সাতাম- বৗইসি লেকাতে ছৗতিক সাঁও বাপ্লাতে সানতাড় সমাজ খুতিঃ
আ
সানতাড় কুড়ি ছৗতিক সাঁও জাঁওয়ায় কাতেৎ সে সানতাড় কড়া ছৗতিক বৗহু আগু কাতেৎ- অকাটাঃ
তে বেশি খুতিঃ কানা। যাঁহাটা গে মিৎ পাহটা অল
মে-
পাহটা- সানতাড় কড়া ছৗতিক বৗহু অৗগু কাতে সানতাড় সমাজ বেশি খুতিঃ কানা
সান্তাড় সাঁওতা সমাজ রেন সানাম কগে ইঞ খন মারাং কদ জহার আর হুডিঞ কদ সনৎ দুলৗড় থুম তাঁহেন কানা । ইঞ দ মান দিশোম রেনাঃ বড় রাঙা আতোরেন মৗঝি হপন ফৗকড়ৗঃ দাপাল তি কৗনৗঞ। বৗইসিরে বিচৗরিয়ৗ লেকাতে "আবোওয়াঃ কাথা" ওয়েব পেজ খন জখা-তুলৗজখা কাতে ননল কৗলিঞ টুডৗঃ কেদা।
সানতাড় সমাজ দ আরহঁ এটাঃ জৗতি খন দ ভেগার গেয়া। আবোওয়াঃ সানতাড় সমাজ রেঁহ অৗন অৗরি সে বিচৗর ধারা সেদায় খন নিত হৗবিচ হাপড়াম বিদৗল রেন হড় হপন কবোন মানাও বাতাও আগুয়েদা। সানতাড় জৗতিয়াঃ উপরুম দহয় লৗগিদ লাকচার,সেরওয়া,আরিচৗলি এমান রিতি রেওয়াজ ক সৗরি চেতানরে পৗতয়ৗও দহো কাতে বন তাড়াম আগুয়েদা। সৗরি বিচৗর ঞাম লৗগিদ সাঁওতা কাঠামো চেতান টেহাট পৗতয়ৗও দহো কাতে মাপনাও আগুয়েদা বন। অনাতে "সাঁওহেৎ বৗয়সি বিচৗরিয়ৗ আখড়া" খন ছৗতিক কুড়ি সানতাড় সাঁওতা রে "আঁগির বাপলা" সে দল বৗরয়ৗৎ বাপলা" অৗডি মারাং আনাট ,এটকে টঁড়ে আর বৗড়িচ মেনতিঞ মনেয়েদা ।
চেদাঃ সে আবো সানতাড় সমাজ রেদো শিখনৗত আর অ-শিখনৗত হিঁস রেয়াঃ বানার ডগর রেন হড় গে মেনাঃ বনা । সাঁওতা সমাজ রেনাঃ বৗড়িচ আনাঃ মেৎ লোগোদ রে পারচাও পাসনাও লেনখান সমাজ রেনাঃ জখা-তুলৗজখা তালাতেগে "সঠিক বিচৗর " রেয়াঃ রায় বন এমা। অনাদো আবোওয়াঃ সাঁওতা কাঠামো সে মৗঝি সিস্টেম চেতান টেহাট দহো কাতে বিচৗর ব্যবস্থা সাপড়াওঃ আ ।
ইঞাঃ মেৎ ,লুতুর, এলেম তে তুলৗডৗড়িচ্ লেখানিঞ মেনা-- "গিদি কুড়িৎ যাঁহা লেকা জমাঃ আশতে জমাঃ সেঁদরা ছটে সিবোড় ইদিয়া" ঠিক অনকাগে সান্তাড় সাঁওতা রেনাঃ অঁজরা সাফায় লৗগিদ তেগে "শাসন ব্যবস্থা " হঁ সানতাড় সমাজরে সমান জায়গারে যথাত লেকা বিচৗর রেনাঃ অজে অপজ লেকাতে সমান রায় এমোঃ রেয়াঃ লৗকতি মেনাঃ আকাদা। সংবিধান যাঁহা লেকা ভারত দিশোম রেয়াঃ রিতিয় তল আঁকোট আকাদা ঠিক অনকাগে আবো সানতাড় সাঁওতা সমাজ রেঁহ "সৗরি নিয়ম রেনাঃ বিচৗর আধার তালাতেগে" শাসন ব্যবস্থা মেনাঃ আকাদা। অক্ত বনদল সাঁও -সাঁও তে সৗগুনান দিসৗ বোরকেৎ সানতাড় সাঁওতা সমাজ রে "বিচৗর ব্যবস্থা " রিহিট দহোয় হুয় আবোনা ।
