(হুডিঞ মাছা কৗহ্নি)
১৮৫৫ রেয়াঃ ৭ই জুলাই। হুল যখন এহপ্ এনা, হুলগৗরিয়ৗ ক গোটা দিশম ক ছৗপলৗও গৎ আকান তাঁহেনা। হুলগৗরিয়ৗ ক মিৎ আতো খন আর মিৎ আতোতে লুট লৗগিৎ ক চালাঃ কান তাঁহেনা। উন দ মারাং মারাং বৗইহৗড় আর বির বুরু ক পারম ইদিয় হোয়োঃ কান তাকো তাঁহেনা। ঠিক উন অক্তগে মিৎ আতো খন আর মিৎ আতো তে চালাঃ কান তাঁহেনা, বিলৗন টৗন্ডি বৗইহৗড় তালাতে। আর ওনা বৗইহৗড় রেদ , মিৎ গাদেল যুওয়ৗন কড়া ক কাডা ক গুপি কান তাঁহেনা ।
ওনকো গুপি কোড়া ক মুদ্ রে কো তাঁহে কানা ঝঁড়, চেরে, কালা, খাবেল, খান্ড্ , মুনসি এমান কড়াকো। ওনকো দ মিৎ মনতে কাডা কো গুপিয়েৎ কো তাঁহেনা। আর অকয় কো দ তিরয়ো কো অরং এৎ তাঁহেনা। আদ গাদেল হুলগৗরিয়ৗ ঞেলতে কো থির গৎ এনা। আদকো ঞাপামেন খান কো কুপুলিয়েনা। গুপি কড়া গেকো রড় কেদা , ' আপে দ অকয় আর অকাতেপে চালাঃ কানা ? 'ওনকো হুলগৗরিয়ৗ কহঁকো মেন কেদা , ' আলে দ ভগনাডি আর আডেপাসে রেন হড়কো। আলে দ ঠৗকুর জিউয়ি আঃক্ হুকুমতে জুমিদার, মাহাজন বিরুদ হুল লৗগিৎ লে চালাঃ কানা। আর ৩০ জুন খন এহপ্ কাতে আয়মা কাথাকো লৗই আৎ কোওয়া।
কাডা গুপি কড়া কো দকো ঞেল কেদা যে ওনকোওয়াঃ তি রেদ লিপুর পৗইগোন, ঠেংগা, বরলম, আঃ সার কৗপি আর এমান তেয়াঃ তাঁহে কান তাকো তাঁহেনা। আর ডু ডু ডুবু ডুবু টামাক্ কো রু ইদিয়েৎ তাঁহেনা। আর রৗসকৗ গে কো সেরেঞ ইদিয়েৎ তাঁহেনা , - ' হুপুচ্ হুপুচ্ দেলাং জা, দেলাং জা,। হুপুচ হুপুচ্ দেলাং জা। 'আর ওনকোয়াঃক্ দিশম দুলৗড় ঞেলকাতে , আকোহঁ চালাঃক্ লৗগিৎ কো রেবেনেনা। আর ওনকো হুলগৗরিয়ৗ সাঁওতে কো সঁগে তরায়েনা। কাডা কো দ বৗইহৗড় রেগেকো তাঁহেয়েনা আদ ঞুহুমঃ দেলাদেলি দ আকো অড়াঃ তেকো রুওয়ৗড় চালাও লেনা। মেনখান কাডা গুপি কড়া কদ আর তিসহঁ বাকো রুওয়ৗড় লেনা আতোতে। এনতে ওনকো দ দিশম গ লৗগিৎ জিউয়ি কো আলায় চুকৗও আকাৎ তাঁহেনা। লৗই আকো কাথায়, আতো রেন আদম আদম হড় দ তিকিন তারাসিঞ অনা বৗইহৗড় রে কাডা গুপি কান আর তিরয়ো অরং কান হঁ কো ঞেল তিয়োঃ বাড়া লেৎ কোওয়া। এনতে ওনকো কড়া কোওয়াঃ আতমা দ অনা বৗইহৗড় রে মান্ডরাও বাড়ায় কান তাঁহেনা।
