আবোওয়াঃ ডিজিটাল ডেস্ক- সানতাড়ী
সেরেঞ তালাতে হুগলী উত্তরপাড়া রুসিকা মাঁডোওয়া রেন রঘুনাথ হাঁসদা সাঁও উপরুম কাতে গেল
সেরমা তায়ম আপনার অড়াঃরে রুওয়ৗড়েনতে রৗস্কৗয় সদর কেদা রাসমুনি।
লৗই গানঃ আ আয়-উমৗন গেল সেরমা হৗবিচ্ আৎ তাঁহে
কাতে আপনার অড়াঃতেয় রুওয়ৗড়েনা তুরুয় গেল সেরমারেন রাসমুনি মুরমু। ঞুহুম মাহা হিলোঃ
পশ্চিমবঙ্গ আদিবাসী গাঁওতা (বীরভূম) আর হুগলী উত্তরপাড়া রুসিকা মাঁডোওয়া আঃ কুরুমুটুতে
মহম্মদবাজার চরিচা পঞ্চায়েৎ রে মেনাঃ ছৗগালিয়ৗ আতো অড়াঃরে আচ্রেন গিদরৗ ঠেন কো সেটের
অটো কাদেয়া। নুনৗদিন তায়ম ঞেপেল তরা গিদরৗ আর এঁগাৎ তালারে মিৎ রৗস্কৗ সাড়ের এনা।
ঘাঁরঞ্জ পাহটা খন কো লৗই আকাদা বাংমা গেল সেরমা
মাড়াং আচ্কাগে মিৎদিন অড়াঃ খনগে আৎ এনায়। আয়মা জায়গারে পাঁজা কাতেহঁ বায় ঞাম লেনা
রাসমুনি। অনাতায়ম হঁ আয়মা জায়গা করে তুনখি-তলাশ কাতেহঁ চেৎ খবর হঁ বাংকো ঞাম লেদা।
উন অকতে কাথায় উনিয়াঃ বহঃ বেশতে বায় কৗমিয়েৎ তায় তাঁহেকানা মেনতে সোর পড়শি হড় কো সদর
আকাদা।
হুগলী উত্তরপাড়া রুসিকা মাঁডোওয়া রেন সুৎরেৎ মানতান
অনল হেম্ব্রম গোমকে আবোরেন খবরিয়ৗয় বাডায় অচো আকাদেয়া বাংমা আয়মা দিন খনগে মিৎ সান্তাড়
আয়ো হড় শিয়ালদা টেশন করে সানতাড়ী রাহাতে এনেচ্-সেরেঞ বাডায় কান তাঁহে কানায় উন অক্তে
রুসিকা মাঁডোওয়া রেন জগ-মাঝি রঘুনাথ হাঁসদা আঃ নজররে হেচ্ এনায়। অনা তায়ম আয়মা দিন
পারম আকানা। নোওয়া লকডাউন রে আয়মা হোটেল কো বন্দয়েন খৗতির রাসমুনি লেকান প্লাটফর্ম
রেন আয়মা কয় জং হড়গে রেঁগেচ্ জালাতেকো আঁটো-টাঁবো বাডায় কান তাঁহেকানা। মিৎ দিন অনকাগে
শিয়ালদা টেশনরে ডিউটি তালারে রঘুনাথ বাবু, রাসমুনি আডি মুহিম রে মেনাঃ আকাদেয়া মেৎতে ঞেল ঝাঃ কেদেয়ায়। উনরে মানতান রঘুনাথ বাবু
রুসিকা মাঁডোওয়া রেন আরকো সালাঃ গাপালমারাও কাতে আয়াঃ অড়াতেয় ইদি কায় লৗগিৎ এ গটা কেদা।
সানতাড় আয়ো হড় কানায় মেনতে রঘুনাথ বাবুরেন অড়াঃ গোমকে শ্রাবনী হাঁসদা (জগ-মাঝি বুডহি)আঃ
হঁ আডি আয়মা এনেম মেনাঃ তায়া মেনতেগে অনল হেম্ব্রম গোমকেয় লৗই সদর আকাদা। অঁডে তাঁহে
তাঁহেতেগে মাঁডোওয়া পাহটা খন রাসমুনি লৗগিৎ তিকিছা রেনাঃ কো বন্দেজ কেদা। কিছুদিন তায়ম
খানগে রাসমুনি আয়াঃ আতো-অড়াঃরেনাঃ ঠিকানায় লৗই কেৎ খান পশ্চিমবঙ্গ আদিবাসী গাঁওতারেন
সুৎরেৎ রবিন সরেন সাঁও রুসিকা মাঁডোওয়ায় যোগাযোগ কেদা।
নঁতে পশ্চিমবঙ্গ আদিবাসী গাঁওতারেন সুৎরেৎ রবিন
সরেন লৗই আকাদায় বাংমা গেল সেরমা মাড়াং রাসমুনিয়াঃ বহঃ বেশ বাং তাঁহেকান তায়া। অনা
তায়ম দাঁড়া দাঁড়াতে শিয়ালদা টেশন রে কাথায় আয়মা দিনে তাঁহেকানা। আর অঁডেখন গে মাঁডোওয়ারেন
রৗসিয়ৗকো আকো সাঁও কো ইদি কেদেয়া আর রান বেশ অচোকেদেয়া। ইনৗতায়ম গে আয়াঃ অড়াঃ রেনাঃ
ঠিকানায় দিশৗ আচুর কেদা। উনরে রুসিকা মাঁডোওয়া রেন রৗসিয়ৗ কোগে রাসমুনি আয়াঃ আতো তেকো
সেটের অট কাদেয়া। নোওয়া হঁ বাডায় আকানা বাংমা বার চাঁদো গান চালাঃ লেকা জমাঃ ঞুয়াঃ,
লুগড়িচ্-লাপো সাঁওতে অড়াঃরেনাঃ সামগিরি এমান রাসমুনি লৗগিৎ রুসিকা মাঁডোওয়া গড় লেকাতেয়
এম চাল অট আকাদা মেনতেহঁ বাডায় আকানা।
নঁতে অড়াঃরে হেচ্ কাতে রাসমুনি লৗই আকাদায় বাংমা
বায় উইহৗর লেদা আদ যাঁহাতিস অড়াঃ এ রুওয়ৗড়া মেনতে। নুনৗদিন তায়ম অড়াঃ রুওয়ৗড় কাতে সানাম
কো ঞেল কাতে আডি রৗস্কৗয় সদর আকাদা সাঁওতে রুসিকা মাঁডোওয়া লেকান গাঁওতা আঃ কাথাহঁ
কাথায় তিসহঁ বায় হিড়িঞ কেয়া রাসমুনি।
.webp)
.webp)