সানতাড় সমাজরে দিকু বৗহু রুপতে সে ছৗতিক বৗহু অৗগু লেখান সান্তাড় সমাজ খুতি রেয়াঃ নিসৗন ঞেলঃ কানা। অনাকদ যে লেকা--
(১) সানতাড় সমাজরে বে-ইজ্জত জৗত সাঁও বাপলা কৗমি হরা তরাঃ কানা। অনা ঞেলতে আগাম পং পঙড়া সানতাড় হন হপন কো নংকান উইহৗর ভাবনা খন বায় সাহা সৗঁগিঞ দাড়ে আকো কানা। ছৗতিক বৗহু সানতাড় সমাজরে অৗগু রেনাঃ ডগর ঞেল কাতে নাহাঃ রেন হন হপন কয় উদুঃ সেঁড়া আকো কানা। অনা খৗতির সান্তাড় সমাজরে নংকান বে-ঘটন কৗমি খন জিরৗও দহো রেয়াঃ লৗক কানা। বাংখান হাপেন সানতাড় সমাজরে আর হঁ খুতিঃ হুয়ুঃ আ ।
(২) সান্তাড় সমাজরে দিকু বৗহু রেয়াঃ দাও সানতাড় সমাজ ঘাঁরঞ্জরে সড়ো বলো কাতে সানতাড় সাঁওতা রেনাঃ লৗয়-লাকচার,অৗরিচালি,সেরওয়া কৗমি হরা করেদ সলোম লটোম তফাৎ হিজুঃ কানা। মেন্দ ; দিকু জৗতিয়াঃ বৗহু এরা আঃ রুপ হুনৗর বেওহার কৗমি কৗসনিতে সানতাড় সমাজরে বনদল রেনাঃ রাদা ঘাঁরঞ্জরে সহলে বলন কানা। রড় পৗরসি রেনাঃ সলম লটম হুয়ুঃ কানা। খুতি হুয়ুঃ কানা - সানতাড়ি পৗরসি সাঁওহেদ ,সমাজ-সুশৗরিয়ৗ কোআঃ মন অন্তর গুমৗনরে আর সানতাড় হোয় কাতে দিকুঃ মনেয়ান ঘাঁরঞ্জ রেয়াঃ ।
(৩) দিকু বৗহু দ সান্তাড় সমাজরে বে-লৗকতি্য়ান কানাকো ; যখন আবো সমাজরে বঙাবুরু ঠেন অৗওরি আদেরঃ ধৗবিচ। খুতি হুয়ুঃ আ-- বঙাবুরু কোআঃ অন্তর তিরপিদ গালচরে আর সমাজ রেনাঃ বঙাবুরু কৗমি হরা। দিকু বৗহু লৗইতে হড় কঠেন এগের নিসড়ৗও রড়ান ।
(৪) কুড়ি হপনাঃ জৗতি পৗরিস বদলঃ কানা বৗহু কিমিন সাঁও সাঁও তে। অনাতে ছৗতিক বৗহু আঃ অৗয়দৗর সানতাড় ঘাঁরঞ্জ রেয়াঃ সমান ভৗগিদারি মেনতেয় লেখাঃ কানা। যাঁহায় কড়া রেন ছৗতিক বৗহু কানায় উনিয়াঃ সমান টুডৗঃ রেনাঃ অংশিদৗরি হক্ কান তায়া। যাঁহা তিস কৗয়জৗ খৗপৗরি তেকিন ভেগার লেনখান এম অডোক রেয়াঃ রিতি বনদল কাতে সরকার দৗখিল তাবিলদৗরি তালাতে বাখরা জুড়ুয় সিবোড় ইদিয়া। অনাতে খুতি হুয়ুঃ কানা-- সানতাড় জৗত খন ছৗতিক ঠেন অংশ হৗটিঞঃ কানা ছৗতিক বৗহু আঃ সিবোড় ছলতে। ছৗতিক বৗহু কদ সানতাড় সমাজ টেকাও দারাম লৗয়তে উনৗঃ জিওয়ি মনে বাং গহড়োঃ তাকোয়া। দিকু দ জৗনুম ঝানটি মেতা কম ।
