢᱟ ᱦᱚᱲ ᱠᱚ ᱥᱟᱦᱚᱵ ᱻᱟ᱾ ᱯᱚᱱᱚᱛ
ᱨᱮᱭᱟᱜ ᱫᱚᱠᱷᱤᱱ ᱥᱮᱫ ᱫᱚᱨᱭᱟ ᱡᱟᱯᱟᱜ ᱨᱮ ᱥᱩᱱᱫᱚᱨᱵᱚᱱ ᱢᱮᱱᱟᱜ ᱼᱟ᱾ ᱱᱚᱣᱟ ᱵᱤᱨ ᱨᱮ ᱥᱩᱱᱫᱚᱨᱤ ᱫᱟᱨᱮ
ᱢᱮᱱᱟᱜ ᱻᱟ᱾ ᱟᱨ ᱞᱟ.ᱴᱩ ᱼ ᱞᱟ.ᱴᱩ ᱛᱟ.ᱨᱩᱵ ᱦᱚ ᱢᱮᱱᱟᱜ ᱠᱚᱭᱟ᱾ ᱱᱩᱠᱩ ᱛᱟ.ᱨᱩᱯ ᱫᱚ ᱨᱚᱭᱮᱞ ᱵᱮᱱᱜᱚᱞ
ᱴᱟᱤᱜᱟᱨ ᱠᱚ ᱢᱮᱛᱟ ᱠᱚᱭᱟ᱾
ᱟᱵᱳ ᱫᱚ ᱯᱩᱪᱷᱤᱢ ᱵᱟᱝᱞᱟ ᱨᱮᱵᱚᱱ ᱛᱟᱸᱦᱮᱱᱟ᱾
ᱠᱳᱞᱠᱟᱛᱟ ᱟᱵᱚᱣᱟᱜ ᱨᱟᱡᱫᱷᱟᱱᱤ᱾ ᱫᱟᱨᱡᱤᱞᱤᱝ ᱫᱚ ᱯᱩᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱩᱛᱛᱚᱨ ᱱᱟᱠᱷᱟᱨᱮ᱾ ᱱᱚᱸᱰᱮᱱᱟᱜ
ᱪᱟ ᱫᱷᱟ.ᱨᱛᱤ ᱡᱟᱠᱟᱛ ᱨᱮ ᱟ.ᱰᱤ ᱧᱩᱢᱟᱱᱟᱜ᱾ ᱫᱟᱨᱡᱤᱞᱤᱝ ᱨᱮ ᱴᱚᱭ ᱴᱨᱮᱱ ᱢᱮᱱᱟᱜ ᱻᱟ᱾ ᱢᱟᱞᱫᱚᱦᱚ ᱡᱮᱞᱟᱨᱮ
ᱩᱞ ᱟ.ᱰᱤ ᱡᱟ.ᱥᱛᱤ ᱦᱳᱭᱳᱜ ᱻᱟ᱾ ᱫᱤᱜᱷᱟ ᱨᱮᱱᱟᱜ ᱫᱚᱨᱭᱟ ᱦᱮᱞᱠᱟᱶ ᱧᱮᱞ ᱡᱚᱝ ᱞᱮᱠᱟᱱᱟᱜ᱾ ᱫᱚᱨᱭᱟ ᱨᱮ
ᱥᱟᱸᱠᱷ ᱠᱚ ᱧᱟᱢᱚᱜ-ᱟ᱾
-===----᱿᱿ ᱛ ᱿᱿----===-
বঁগা হাতম
সারি ধরম হাঁসদা
এ- হাতম- বঁগা হাতম
আম দ উসুল চাতম,
থৗরিরে গুড় গতম !
আম দ উসুল চাতম,
থৗরিরে গুড় গতম !
