আবোওয়াঃ ডিজিটাল ডেস্ক- তেহেঞ ১৫ জুলাই ফেক এস.টি সার্টিফিকেট ইস্যুতে দক্ষিন দিনাজপুর তপন বিধানসভা রেন এম.এল.এ. মানতান বুধরাই টুডু সাঁওতে ঞাপাম-রপড় এনাকো ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন দক্ষিন দিনাজপুর জেলা চাঁগারেন রৗসিয়ৗকো।
ফেক এস.টি সার্টিফিকেট কো তুনখি তলাশ তালাতে চিনহৗও অডক আর
এস.সি-এস.টি আইডেন্টিফিকেশন এক্ট (১৯৯৪) লেকাতে পনৎ স্ক্রুটিনি কুমুট তেয়ার কাতে ফেক
এস.টি সার্টিফিকেট আমরৗউ আকাৎ কো শাসেৎ ঞাম রেনাঃ দাবীতে অ্যাসোসিয়েশন পাহটা খন বিধায়ক
সাঁও ঞেপেলঃ কো চালাও লেনা।
বাডায় আকানা উত্তর খন দৗখিন সানাম জায়গারেগে ফেক এস.টি সার্টিফিকেট
লৗইতে এদ্রে সেঁগেল জোলোঃ কানা। নে-হালেগে সদর আকান আপার প্রাইমারী খন পুলিশ, বুরু
হৗটিঞ, জমাঃ হৗটিঞ সাঁওয়ার হৗটিঞ এমান করে যাঁহাতিনৗকো হাতাও অঃ কান ঝতরেগে আদিবাসী
কোওয়াঃ জুড়ুরে আডি ঢের অ-আদিবাসী কো ঞেল ঞামঃ কানা। নানাহুনৗর সংগঠন তালাতে কেবল চিঠি
এম আর আরটিআই কাতে চেৎ গড় হঁ বাংকো ঞাম এদা আদিবাসী কো। অনাতে মেৎ সামাং রে আয়মা অ-আদিবাসী
কো আদিবাসী সার্টিফিকেট জোগাড় কাতে কলেজ, ইউনিভার্সিটি, মেডিকেল আর ইঞ্জিনিয়ার এমান
ভুরতি করেকো বেওহার এদা এমন চেৎ চৗকরি করেহঁ রামা কো রৗবুড় গৗডিয়ৗও এদা। অ্যাসোসিয়েশন
আঃ অভিযোগ নংকাগে চালাও ইদি লেনখান সৗরিন আদিবাসী কো চেৎ সুযুগ-সুবিধাগে বাংকো ঞামা।
নংকান কাথা গে তেহেঞ এম.এল.এ. মানতান বুধরাই টুডু গোমকে কো আঁজম আদেয়া।
এহব রে অ্যাসোসিয়েশন পাহটা খন বাহা থুপনৗ তে মানতান টুডু কো
সারহাও কেদেয়া আর সাঁওতে দাবী-দাওয়া রেনাঃ মিৎটাং স্মারকলিপি হঁক চাল আদেয়া। বিধায়ক
সাঁওতে রড়-রপড় আডি যথাৎ হোয় আকানা মেনতে অ্যাসোসিয়েশন পাহটা খন বাডায় আকানা। বিধায়ক
হঁ নোওয়া লৗইতে গৗহির ভাবতে উইহৗরায় আর বিধানসভা রেহঁ নোওয়া লৗইতে রড় রাকাবায় মেনতে
আশ্বাস এ এমাৎ কওয়া।
