আরহঁ সাঁগে চৗকরি-নুকরি হড়াঃ কুশ-পুতলা রাপাঃ রঁগ ঞেল এনা

আবোওয়াঃ ডিজিটাল ডেস্ক- পারমেন ২১ জুলাই, মঁড়ে গটাং পনৎ রে আদিবাসী চৗকরি-নুকরি হড়াঃ কুশ-পুতলা কো রাপাঃ রঁগ কেদা সেঁগেল অভিযান। অজে লেকাতে বাডায় আকানা বাংমা সাঁগে চৗকরি-নুকরি হড় গে সাঁওতা রেনাঃ জৗতি-ধরম, হাসা-ভাষা, ইজ্জত-আবাদি বাঞ্চাও লৗগিৎ গড় বাংকো এম এদা। ওনকো গে বাংমা কুশ পুতলা জেরেৎ কাতে বেরেৎ লৗগিৎ এ ছুটৗও আকানা সেঁগেল অভিযান।

নঁতে আবোরেন খবরিয়ৗ কো আয়মা চৗকরি-নুকরি হড় কোঠেন খন কো বাডায় আকাদা বাংমা ওনকো মুদ্‌রে সাঁগে চৗকরি-নুকরি হড় গে যাঁহা বাং যাঁহাটা সংগঠন রেগে যাঁহা তিনরেগে গড় এম কাতেৎ কো হিজুঃ কানা। আদম কদক বাংমা লৗই আকাদাকো জে ভারত জাকাৎ মাঝি পারগানা মহল, আসেকা, ওয়েস্ট বেঙ্গল সিডিউল্ড ট্রাইব ওয়েল ফেয়ার অ্যাসোসিয়েশন এমান লেকান সংগঠন করে লেতাড় গে গড় কো এম আগুয় এদা। যাঁহা সংগঠন কদ জৗতি-ধরম,পৗরশি,সানতাড়ি মিডিয়াম ইস্কুল, দাঃ-হাসাঃ-বির-বুরু বাঞ্চাও এমান রেনাঃ আইদৗর লৗগিৎ কো লৗড়হৗই কানা। এমন চেৎ নিতৗ বার্নিং ইস্যু ফেক এসটি বিরুধরেকো আঁদোড় এদা।

আরহঁ আদম কদক লৗই আকাদা বাংমা সানতাড়াঃ ‘সৗরি ধরম’ কোড ঞাম অচোয় লৗগিৎতে যাঁহায় সংগঠন কো আঁদোড় এদা অঁডে হঁ গড় কো এমঃ কানা। উনকুওয়াঃ মেনদ এনখান অকারে গড় বাংকো এম এদা? তবে চেৎ সেঁগেল অভিযান রে গড় বাংকো এম এৎ তেগে তেহেঞ চৗকরি-নুকরি হড় ঞুতুম তে কুশ-পুতলা কো রাপাঃ রঁগয়েদা? যাঁহাদ সানতাড় সাঁওতা রেনাঃ আরিচৗলি গে বাং কানা। নংকান কুকলি হঁক রাকাব এদা। আদম কদক মেমেন কানা চৗকরি-নুকরি হড়াঃ কুশ-পুতলা রাপাঃ রঁগঁ কাতে তিসহঁ আদিবাসী সমাজ বায় লাহা কঃ আ? বরং আদিবাসী জুমিদ্‌ গে রৗপুদ্‌ ছিং ছৗতুর উতৗরঃ আ। তবে চেৎ নোওয়া লৗগিৎ গে তেহেঞ সেঁগেল আতে ‘সেঁগেল অভিযান’ সেঁগেল অভিযানে এহব আকাদা? নংকান কুকলি হঁক রাকাব এদা মেনতেগে আবোরেন খবরিয়ৗ কো আয়মা টঠা খনকো লৗলৗই কানা।