হৗনি মেনায় চৗওরাহারে
সিদগৗ লাফাঃ কুমৗং,
গিতিলেদায় টুমৗং।
সিদগৗ লাফাঃ কুমৗং,
গিতিলেদায় টুমৗং।
এ- হাতম -- বঁগা হাতম
আম দ মাডের মাতকম,
ঝতম লাগা পারম।
আম দ মাডের মাতকম,
ঝতম লাগা পারম।
হৗনি মেনায় চৗরখি কুমৗং
দুলৗড় জৗঁড়িয় ঢেরায়,
সুকৗল দৗঁধিয় চাঁড়ায়।
-===----᱿᱿ ᱛ ᱿᱿----===-
দাঃ দারাম
সুচাঁদ হাঁসদা
দাঃ দারাম দাঃ দারাম ,
নাসে হুয়লেন দাঃ জৗড়ি ,
আম লেকা দেসে বাড়ে ,
সানাম কলে খজা হালে ,
-===----᱿᱿ ᱛ ᱿᱿----===-
তোয়ো মামা আঃ পেড়া হিরি
গাতে
টুওয়ৗর
উসৗৎ কাতে সিম সৗঁডি
মামো আড়াঃ এ চালাঃ
সাঁওতে কাতে ইদি কেদায়
মৗডি মিৎ খালাঃ ।
মামো আড়াঃ এ চালাঃ
সাঁওতে কাতে ইদি কেদায়
মৗডি মিৎ খালাঃ ।
কুডৗম ধারে দুড়ুব দুড়ুব
তোয়ো মামায় উইহৗর
সিম সৗঁডিমা আডিয় হুডিঞ
এঁগাৎ আপাৎ টুওয়ৗর ।
তোয়ো মামায় উইহৗর
সিম সৗঁডিমা আডিয় হুডিঞ
এঁগাৎ আপাৎ টুওয়ৗর ।
দহ কৗয়ৗঞ সৗঁডি ভৗগনৗ
হরহয় তিঞায় অড়াঃ
তবে রেসে দিনৗম হিলোঃ
হাঁডে নাডেঞ পেড়াঃ ।
হরহয় তিঞায় অড়াঃ
তবে রেসে দিনৗম হিলোঃ
হাঁডে নাডেঞ পেড়াঃ ।
কাথা মাতো সৗরিয়েনা
সিম সৗঁডিহঁয় রেবেনেনা
বাসা কাথা আঁজম কাতে
তোয়ো মৗমিহঁয় এভেনেনা ।
সিম সৗঁডিহঁয় রেবেনেনা
বাসা কাথা আঁজম কাতে
তোয়ো মৗমিহঁয় এভেনেনা ।
সিঁগৗড় তরা তোয়ো মামা
পেড়া হিরিয় মহডায়েনা
সুকরি গড়া বল কাতে
কাটা রেগেয় পৗসিয়েনা ।
পেড়া হিরিয় মহডায়েনা
সুকরি গড়া বল কাতে
কাটা রেগেয় পৗসিয়েনা ।
-===----᱿᱿
ᱛ ᱿᱿----===-
জৗনুম
বাড়তাঙ সরেন
ঝাড়পো জৗনুম রাম্পা জৗনুম
মেনাঃ কুঁড়িত্ জৗনুম
জজ জৗনুম সড়ম রেদ
মেনাঃ কুঁড়িত্ জৗনুম
জজ জৗনুম সড়ম রেদ
কলম জৗনুম এডহে জৗনুম
জৗনুম বেগর বাংগে তাঁহেন
বাড়গে সিপিঞ জৗনুম ।
জৗনুম বেগর বাংগে তাঁহেন
বাড়গে সিপিঞ জৗনুম ।
বৗদ্ , বৗইহৗড় রাঁগাঁনি জৗনুম
পৗটি হাসু বাবাত
পৗটি হাসু বাবাত
গাবলা জৗনুম গৗবুর জৗনুম
