আবোওয়াঃ ডিজিটাল ডেস্ক- নিতৗ অকতরে অকা সমাজ রেন পৗঠুওয়ৗগে এখেন বহঃ তোঁবোৎ আতে পাড়হাও রে ভেদাও তাঁহে দ বাকো ঞেলঃ আ। অলঃ পাড়হাও সাঁও সাঁওতে সমাজ কৗমি রেহঁ কো লাহা হিজুঃ কানা। সমাজ রেনাঃ নানাহুনৗর আনাট রেহঁক ঞির খাদ্লেঃ কানা। পৗঠুওয়ৗ গেকো দাড়েয়াঃআ সাঁওতা রেনাঃ অজরা-জবরা সাফা কাতে আরহঁ নাওয়া সিরজন। ওনকো গেকো দাড়েয়াঃ আ বির-বুরু গাডা-ডঢা দন পারম কাতে লৗড়হৗই টাঁডিরে জিউয়ি আলায়। ওনকো দ তায়ম সেন বাংকো কয়ঃ রুওয়ৗড়া, মায়াং জরঃ রেহঁ শির শির, লাহাঃ হিজুঃ আকো গির গির। নিত যাঁহা সমাজ রেন পৗঠুওয়ৗ কো যাঁহাতিনাঃ সমাজ লৗইতে চেতনাও কো তাঁহেনা অনা সমাজ উনৗঃগে লাহা চালাঃ আ। লৗই গানঃ আ নিৎ রেন পৗঠুওয়ৗগে হাপেন দিনরেন সমাজ লৗউড়িয়ৗ, দরদিয়ৗ আর সুসৗরিয়ৗ।
চালাঃ কান অকতরে আদিবাসী সমাজরে ফেক এসটি সার্টিফিকেট
মিৎ মারাং আনাট। নোওয়া ইদিকাতে ঞেলঃ গঃ কানা ইস্কুল, কলেজ খন এহব কাতে বিশ্ববিদ্যালয়
করে এমন চেৎ চৗকরি ঠাঁও রেহঁ ফেক এসটি সার্টিফিকেট অৗমরৗও জং আকাদ্ অ-আদিবাসী পৗঠুওয়ৗকো,
আদিবাসী পৗঠুওয়ৗ কোওয়াঃ হৗটিঞ জুড়ু রেহঁ রামা কো গৗডিয়ৗও এদা। অনাতে আদিবাসী পৗঠুওয়ৗ
কদ অকা রেগে দাও বাংকো ঞাম এদা। অনাকো ঞেল কাতেগে আর সানাম আদিবাসী পৗঠুওয়ৗকো সনতর
আর উদ্গৗও এমঃ লৗগিৎ গে লাহা হেচ্ এনায় ভারত জাকাত সানতাড় পৗঠুওয়ৗ গাঁওতা।
বাডায় আকানা ভারত জাকাত সানতাড় পৗঠুওয়ৗ গাঁওতা
আঃ সৗহিজুহিতে হিজুঃ কান ২৫ জুলাই হিৎ (সিঁগি মাহা) হিলোঃ তারাসিঞ পে বাজা অকতে
Bharat Jakat Santarh Pathua Gaunta ফেসবুক তালাতে ফেক এসটি সার্টিফিকেট কেলেঙ্কারি
বিরুধরে মিৎ গাপালমারাও আখড়া সাপ্ড়াও আকানা। নোওয়া গাপালমারাও আখড়ারে গালচিয়ৗ লেকাতে
সেটের কো তাঁহেনা মানতান শৈলেন বেসরা ( প্রেসিডেন্ট, পৗঠুওয়ৗ গাঁওতা সেন্ট্রাল কমিটি),
মানতান নৃপেন চন্দ্র মান্ডি (প্রেসিডেন্ট, পৗঠুওয়ৗ গাঁওতা পনৎ কমিটি), মানতান সুশান্ত
সরেন (ফাউন্ডার প্রেসিডেন্ট, পৗঠুওয়ৗ গাঁওতা) আর মানতান মহেন্দ্র সরেন (সেক্রেটারী,
যুওয়ৗন মাঁডওয়া সেন্ট্রাল কমিটি)। নোওয়া আখড়া সাসাপড়াও আর চাচো ইদিরে তাঁহেনায় মানতান
লালচাঁদ সরেন ( সেক্রেটারী, পৗঠুওয়ৗ গাঁওতা সেন্ট্রাল কমিটি)।
নোওয়াহঁ বাডায় আকানা বাংমা নোওয়া মাড়াং ভারত জাকাত
সানতাড় পৗঠুওয়ৗ গাঁওতা ফেক এসটি সার্টিফিকেট বিরুধরে পারম আকান ২৫ সেপ্টেম্বর’২০২০
আর ১৯ অক্টোবর’২০২০ সালরে পুরুলিয়া জেলা ডি.এম. আর ঝাড়গ্রাম ডি.এম. ডেপুটেশন কৗমিহরা
রেয় লাহা হেচ্লেনা। অনাবেগর পৗঠুওয়ৗ কো ইদিকাতে সারাঘৗড়িচ্ গে অক্ত রেনাং নানাহুনৗর
দিশ-হুদিশ এ চাল ইদি আকো কানা। নিৎ চালাঃ কান অক্তে কোভিড রেনাঃ আওহাল তে আয়মা লেকান
এঁটকে টঁড়ে মেনাঃ খৗতির ওয়েবনার তালাতেগে পৗঠুওয়ৗ কো সাঁওতে বেকার যুওয়ৗন কো লৗগিৎ
নংকান আখড়া সাপড়াও এনা মেনতে মানতান শৈলেন বেসরা আবোরেন খবরিয়ৗয় বাডায় অচো আকাদেয়া।
অনা সাঁওতে নেঁডা মাহারে সানাম কো গাঁওতা আঃ Bharat Jakat Santarh Pathua Gaunta ফেসবুক
লাইভ ঞেল লৗগিৎ হঁ নেঁহর কো দহ আকাদা।
.webp)
.webp)
