( হুডিঞ মাছা প্রতিবেদন)
ফেক এস.টি. সার্টিফিকেট
কিস্কিন্ধ্যা মুরমু
বাম বাডায় জংকান দিসম লঃ কান
খবর সাকাম আরসি নানা হুনৗর পৗরসি
পাড়হাও লেগায় মেম বাড়ায় জং আ ।"
পারম চালাঃ অক্ত দিনৗম দিনরে মানওয়া জিয়ন রিডেৎ চিরেৎ লাহাসেন কামসা কানা। এটকে টড়ে হঁ সতাসং লেকা মেনাঃ আকাৎ গেয়া।" ফেক এস.টি সার্টিফিকেট " বেনাও কাতে আদিবাসী কোওয়াঃ জুড়ুরে অ-আদিবাসী কো লচা খামচাও সুযুগ লুটুজ এহব আকাদা। যাঁহাদ খবর সাকামরে আয়মা ধাও ঝালকাও রাকাব আকানা। গটা পছিমবাংলা সানাম এলাকারেগে পেরেচ চাবা আকানা। অ-আদিবাসী কো হানতে নাতে খন এস.টি সার্টিফিকেট জোগাড় অৗগু কাতে ইস্কুল ,কলেজ, ইউনিভার্সিটি, মেডিকেল, ইঞ্জিনিয়ারিং, টিচার্স ট্রেনি়ং আর হঁ নানাহুনৗর চৗকরি রেহঁ আদিবাসীয়াঃ রাখা জোড়োরে সুযুগ লচা হাতাও রিকৗরে মেনাঃ কোওয়া ।
অলঃ পাড়হাও সাঁওতে রাখা দহ ঠাঁও করেহঁ আদিবাসী কদ তায়ম নিসড়ৗও অচো কানা। নিসড়ৗও নাহাচার রডচ অচোঃ কান বিরুধরে নিতঃ কেটেজ সৗঁহিচ্ আঁন্দোড় রাকাব রেনাং অকত সেটের আকানা। সাঁওতে আদিবাসী এম.এল.এ আর এম.পি.কো নোওয়া বাখরাতে গাপালমারাও কাতে বিধান সভারে কাথা রাকাব'মা ।