রামফা লেখান অড়েচ গদঃ
রামফা লেখান অড়েচ গদঃ
তালে রেঁড়েঁত্ মৗগরি হাকো
মেনাঃ তাকো জৗনুম
মেনাঃ তাকো জৗনুম
হরতে তাড়াম হান্তে নাতে
-===----᱿᱿ ᱛ ᱿᱿----===-
চৗষি
রামলাল টুডু
চালাঃ সানাঞ লসদ্ করে
খেত - বৗদ্ - সকড়ারে
সাঁগে হড়ক যাঁহারে
সিয়োঃ কান ক নাহেল আতে
কচে কাঁড়বা অতারে ।
খেত - বৗদ্ - সকড়ারে
সাঁগে হড়ক যাঁহারে
সিয়োঃ কান ক নাহেল আতে
কচে কাঁড়বা অতারে ।
জম ক ইদিয় গগ তাক
হোড়োগৗছি তোদ্ আক
পান্তে - পান্তে রহয়াক
অদর থপর লসদ্ রে
হিরখৗ হঁ বাং তাক ।
হোড়োগৗছি তোদ্ আক
পান্তে - পান্তে রহয়াক
অদর থপর লসদ্ রে
হিরখৗ হঁ বাং তাক ।
পুরৗউ আক মনের আশা
ঘান্টা কাতে অত হাসা
নানা - হুনৗর ক চাষা
আর্জাও আক অড়াঃ পেরেচ
যুদিয় চালাও বর্ষা ।
ঘান্টা কাতে অত হাসা
নানা - হুনৗর ক চাষা
আর্জাও আক অড়াঃ পেরেচ
যুদিয় চালাও বর্ষা ।
দহকুয়ৗঞ চাষরে পৗশি
ডাংরা- কাডা- গুতিদৗসি
তাঁহেনালে রৗস্কৗ কুশি
গ - বাবা কিন রেবেনখান
ইঞ হঁঞ হোয়োঃ চৗষি ।।
ডাংরা- কাডা- গুতিদৗসি
তাঁহেনালে রৗস্কৗ কুশি
গ - বাবা কিন রেবেনখান
ইঞ হঁঞ হোয়োঃ চৗষি ।।
-===----᱿᱿
ᱛ ᱿᱿----===-
মানা
সেঁগেলমারমার
আলো বাবুম চালাঃ আয়া
কুলহি মুচৗদ্ সেন
কুদরৗ বঁগায় উডুক বাড়াঃ
হেসাঃ বুটা ঠেন।
কুলহি মুচৗদ্ সেন
কুদরৗ বঁগায় উডুক বাড়াঃ
হেসাঃ বুটা ঠেন।
নানাহুনৗর ভেসতে বাবু
উডুকগ্ আয় তারাসিঞ
আদম দ শুকরী কাডা
আদম কৗড়ছু বিঞ।
উডুকগ্ আয় তারাসিঞ
আদম দ শুকরী কাডা
আদম কৗড়ছু বিঞ।
গাঁইতি লেকা ডাটা তায়
গুড়গু লেকা মু
তালা ঞিদৗ আঁজমগ্ আ
চিলি তৗনিচ আ রু।
গুড়গু লেকা মু
তালা ঞিদৗ আঁজমগ্ আ
চিলি তৗনিচ আ রু।
অনাতেঞ মেতাম এয়া বাবূ
এসকার আলম চালাঃ
তিন করেচয় উডুক গদগ্
রাপরাপা ডান সালাগ্।
এসকার আলম চালাঃ
তিন করেচয় উডুক গদগ্
রাপরাপা ডান সালাগ্।
পৗতনী সাব কাঁকড়া কুদৗও
সসরচ্ লৗগিদ্ ঞির
বৗগি কাতেদ্ চালাগ্ মেসে
ইস্কুলতে গিরগির।
সসরচ্ লৗগিদ্ ঞির
