জুমিৎ লৗড়হৗইরে জিৎকৗর

 ( হুডিঞ মাছা প্রতিবেদন)

 

জুমিৎ লৗড়হৗইরে জিৎকৗর

কিস্কিন্ধ্যা  মুরমু

জিৎকৗর ......জিৎকৗর .....জিৎকৗর অকয় বায় খজঃআ ? লৗড়হৗই ডৗহিরে তিগু সাজাও সাপড়াও কাতে যাঁহা লেকান  মুহিম খন জিৎকৗর রাচাঃ অৗগুয়গে মিৎটাং হুলগৗরিয়ৗ আঃ রিকিড় যস। পারম আকান দিন সেন কয়ঃ লেখান ঞেলঃ আ আয়মা লেকান হুলসৗয় হুয় আকানা। হাসা ভাষা মৗনমী জৗতি রিডচ্ রডচ্ কচলন খন হক অৗইদৗরতে খানডাও লৗগিৎ। নাহাচার বৗইরি ঠেনখন সিবোড় অচোঃ খৗতির আঃ সার কৗপি বরলম সাপাপ আতে তিগু রুখিয়ৗ আকাদা আপনার জৗতি ধরম।

জিয়ন জিউয়ি তাঁহেন ভোর দ লৗড়হৗই কাতেগে বানচাও তাঁহেন হুয়ুঃআ। অকত লেকাতে দুক মুহিম সেটের লেনখান জুগুৎ জুমিৎ কাতে লৗড়হৗইরে অরজ  'জিৎকৗর 'ঞামঃআ। জুমিৎ গে লৗড়হৗই রেনাং বিসি দাড়ে। য়াঁহায় জৗতি জুমিৎ বায় বাড়ায়া উনিয়াঃ সাঁওতা হঁ ধিগৗলসাঁগাল গেয়া।  অৗইদৗর লেকাতে চেৎ হঁ বায় ঞাম গদা। নিসড়ৗও কচলন রড় মাগাল অচো হুয়ু-আ লিচৗড় ঠেন। জিৎকৗর লগন দারায়া জুগুৎ জুমিৎ কাতে লৗড়হৗই লেনখানেম ।

              

জিউয়ি জৗতি লাহান্তি সেন লাহায় লৗগিৎ নিহৗৎ গয়নঃ লৗকতি মেনা-আ। মুহিম হারখেৎ সাসেৎ কাথা, মিৎতে আঁন্দোড় হুলসৗই তালাতে দুলদুলৗউ অচয় লাগাও-আ। সাঁওতারেন রেঁগেজ -কিসৗড় ,সিখনৗৎ-মুরুক, চাসা গুতি কৗমিন তিরলৗ হাড়াম কড়া পৗঠুউয়ৗ মাচেৎ গৗহির বুরধিয়ান সাঁওতে আয়মা ক্লাব গাঁওতা মহল মাডওয়া রেন সহেৎ রৗসিয়ৗ গৗখুড়ান গৗলিম সানাম জুমিৎ উমুলরে তিঁগুন হুয়ুঃ-আ। উনগে জুমিৎ তেয়ার রাকাবঃ-আ ; সানাম ক আতে কেটেজ উতৗরায় হুলসৗয় ভিৎ আড়ে  ।

লৗকতি সেটেরঃরে জুমিৎ কাতে  লৗড়হৗই রেগে জিৎকৗর সেটেরঃ-আ।