আবোওয়াঃ ডিজিটাল ডেস্ক- গটা পছিমবাংলা পনৎ রেগে ফেক এসটি সার্টিফিকেট রেন দল কো ছুড়িয়ৗও আকানা। আর সৗরিন আদিবাসী কদ কো লিঁবৎ জালাৎ অচোওয়াকানা। সেচেৎ রে, টিচার্স ট্রেনিং রে, নার্সিং রে, মেডিকেল, ইঞ্জিনিয়ার এমন চেৎ নানাহুনৗর চৗকরি রেহঁ ফেক এসটি সার্টিফিকেট কোওয়া রমরমা ঞেল ঞামঃ কানা। আয়মা আদিবাসী সংগঠন পাহটা খনগে ডি.এম আর এস.ডি.ও ঠেন মেমোরেন্ডাম আর ডেপুটেশন এম কাতেহঁ অনারেনাঃ চেৎ আশা রেনাঃ অর্জ গে বাংকো ঞাম এদা। নংকান নিশড়ৗও আর রডচ্ অচোকান বিরুধরে রড়দারাম লৗগিৎ গে ওয়েলফেয়ার অ্যাসোসিয়েশন হালেগে জিৎকৗর আকান আদিবাসী এম.এল.এ. ঠেন চালাঃ কো গটা আকাদা। ওনকো ঠেন সেন কাতে অ্যাসোসিয়েশন নেঁহর এ দহয়েদা ফেক এসটি সার্টিফিকেট কোওয়াঃ রমরমা কমাও লৗগিৎ ওয়েস্টবেঙ্গল এসসি এসটি আইডেন্টিফিকেশন এক্ট ১৯৯৪ লেকাতে তুনখি-তলাশ কাতে ফেক এসটি সার্টিফিকেট কো অৗমরৗও আকাৎ, ওনকো সেঁদরা অডক কাতে শাসেৎ এম রেনাঃ বন্দেজ হোয়োঃ মা।
অনাতে তেহেঞ ২৫ জুলাই ফেক এসটি সার্টিফিকেট ইস্যু
লৗইতে কাশীপুর বিধান সভারেন এম.এল.এ. মানতান কমলাকান্ত হাঁসদা গোমকে সাঁও কো ঞাপাম
রপড় এনা ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পুরুলিয়া জেলা চাঁগা
কুমুটরেন রৗসিয়ৗকো। অ্যাসোসিয়েশন পাহটা খন মানতান এম.এল.এ. বাহা থুপনৗ আর উনুইহৗর সাকাম
কো চাল আদেয়া। অ্যাসোসিয়েশন রেনাঃ সানাম কাথা কো আঁজম কাতে মানতান কমলাকান্ত হাঁসদা
গোমকে লৗই তরা কেদায় বাংমা ফেক এসটি সার্টিফিকেট সাতাম দ আডিগে হাহাড়া আর বতরান। নোওয়া
লৗইতে চেতান মহল রেন কৗমিয়ৗকোয় বাডায় অচো কোওয়া মেনতেহঁয় রড় আকাদা। অনা সাঁওতে আর হঁয়
রড় তরা কেদা বাংমা ফেক এসটি সার্টিফিকেট সাঁও যাঁহায় গে জপড়াও কো তাঁহেন সানাম গে শাসেৎ
ঞাম রেনাঃ লৗগ্তি মেনাঃআ। কাশীপুর বিধান সভারেন এম.এল.এ. মানতান কমলাকান্ত হাঁসদা
গোমকে ফেক এসটি সার্টিফিকেট ইস্যু লৗইতে অ্যাসোসিয়েশন রৗসিয়ৗকো আশ্বাস এ এমাদ্ কোওয়া
বাংমা বিধানসভারেহঁ নোওয়া ইদিকাতে কাথায় রাকাবা।
.webp)
.webp)