বৗগি কাতেদ্ চালাগ্ মেসে
ইস্কুলতে গিরগির।
-===----᱿᱿ ᱛ ᱿᱿----===-
ইঞ হঁঞ অলা
দুগাই টুডু
অকা জোখান বাবা উনরে
অলগে বাড়া গোদায়,
অনা বাবদ হেনাঃ তায়গে
দমে পতব কোতায়।
অলগে বাড়া গোদায়,
অনা বাবদ হেনাঃ তায়গে
দমে পতব কোতায়।
উয়ুং কাতে পাড়হা রেদ
বাডা বুডু মনতে,
আয়মা কাথা জাদগঃ কানা
অনতর তালা নতে।
বাডা বুডু মনতে,
আয়মা কাথা জাদগঃ কানা
অনতর তালা নতে।
অনে আদ উইহৗর এদা
ইঞ হঁঞ অলা বলে,
মনে রেগে গুরলৗও হিজুঃ
লগন চিতৗর ভালে।
ইঞ হঁঞ অলা বলে,
মনে রেগে গুরলৗও হিজুঃ
লগন চিতৗর ভালে।
অনে আদঞ দুড়ুপ গদঃ
সাঁওতে খাতা কলম ,
হড়াঃ সাঁওহেৎ চরচা করে
বাংগে আদঞ বিলম।
সাঁওতে খাতা কলম ,
হড়াঃ সাঁওহেৎ চরচা করে
বাংগে আদঞ বিলম।
নংকা তেগে হেওয়া দহয়
অলগে আদ ফুরতি,
অলঃ দাড়েঞ ঞামগে বাড়ে
ইঞাঃ অলরে বৗড়তি।
অলগে আদ ফুরতি,
অলঃ দাড়েঞ ঞামগে বাড়ে
ইঞাঃ অলরে বৗড়তি।
-===----᱿᱿ ᱛ ᱿᱿----===-
আলম চালাঃ
সনাতন
টুডু
আমদ বিটিম হপন গেয়া
আলম চালাঃ বৗদতে,
হিজূঃ আলে সিঁগৗড় বেড়া
খালাঃ লৗডু আতে।
আলম চালাঃ বৗদতে,
হিজূঃ আলে সিঁগৗড় বেড়া
খালাঃ লৗডু আতে।
বৗদ
কৗমি হারখেৎ গেয়া
সিতুং-জাপুদ্ খনহঁ,
আপে খৗতির, আপে লৗগিদ্
হড়মো লহদঃ হঁ।
সিতুং-জাপুদ্ খনহঁ,
আপে খৗতির, আপে লৗগিদ্
হড়মো লহদঃ হঁ।
আমদ বিটি অলঃ মেসে
মনে উরিচ্ কাতেদ্,
বৗদ্ কৗমি পারম চালাঃ
আরকো তুলুজ্ আতেদ্।
মনে উরিচ্ কাতেদ্,
বৗদ্ কৗমি পারম চালাঃ
আরকো তুলুজ্ আতেদ্।
-===----᱿᱿ ᱛ ᱿᱿----===-
কানু বেটা দারে রহয়
সীতেন মাণ্ডি
কানু বেটা দারে রহয়
উল কান্ঠাড় কুদ
সেতাঃআয়ুপ্ দাঃ এ দুল
একাল বাং এ ভুল।।
উল কান্ঠাড় কুদ
সেতাঃআয়ুপ্ দাঃ এ দুল
একাল বাং এ ভুল।।
দারে সাঁও চেৎ চয় রড়
বাটাঃ বুটুঃ কাতে
হয় তে দারে হিলাঃ খান
রৗস্কৗয় মনে আন।।
বাটাঃ বুটুঃ কাতে
হয় তে দারে হিলাঃ খান
রৗস্কৗয় মনে আন।।
দারে খন গে জ বিলি
সাকাম শাহান বাহা
