আবোওয়াঃ ডিজিটাল ডেস্ক – লকডাউন আর লকডাউন তে দেশ-দিশম রেনাঃ চিতৗর দিনৗম দিন গে মিৎ মিৎ তে পাল্টাও ইদি কানা। অকা কদ লাহাতে আর অকা কদ তায়মতে। দিনৗম দিন রেনাঃ চিতৗর দিনৗম গে পাল্টাও অঃ কানা। ইস্কুল, কলেজ হিজূঃ সেনঃ পৗঠুওয়ৗ বাংকো ঞেলঃ আ। টাঁডি-টিকুর-গডারেহঁ খেলোড গিদৗর আর অনকা বাংকো ঞেলঃ ঞাম আ।
নংকান লকডাউন রেনাঃ ঝৗলিতেগে কাথায় দৗড় আটক এন তায়া পুরুলিয়া
জিলৗ কদমডি রেন পিংকিয়াঃ। যাঁহায় দ লকডাউন মাড়াং গে পুরুলিয়া রেন সোনা পিংকি কো মেতায়
কান তাঁহেকানা। পিংকি হাঁসদা আডিধাও জেলাখন পনৎ রে ম্যারাথন দৗড়রে হেপেরিয়ৗও লেকাতে
সেলেদ্ কাতে সোনায় ছিনগৗও আগু আকাদা। নঁতে বা-বার ধাও ন্যাশনাল লেবেল রেহঁ পনৎ খনে
সেলেদ আকানা। ২০১৮ আর ২০১৯ সালরে মঁড়ে হাজার আর পে-হাজার মিটার রেহঁ শিরোপায় ঞাম আকাদা।
নিৎ নোওয়া লক ডাউনরে আচ্ বাবাহাঃ রজগার-পৗতি অনকা বাংতে পিংকিয়াঃ
অ্যাথলেটিক জিয়ন হাঁসুরঃ হররে। সংসার রেনাঃ অভাবতেগে নিৎ দিনৗম দিন গডারে বায় প্র্যাক্টিস
দাড়েয়াঃ কানা পিংকি। গডারে চালাও মানেগে থ জমাঃ লৗগতিঃ কানা। আর অনা জমাঃ নিৎ অকাখন
হিজুঃআ ? আয়-উপৗয় বৗনু আ নিৎ নোওয়া লকডাউনরে। তবে চেৎ সোনা পিংকিয়াঃ সোনা কুকমু ঝত
রৗপুদ্ ছিং ছৗতুরঃ তায়া ? বাডায় আকানা পিংকি সদর আকাদায় বাংমা যাঁহাসেন খনগে নিৎ নংকান
মুহিম অকতরে গড়য় ঞাম লেখান আয়াঃ দৗড় এ জিয়ৗও দহ দাড়েয়াঃআ।
.webp)
.webp)