(৫) দিকু বৗহু দ সান্তাড় সাঁওতা রে অৗওরি "জমজাতি" হৗবিচ সানতাড় সাঁওতা রে বায় লেখাঃ কানা। অনা খৗতির যাঁহা আতোরেন সানতাড় হেরেল ছৗতিক বৗহু অৗগু আকাদে খান, অনা আতো রেয়াঃ মৗঝি আঃ অপমান সাঁও সাঁও তে আতো রেয়াঃ অপমান হুয়ুঃ কানা। খুতি হুয়ুঃ কানা - অপমান রেয়াঃ সরফা। সানতাড় হেরেল হপন হুয় কাতে দিকু সে ছৗতিক বৗহু আগু , আপাঙ্গির , সানতাড় বাপলা হরা,বাপলা রেজিস্ট্রাশন খৗতির তে।
(৬) লালোচিয়ৗ,ভেরোটিয়ৗ, ছৗতিক বৗহু দ পৗতয়ৗও ঠিক বাং কানা। আসুল রিনিচ্ অড়াঃ এরা গোমকেত সাঁও তেহঁ তেগে মেগে ক রড়া। খুতি হুয়ুঃ কানা- মানাও গুনৗও রাদান। অনাতে সানতাড় দ গানোঃ সানোঃ আবো জৗতি সাঁও তে বাপলাঃ নাপায়া ।
(৭) ছৗতিক বৗহু আগু কাতে খুতি হুয়ুঃ কানা-- সানতাড় সাঁওতা সমাজ রেয়াঃ নিরিঘিন,জৗতি পৗরিস মৗন মহৎ আর রিতি রেওয়াজ রেনাঃ।
টাকা পুয়সৗ হড় আন দ সাঁওতা রেনাঃ নিয়ম তালোম পারোম কাতে ছৗতিক বৗহু আপনার রেনাঃ কৗউডি পৗতি রেয়াঃ দাড়ে তেকো খেল কানা। "জমজাতি"রেয়াঃ পরতন ক লেখায়েদা। সংবিধান রেনাঃ মৗনমি লেকাতে বাঞ্চাও কাতে সানতাড় বাপলা রেনাঃ সৗগৗয় সিকড়ি সাবাগঃ কানা। অনাতেহঁ বানার পাহটা মৗঝি মাপাঝি কোআঃ তনল সিঁকড়ি রচদোঃ কানা ।
(৮) ছৗতিক বৗহু "জমজাতি" তালাতে সানতাড় সমাজ রেয় লেবেদ লেখান বানার পাহটা(কুড়ি/কড়া) গৗলিম আঃ তপনল সিঁকড়ি জপড়াও সুহি্ সাবাদ বাঞ হুয়ুঃ কানা। অনাতে খুতি হুয়ুঃ কানা- আতো মৗঝি অৗরি আর বানার গৗলিম আঃ বাঞ মাপনাও রেনাঃ অৗডি মারাং হিঁস।
(৯) খুতি হুয়ুঃ কানা - সাঁঙ্গে বৗরয়ৗৎ রেনাঃ রৗসকৗ রমজ্। দিকু মনেঃ আন সানতাড় কদ অৗডি চেটমাল ক হুয়ুঃ আ । আকোয়াঃ গরব সিঁড়ি ক পাঁজায়া ; নংকাতে উনকু সানতাড় কদো লাতার গাঁতাক্ মনে কাতে খুতি রেয়াঃ ক চেষ্টায়া ।
(১০) ছৗতিক বৗহু খৗতির খুতি হুয়ুঃ কানা --"সানতাড় সমাজ ঘাঁরঞ্জ রেন গৗলিম আঃ সানতাড় উপরুম রেনাঃ খুতি" । সান্তাড় হোয় কাতে সানতাড় হপন রেয়াঃ মৗন বাং দহো । উপরুম আদোঃ কানা দিকু মনেয়ান সানতাড় লালোচ হড়াঃ আর ধরম রেনাঃ বিনতিরিচ্ খুতি হুয়ুঃ কানা।
(১১) সানতাড় জৗতি আঃ ধরম রেনাঃ খুতি হুয়ুঃ কানা -- যে লেকা - অকয় কদ - সৗরি-সারনা-বিদিন-ইসৗই-হিন্দু আপনার খৗতিরন। মিদ লেকান সানতাড় জৗতিয়াঃ ধরম রেয়াঃ যথাত সৗরি নিফূট উতৗর হৗতড়ৗও বাং দহো কাতে মৗনমি সানতাড় সাঁওতা সমাজ বকল বডেঃ কানা। ধরম রেয়াঃ অরসং খৗতির তেঁহ ছৗতিক বৗহু রেয়াঃ দাও সানতাড় সমাজরে লেখাঃ খৗতির তে খুতি হুয়ুঃ কানা।
