বাডায় আকানা দারায়কান দিনরে মহলাঃ কৗমিহরা চেৎ লেকা হোয়োঃ আ অনা লৗইতে খদের-খদ ক গাপালমারাও এনা। নঁতে পছিম বাংলারে লেতাড়গে রমরমাও আতে পাসনাঃ কান ফেক এসটি সার্টিফিকেট বিরুধরে রুখিয়ৗও তিঁগুন, আদিবাসী এলাকা করে ৫ম তপশীল লৗগুয় রেনাঃ, সানতাড়ি মিডিয়ামতে সেচেৎ লৗগিৎ আলাদা তে সেচেৎ বোর্ড বেনাও, বুরু আইন-২০০৬ লৗগু, পুরুলিয়া আযোদিয়ৗ বুরুরে আদিবাসী কো লাগা ডিগলৗও কাতে ঠুড়গৗ প্রকল্প, অনা বনদ রেনাঃ দাবিতে, আদিবাসী কোওয়াঃ ধরম সেঁদরা নানাহুনৗর এনজিও হতেচ্তে বনদ আর সেঁদরা ঞুতুমতে কেশ কাতে আদিবাসী কো হায়রানি রেনাঃ রড়দারাম লৗইতে মহলরে কেটেজ সাঁহিচ্ কো গালমারাও এনা মেনতেহঁ বাডায় আকানা।
দারায় কান ৩১ জুলাই শালবনি বিধানসভা রেন বিধায়ক শ্রীকান্ত মাহাত, কেশপুর বিধানসভা রেন বিধায়িকা সিউলি সাহা আর ১ আগস্ট ডেবরা বিধান সভা রেন বিধায়ক হুমায়ুন কবীর সবং বিধানসভা রেন বিধায়ক মানস ভুঁইয়া ঠেন গণডেপুটেশন এমা মেনতে কো ঠাড় গটা কেদা।
মহলরেন আয়মা হড়াঃ মচা খনগে বাডায়ঃ কানা বাংমা নংকান কৗমি হরা বাং হাতাও লেনখান ভারত দিশমরে আদিবাসী কো আডি লগন তেকো লাগা ডিগলৗও অচো আ। অনাতে রুখিয়ৗও তিঁগুন দ নিহৗতি লৗগতি কানা মেনতেকো সদর কেদা।
.webp)
