বৗইসি লেকাতে ছৗতিক সাঁও বাপ্‌লাতে সানতাড় সমাজ খুতিঃ আ

 অল তালাতে কাথা রাপাচাঃ

সাতাম- বৗইসি লেকাতে ছৗতিক সাঁও বাপ্‌লাতে সানতাড় সমাজ খুতিঃ আ

 সানতাড় কুড়ি ছৗতিক সাঁও জাঁওয়ায় কাতেৎ সে সানতাড় কড়া ছৗতিক বৗহু আগু কাতেৎ- অকাটাঃ তে বেশি খুতিঃ কানা। যাঁহাটা গে মিৎ পাহটা অল মে-

 

পাহটা- সানতাড় কড়া ছৗতিক বৗহু অৗগু কাতে সানতাড় সমাজ বেশি খুতিঃ কানা

 বিভূতি ভূষণ সরেন

  

মৗনমী জিয়নরে সুখ-দুখ, আড়গ -রাকাব নওয়া করেনাঃ দ আডি গৗহির সৗগৗই মেনাঃ আ। নাহাঃ যুগ রেদ কড়া গিদৗর কুড়ি গিদৗর বানা হড়গে লাহান্তি ডাহার রেন লৗউড়িয়ৗ। এনতেহঁ মেন গানঃ আ কড়া গিদৗরাঃ সাঁওতা রেনাঃ আঁগিভারদ বৗড়তি গেয়া। কড়াগে সাঁওতা সে ঘারঞ্জ রেন খাম খুন্টি দ। আর কড়া গিদৗরগে যুদি পুরকিত শিখনৗৎ তে বায় শিখনৗৎ দাড়েঃআ, পরকিত মৗনমী মন আতে বাংএ হারা বুরু দাড়েঃআ, এনখানগে অনা ঘারঞ্জ সে সাঁওতা রেনাঃ উপগৗর বায় দাড়েঃআ। রিলৗমালা উইহৗর ভাবনা সান্তাড় সাঁওতা রেনাঃ বাং হেচ্ আয়া। আর উন খানগে হারা উমের যুওয়ৗন মনে বাবলা লাঠা লেকা ছৗতিক কুড়ি ঠেন মেৎ চালাঃ তায়া ,সাঁওতে মনে লাটপাটাঃ লাঠা সৗরি তায়া। বায় হুদিশৗ 'আখির দিন রেনাঃ সানতাড় সাঁওতা রেনাঃ মার্শাল ডাহার। ' 

 

ছৗতিক কুড়ি  বাপলা কাতেঃদ  তিসহঁ নাপায় জিয়ন দ  বাংএ খাঁডাও দাড়েআঃ। চেদাঃসে ছৗতিক কুড়ি বাপলা তেদ আব সাঁওতা রে তিসহঁ বাংএ মেশা দাড়েআ। এনখানগে সা্নতাড় সমাজ রে উপরুম আদঃ তায়া আর নতে আব সমাজ খুতিঃ আ। যাহাঁ গড়ারে জানাম, যাহাঁ রে হারা বুরু, যাহাঁ আডাংতে রড়-লাঁদা, লায় লাকচার মেনাঃ তামা, সানাম খন সরেশ তামা। সানতাড় সাঁওতারে চেৎ তেহঁ বাম কম তামা। ছৗতিক কুড়ি বাপলা কাতেহঁ আমদ সানতাড় কড়াগে। যাহাঁ তিনাঃগে  ' সুট-বুট, ব্লাজার হরগ্ কাতেঃ মারাঃ লেকা সাজাঃ রেহ 'আমদ সানতাড় কড়াগে। ছৗতিকাঃ ঘারঞ্জরে, সাঁওতারে বহঃ তুল কাতেঃ মৗন আতে তিসহঁ বাম দাঁড়া দাড়েঃআ । আর অনা অডাঃরেন হঁ বার মেৎ তে মজ সৗহিচ্ বাংক বেঁগেৎ আমা, তাতে আমেম রোজগার আর বাম রোজগার। মন খনদ মজ বেওহার বাং সারসাও আকওয়া। ছৗতিক টলা পড়শি মাক একাল বাংক Care আমা বরং হিরখৗ মেৎতে মেশা লাঁদা আমা। 

 

মিৎ মিৎটান হড় মিৎ মিৎটান তাড়াম ডাহারেন লৗউড়িয়ৗ। আমাঃ তাড়াম ডাহারগে যুদিম বকল বডেয়া, তবে খান আমাঃ সাঁওতা হঁ বকল বডে আ। আর আয়মা সেনতে খুতি রেনা এলাং রাকাব হিজুঃ আ। খারশালাঃ মনে আতে ভাই ভায়াদ সঁগে বাম রড় লাঁদা দাড়েঃ, সানতাড় লাকচার আখড়ারে বাম সেলেদ্ দাড়েঃ, বহঃ তুল কাতে তিসহঁ বাম গাতে দাড়েঃ। ছৗতিক কুড়ি বাপলা কাতেঃ " আমাঃ খুতি, ঘারঞ্জ রেনাঃ খুতি, আর সাঁওতা রেনাঃ খুতি "। মিৎ কাথাতে মেন গানঃআ সানতাড় সাঁওতা রেন মিৎ মারাং ' গাঁডার। ' সমাজ রে -----

1.   কড়া হপন জনমগে সানতাড় জৗতি রেন বিসি জাং, ছৗতিক কুড়ি বাপলা কাতে জৗতি  ডুবুজঃ আ। 

2.    ধরম-করম হঁ লেবেদ্ লটম কাতেগে ধরম রেনাঃ এপের হেঁডেৎ সিরজৗঃ কানা। 

3.    লায়-লাকচার আরিচৗলি হঁ বকল বডেঃ কাতেঃ, লাকচার আখড়ারে নানাহুনৗর বদল ঞেলঃ কানা। 

        নওয়াক হতেচ্ তেগে মেন গানঃ কানা, " ছৗতিক কুড়ি বাপলা তেগে সানতাড় সাঁওতা রেনাঃ বৗড়িচ্ অরসং দ ।" 

……….জোহার