(১২) দিকু অৗরি তে যাঁহা সরকার আঃ "গন বিবাহ" চৗলু আকানা , অনা দ সানতাড় সাঁওতা রেনাঃ অৗডি মারাং আনাট কানা। কুশি কুপৗশৗল সে বানার পাহটা রেনাঃ রাজি খুসি কৗওডি ললি্পপ্ খৗতির খুতি হুয়ুঃ কানা। সান্তাড় জৗত আঃ সেন্টিমেন্ট রে অৗডি মারাং আঘাত তেয়ারঃ কানা। সাঁওতে নংকান "গন বিবাহ" রেনাঃ তাবিলদার সরকার ঠেন খন জোর জুলুম কাতে বন রেচ হচোঃ কানা। অনাতে সরকার বিরুদ্ধ রে "গন বিবাহ" টেকাও দারাম সে বন্ধ রেনাঃ দাবি দহয় লৗক্ কানা। যাতে মিমিদ জৗতি সাঁওতা রেয়াঃ নিয়ম আধার তালাতেগে বাপলা কৗমি হরা তরাঃ আ । বাংখান খুতি হুয়ুঃ আ -- "গন বিবাহ" রেনাঃ রেহেৎ খন সান্তাড় সুমুং দ বাং সানাম জৗতি রেয়াঃ বাপলা রিতি রেওয়াজ পদ্ধতি।
(১৩) ছৗতিক বৗহু খৗতির খুতি হুয়ুঃ কানা --সানতাড় লেবড়েচ্ ঘাঁরঞ্জরে দিনৗম গে রেগেড় চেগে্ড়। আতো মঁড়ে তালা খন উনি ছৗতিক বৗহু খৗতির তে "একাঘুরৗ পান্থা " হাতাও রেনাঃ কেড়েমেটেঃ কানা। মিদটাং সানতাড় ঘাঁরঞ্জ খন জুমিদ সাহাঃ কানা। নংকাতেহঁ খুতি হুয়ুঃ কানা - বে-সরম ভরম ধরম রেনাঃ নিলৗম।
(১৪) ছৗতিক বৗহু খৗতির তেঁহ - 5th schedule রেনাঃ নিয়ম ধারা বাং অৗতয়ৗও ধৗবিচ্ , সানতাড় সাঁওতা রে জোর দাড়ে রেনাঃ খুতি বাং মেটাঃ কানা ।
(১৫) সানতাড় সমাজ রে চৗতিক বৗহু অৗগু কাতে আলাদা ঘাঁরঞ্জ ক তেয়ার এদা। লৗকতিরে জেওয়েৎ তে ভাঁডান কৗমি হরা হঁ সৗত আকানা। খুতি হুয়ুঃ কানা অৗডি মারাং খাঁগাট দাড়ে। বংশ বুদৗ রেনাঃ থক রেদ জৗতি সাঁওতাল দ বাঞ মুছৗঃ কান তাকোয়া।" গা জুরি সে কুঁধুরাম "তে ঠেলাও উনকু লেভড়া জাল চাটোঃ "জৗতি সাঁওতাল" উপরুম কাতে সানতাড় জৗতিয়াঃ ওনোরোম হরা আর সাঁওহেৎ বৗয়সি কিঁদরিরে খুতি রেনাং রৗগি ক এর হটোঃ কাঃ কানা।
চেতান রে অলেন কাথা ক খন ছৗতিক বৗহু সানতাড় সমাজ রে বেশির ভাগ খুতি রেয়াঃ ডগর সালাঃ গটা আ। সানতাড় সাঁওতা সমাজ দ সানাম হড় (সান্তাড়) হপনাঃ কানা। সাঁও -সাঁওতে তাঁহেন রেনাঃ রিকৗ সানতাড় সমাজ রে মেনাঃ আ। অনাতে "সাঁওতা কাঠামো সে মৗঝি সিস্টেম " তালাতেগে সানতাড় সমাজ সাঁওতা দ নাপায় লেকাতে বানচাও তাঁহেনা । …জোহার
.webp)