দারে গেত ধৗরতি রে
যত খনাং লাহা।।
সাকাম শাহান বাহা
দারে গেত ধৗরতি রে
যত খনাং লাহা।।
দারে গেতয় এমা বনা
বাঞ্চাঃ হিসিৎ হয়
অনা বেগর আবঠেন
চেৎ হঁ বায় কয়।।
বাঞ্চাঃ হিসিৎ হয়
অনা বেগর আবঠেন
চেৎ হঁ বায় কয়।।
দারে বাং খান জীব জিয়ৗলি
বায় বাঞ্চাও দাড়েঃ
দারে রহয় দারে যতন
বুঝ মাবন বাড়ে।।
বায় বাঞ্চাও দাড়েঃ
দারে রহয় দারে যতন
বুঝ মাবন বাড়ে।।
মিৎটান দারে মিৎটান জিউয়ি
বাংকান নওয়া কৗহনি
কানুয় নেহর দারে রহয়
দারে গেত ধৗরতি সাব্ দহয়।।
বাংকান নওয়া কৗহনি
কানুয় নেহর দারে রহয়
দারে গেত ধৗরতি সাব্ দহয়।।
-===----᱿᱿ ᱛ ᱿᱿----===-
কুড়য়ৗ
বিভূতি ভূষণ সরেন
বাবু
তালে
ঞামায়
সহাগ
অনাতে পালেন কুড়য়ৗঃ,
তওয়া দাকা বাং ঞামরে
তি-জাঁগায়ে ফাড়য়ৗঃ ।
অনাতে পালেন কুড়য়ৗঃ,
তওয়া দাকা বাং ঞামরে
তি-জাঁগায়ে ফাড়য়ৗঃ ।
আয়ু
ঠেন
তওয়া
দাকা
ঞাম তায়ম লাঁদায়,
রেঁগেচ্ কায় খানে উনদ
রাঃ আরে ফাঁদায় ।
ঞাম তায়ম লাঁদায়,
রেঁগেচ্ কায় খানে উনদ
রাঃ আরে ফাঁদায় ।
চেরেচ্
আড়াং
আঁজম
লেখান
লাঁদায়া মুলুচ্ মুলুচ্,
সুররে তিগুতে কয়গ্ আয়রে
কয়গ্ লুঁডু লুঁডু,
লাঁদায়া মুলুচ্ মুলুচ্,
সুররে তিগুতে কয়গ্ আয়রে
কয়গ্ লুঁডু লুঁডু,
হাড়াম
বা
ছৗটয়ৗর কেদে
কুড়য়ৌঃ বাবু ' তালে ',
লাচ্ রে চুটয়ৗ দন রেদ
চ-প জায়ে ' তালে ।'
কুড়য়ৌঃ বাবু ' তালে ',
লাচ্ রে চুটয়ৗ দন রেদ
চ-প জায়ে ' তালে ।'
-===----᱿᱿ ᱛ ᱿᱿----===-
শুকরি এঁগা
সতন কুমার সরেন
মেনায় তালে শুকরিএঁগা
রেঁগেজতেগে খুঁদড়িরেমা
ডাটায় রৗটুপ রৗটুপ,
মেনাঃতালে মারাংঅকজ্ ঢঁগা ।
দিনৗম হিলোঃ অনারেগে
এমায়আলে লুবুঃ,
লাজ্ রেঁগেজতেই আকুপৗকুঃ,
জজম তিরেয়াঃ কৗটুপ।
আচকাগে কিকিয়ৗউ কেৎএ
গড়মবুড়হি
হিজুঃপে দেলা গজ্ কিদিঞ এ
রাপাঃলেদ শুকরি এগাঁ,
গড়ম বুড়হিমায় সঁবৎ আকান
মিৎ শুকরি ঢঁগা।
মেনাঃতায়া আডিগে রৗগি
রৗগিতে বহঃ থারথারাঃ তায়,
