করোনা তেসার হেলকাও হিজুঃ মাড়াং রেগে গিদরৗ কোওয়াঃ ইম্যুনিটি বোন বাড়হাও অচয়া
ডাঃ সুরেন্দ্রনাথ মান্ডি-
করোনা দশার হেলকাও (2nd wave) দবোন সাম্ভাড়াও আগু গৎ আকাদা হাঁ। বতর নিতোঃ দ করোনা তেসার হেলকাও ইদিকাতে। গৗহিরাকিলৗন কোওয়াঃ আয় উমৗন- তেসার হেলকাও রেদ জৗসতি কো তাঁড়গম অচঃ আ গিদরৗ কো। আর বার-পে চাঁদো তায়ম গেঁহাঃ করোনা তেসার হেলকাও দ ঞেলগঃ আ। অনা লাহারেগে রান তেদ বাং , গিদরৗ কোওয়াঃ ইম্যুনিটি মেনমা আজার টেকাও দারাম দাড়ে অকালেকা রেবোন বাড়হাও অচয়া, অনাগে নঁডে অলগঃ কানা।
বার সেরমা খন কম উমেরান গিদরৗ কদ, দারায়কান সেপ্টেম্বর চাঁদো খন গেঁহাঃ করোনা টীকা এম রেনাঃ তোড়জোড় চালাঃ কানা। অনাতে মিৎ সেচ্ জেলেকা টীকা চেতান ভরসা তাঁহেয়েনা,অনকাগে তাঁহে অচওয়াঃ নোওয়াক সহজ কৗমিহরা, জাঁহা দারায়তে স্বাভাবিক ভাবতেগে গিদরৗ কোওয়াঃ হড়মরেয়াঃ আজার টেকাও দারাম দাড়ে বাড়হাঃ।
১) লৗগ্তি মাছা জৗপিৎ - গিদ্রৗ কোওয়াঃ হড়ম’রে আজার টেকাও দারাম দাড়ে বাড়হাও অচ লৗগিৎ তেদ কম রেয়াঃ ১০ ঘন্টা জৗপিৎ অচ কো হোয়োআ। জৗপিৎ তেদ কম হোয় লেনখান মানসিক চাপ তেয়ারঃ আ, জাঁহাতেদ বহঃ হাতাংরে অক্সিজেন সারভার কমঃ আ।
২) গিদ্রৗ কো ঢের ঘৗড়িচ্ বাং সাব অচওয়াকো হোয়োআ ইলেক্ট্রনিক্স গ্যাজেট ( মোবাইল, ল্যাপটপ, কম্পিউটার এমান ) এনতে নোওয়া ক গ্যাজেট খন ঠিকরৗও অডকঃ ‘রশ্মি’ গিদ্রৗ কোওয়াঃ হড়ম’য় নিজোরা।
৩) আপনার কুসি রান গিদ্রৗ বাং এমাকো- সাধারন খুঃমাঁদা-রুওয়ৗ রে আয়োবাবা কো হামেশাই রান দকান খন রান কিরিঞ আগু কাতে গিদ্রৗ কবোন জম/ঞু অচ কোওয়া বেগর ডাকতরাঃ পরামেশ হাতাও কাতেগে। নংকা তেদ গিদ্রৗ কোওয়াঃ হড়ম’য় খুতিয়া, বিশেষ কায়তে অ্যান্টিবায়োটিক রান জমতে, নোওয়াক রান কাতেদ্ হড়ম রেনাঃ আজার টেকাও দারাম দাড়েয় নিজোরা।
৪) গিদ্রৗ অড়াঃরে বেনাওয়াঃ জমাঃ গে এমাওয়াকো হোয়োআ নংকানা জাঁহা দ আলগা তেকো হাজাম দাড়েয়াআ। গিদ্রৗ জাতে প্রোটিন, কার্বোহাইড্রেট জমাঃ/ ঞুওয়াঃ কো ঞাম অনাসেন মেৎ লুতুরাঃ হোয়োআ। গিদ্রা কো দিনৗম হিলোঃ ভৗগিয়াঃ জবিলি, আড়াঃ সাকাম, সবজি, তওয়া জম ঞু অচ কো হোয়োআ।
