আবোওয়াঃ ডিজিটাল ডেস্ক- বাডায়ঃ আ আয়মা আদিবাসী সানতাড় পৗঠুওয়ৗ আঃ মিৎ লেকাগে
গে জঁশ, রেঁগেচ্-তেতাং সাহাও কাতে যাঁহালেকাতে মিৎটাং চৗকরি খানগে কুশি, গ-বাবা অড়াঃ
হড় হঁ রৗস্কৗ কো সদরা। মেনখান নোওয়া নেয়াম চেৎ সারাঘৗড়িচ্ হড়াঃ জঁশ এ পুরুনেৎ তাকোওয়া
? আদম কোওয়াঃ কুকমু পুরুনঃ কান রেহঁ আয়মা পৗঠুওয়ৗ কোওয়াঃ জিয়ন লৗউকৗ তালা গাডা দাঃরেগে
হাবাক-ডাবাক কঃ কান তাকোওয়া। তিনরে লৗউকৗ উনুমঃআ আকোগে নাপায়তে বাক বাডায়া।
নংকাগে প্রশান্ত মান্ডি ঞুতুমান মিৎ পৗঠুওয়ৗ আঃ দুখৗল জিয়ন
কৗহনি চিতৗর খবররে পারশাল এনা। বাডায় আকানা বাংমা প্রশান্ত মান্ডি মিৎ অক্তে অলঃজিয়ন
রে বুরধিমান গিদৗর লেকাতেগে ওপরোম তাঁহেকান তায়া। মেনখান নিৎ উনিয়াঃ জাঁগারে মেড়হেৎ
শিকড়ি। মিৎ-বার মাহারেনোঃ কাথা দ বাং মঁড়ে সেরমা ধুরিয়ৗ কাথায় নংকাগে মেড়হেৎ শিকড়িতে
তল মেনায়া বাঁকুড়া জেলা রেয়াঃ শিমলাপাল ব্লক রেনাঃ শালবনি আতোরে।
বাডায় আকানা ইস্কুল জিয়ন পারম কাতে পন্ডিত রঘুনাথ মুরমু কলেজ
খন বি.এ. পাশ তায়ম খনগে চৗকরি লৗগিৎ হাঁডে-নাঁডে ছুটৗওয়েনায়। ২০১৬ সালরে মিৎ ইস্কুলরে
Para Teacher রেনাঃ মিৎ বিনিড এম তায়ম অড়াঃ হেচ্ কাতে আচকাগে প্রশান্তঃওয়াঃ জিয়ন পাল্টাও
এন তায়া। অকয়হঁ বাং লৗই কাতেৎ আয়াঃ হারখেৎ-শাসেৎ সাহাও কাতে আরজাও লেৎ সানাম সার্টিফিকেট
ল-জুঁডি রেনাঃ এ রিকৗকেদা। তায়ম তায়ম তে আয়াঃ বহঃ আর অনকা বায় কৗমি লেৎ তায়া। কালা-কংকা
হড় লেকায় হুয় এনা।
আরহঁ বাডায় আকানা বাংমা এহব এহব জমি জায়গা আখরিঞ কাতে কৗউডি-পৗতি
জোগাড় কাতে রান-মুরগৗন রেনাঃ কো রিকৗ লেদ্ গেয়া অড়াঃ হড়। মেনখান অনকা চেৎ হঁ কুড়ৗই
বাং ঞেল ঞাম লেনা কাথায়। মিৎ অক্তে কৗউডি-পৗতি আর বাংতে সানাম লেকানাঃ তিকিছা গে বনদ
তেকো বাধ্যয়েনা পুরিবার রেন হড়কো। আর অনা তায়ম খন গে অকা অকা ঘৗড়িচ্ চং অড়াঃ খন দৗড়
উডুকঃ রেনাঃ এ রিকৗ কেদা প্রশান্ত। দিনৗম হিলোঃ গিদৗরাঃ নংকান হালৎ মেৎ সামাং রে ঞেলতে
চিন্তা-ভাবনাতেগে কাথায় প্রশান্ত আচ্ বাবা কয়েক সেরমা মারাং এ বঁগা তালাও আকানা। নংকাগে
দিনৗম হিলো একলা মিৎ এঁগাৎ পক্ষে গিদৗর আটক দহ মুশকিল গেয়া মেনতে শিকড়িতে তল দহ রেনাঃ
এ বন্দেজ আকাদা প্রশান্ত আচ্ জানাম আয়ো ভারতী মান্ডি। নিৎ গিদরৗ অড়াঃ রে বৗগি অট কাতেৎ
রেঁগেচ্ জালা খৗতির প্রশান্ত আচ্ আয়ো হড় অড়াঃরে কৗমি চালাঃ আয়। নংকান গিদৗর একলা
বৗগি গিডি হঁ এঁগাৎ মনে বায় খজ আ, মেনখান আর চেৎ উপৗয় মেনাঃ তায়া নিৎ ভারতী মান্ডি
ঠেন ? নংকা কাতে আর তিনৗঃ দিন? তিনৗঃ সেরমা চং অকয় বাডায় ?
মিৎ কুকলি তেলারে খৗতির প্রশান্ত আচ্ আয়োয় লৗই আকাদা বাংমা
অনেজে Para Teacher রেনাঃ বিনিড এম তায়ম খনগে নংকান হালৎ ঞেল আকান তায়া। চেদাঃ চেৎ
খৗতির প্রশান্ত নংকায় কৗমি কেদা তেহেঞ হঁ ভারতী মান্ডিয়াঃ বাডায় বৗনুঃ তায়া। নঁতে প্রশান্ত
ইদিকাতে চেৎ সরকারি গড় হঁ বায় ঞাম আকাদা মেনতে ভারতী মান্ডি লৗই সদর আকাদা। তবে নোওয়া
খবর বাডায় কাতে এলাকারেন বিধায়ক অরূপ চক্রবর্তী, প্রশান্ত মান্ডিয়াঃ তিকিছা রেনাঃ বন্দেজ
লৗগিৎ এ লাহা হেচ্ আকানায় মেনতে বাডায় আকানা। হাপেন আর যাঁহাতিসঃ প্রশান্ত আয়াঃ নাপায়
জিয়ন রে রুওয়ৗড় হেচ্ দাড়েয়াঃ আয় ? নোওয়া গে নিৎ ভারতী মান্ডি সিঞ ঞিদৗয় উইহৗর এদা।
নংকান ঘটন রেনাঃ চিতৗর ঝালকাও রাকাব সাঁও সাঁওতে আদম হড়াঃ মনেরে
কুকলি রাকাব হিজুঃ কানা- নিৎ ধৗবিচ্তে চেৎ যাঁহান ক্লাব সে গাঁওতা রেনাঃ অনকান গড়
সে অনকান যথাৎ তিকিছা বায় ঞাম লেৎতে প্রশান্তওয়াঃ নংকান হালৎ তিঁগুয়েন তায়া। তবে চেৎ
মেন গানঃ আ- আমাঃ লঃ কান সাতে সৗড়িম দ আম তেগে ইঁড়িজ মে? নোওয়াগে চেৎ তেহেঞাঃ লাহা
চালাঃ কান সাঁওতা রেনাঃ নিশৗন ? প্রশান্তওয়াঃ জিয়ন হালৎ ঞেল কাতেগে তেহেঞ নংকান কুকলি
রাকাবেনা।
.webp)
