গুলন চন্দ্র মুরমু,আযোদিয়ৗ বুরু:- আডি হাহাড়া কাথা, জ্যোতি মাঝি (হেম্ব্রম ) আর মতি মাঝি (হেম্ব্রম) দ বার বয়হা কানাকিন। নিত জ্যোতি দ বাগানডি রে আর মতি দ আযোদিয়ৗরে অড়াঃ কাতেৎ মেনাঃ কিনৗ। মেনখান বয়েস হুয় আকান তৗকিনতে গিদৗর তাকো গে অড়াঃ সংসার ক চালাও এদা। অনাতে গিদৗর তৗকিন দ বাহরে কৗমি কোলকাতা তেকিন সেন লেনা।
৩-৪ বছর তায়ম পারমেন ২০২০ সাল রেনাঃ দাঁসাই বঁগা অড়াঃকিন রুওয়ৗড় আকানতে ঞেল এদাকিন বাংমা অকয় চং আকোওয়াঃ ৬৯ ডেসমিল জায়গা দ তার ঝৗলি তে বৗউন্ডারি এসেদ আকাদাককো আর লজ্ অড়াঃ হঁক বেনাও সৗত্ আকাদা । অকয়ে বেনাও আকাদা খজ্ তলাস কাতেৎ হঁ অকয়গে বাংক লৗই দাড়েঃ কানা। নিৎ মতি রেন গিদরৗ,সুবল হেম্ব্রম আর জ্যোতিরেন গিদরৗ মুকুন্দ আর নুমৗ হেম্ব্রম প্রশাশন ঠেন ক দ্বারস্হ কাতেৎ হঁ কোন সুরৗহা বাংক ঞামেৎ তে "ভারত জাকাৎ মাঝি পারগানা মহল" ঠেন নেঁহর ক দহ আকাদা। বাঘমুন্ডি মুলুক পারগানা মানতান নকুল চন্দ্র বাস্কে লৗই আকাদায় বাংমা সানামক তাঁহে কাতেৎ লগন গে আমিন কো মাপ অডক হচয়েয়া।
ভিডিও ঞেলপে :