গেরকিদিঞএ কটুৗপরেদ,
গজেপেয়া রাপাগেদ নুই শুকরিএঁগা ।
রেঁগেজতেগে খুঁদড়িরেমা
ডাটায় রৗটুপ রৗটুপ,
মেনাঃতালে মারাংঅকজ্ ঢঁগা ।
দিনৗম হিলোঃ অনারেগে
এমায়আলে লুবুঃ,
লাজ্ রেঁগেজতেই আকুপৗকুঃ,
জজম তিরেয়াঃ কৗটুপ।
আচকাগে কিকিয়ৗউ কেৎএ
গড়মবুড়হি
হিজুঃপে দেলা গজ্ কিদিঞ এ
রাপাঃলেদ শুকরি এগাঁ,
গড়ম বুড়হিমায় সঁবৎ আকান
মিৎ শুকরি ঢঁগা।
মেনাঃতায়া আডিগে রৗগি
রৗগিতে বহঃ থারথারাঃ তায়,
গেরকিদিঞএ কটুৗপরেদ,
গজেপেয়া রাপাগেদ নুই শুকরিএঁগা ।
-===----᱿᱿ ᱛ ᱿᱿----===-
১৫।।
বাবু বেটা
মধূসুদন হাঁসদা
(দসার হৗটিঞ)
বাবু বেটা
বাবু বেটা
বেশতে অলঃ মে
স্কুল রে
গাতে সাঁও
মজতে তাঁহেন মে ৷
বাবু বেটা
বেশতে অলঃ মে
স্কুল রে
গাতে সাঁও
মজতে তাঁহেন মে ৷
চানচ্ রে
মাচেৎ সাঁও
নাপায় রড় মে ৷
কুলি মেয়ায়
যাহানাঃ গে
লৗই আয় মে ৷
মাচেৎ সাঁও
নাপায় রড় মে ৷
কুলি মেয়ায়
যাহানাঃ গে
লৗই আয় মে ৷
ছুটি কাতেৎ
গাতে সাঁও
অড়াঃ হিজুঃ মে ৷
পতব ঝলা
দহ কাতে
মাঁডি ঞুয় মে ৷
গাতে সাঁও
অড়াঃ হিজুঃ মে ৷
পতব ঝলা
দহ কাতে
মাঁডি ঞুয় মে ৷
গাতে সাঁও
গডা তে
খেলঃ চালাঃ মে ৷
খেল খনাঃ
হেজ কাতে
আরুব ফার্চাঃ মে ৷
গডা তে
খেলঃ চালাঃ মে ৷
খেল খনাঃ
হেজ কাতে
আরুব ফার্চাঃ মে ৷
ঞুহুম তরা
মার্শাল বৗতি
ধরাও গদ মে ৷
সিলেট পতব
উডুঃ কাতে
পাড়হাঃ দুড়ুব মে ৷
মার্শাল বৗতি
ধরাও গদ মে ৷
সিলেট পতব
উডুঃ কাতে
পাড়হাঃ দুড়ুব মে ৷
-===----᱿᱿ ᱛ ᱿᱿----===-
গুপি কড়া
দুলৗড় বিটি
কাডাম গুপি ডাঁডাম হিলৗও
সুয়ুড় সুয়ুড় গল,
গাডা ঢিপরে ঞঁহড় তিরয়
বিজড় মনেয় তল।
সুয়ুড় সুয়ুড় গল,
গাডা ঢিপরে ঞঁহড় তিরয়
বিজড় মনেয় তল।
হিঁসিদ্ হিঁসিদ্ হয়,
তিরয় বানাম বেগর আমদ
চেৎহঁ বাং এম কয়।
আমদ কড়া, গুপি কড়া
শড়ম শড়মেম রড়,
রড় আঁজমতে ফারনা উতৗরঃ
লাঁগা থাকাও হড়।
শড়ম শড়মেম রড়,
রড় আঁজমতে ফারনা উতৗরঃ
লাঁগা থাকাও হড়।
=O=O=O=মুচৗৎ=O=O=O=
