(হুডিঞ মাছা কৗহ্নি)
আবোওয়াঃ কাথা
আকাশ মুর্মু
এয়া এ রটো ,দিন-কালকো চেদ লেকায়েনা-য়া।
হানে তিস সেদায় খন আবোরেন মারে হাপড়াম কো দৗড় আকাগেকো তাঁহেকানা ,নিত হঁকো দৗড়াঃ কান গেয়া ,অকারেযেকো থৗহিঃ আ ,অহগেম লৗই কেয়া। পং-পংড়া কহো গায়ার গুয়ুর মেনাঃ কগেয়া... ।
তবে হেঁ জিয়ন দাদা আপেদ মেৎ মার্শাল হড় কানাপে ইঞ লেকান লেলহা মৗনমি কদ ইঞ লেকা চেদাঃ বাপে বুঝৗওয়েদ কওয়া ? পালে ক বুজ কেগেয়া ! যাঁহাগেম মেন জিয়ন দাদা আলে লেকান মুরুক কগে দং লাংড়ে বাহা সহরায় বোঙ্গা বুরু কদ কো জিয়ৗও দহ আকাদা। আপে মা মেশা মেশাপে কৗমিয়া ,বাং চলাঃ হপে চল হচয়া ।
ভুল কাথা হঁপে রড় গিডি কাঃ আ , পালে দ লাজাও তেসে চেদ ,শাহার বাজার রেমা হড়তে রড় হঁ বাপে রড়া...। বাঙায়া রটো অনকান কাথা দ বাং কানা ,তবে চেদেম মেনা দেশ গুনে ভেস ! আর আপনার কাথা দ অকয়ে আঁজম তামা , মেন লেখান গে ফাঁলনা-তুস্কৗ কাথা ক আঁজম আমা .....!
বীরডি আতুরেন রটো আর জিয়ন দ আডি আয়মা দিন তায়ম কিন ঞাপামেনা। হুডিঞ বিদৗলরে দো মিৎ তেগোকো খিলডু এনেচ তাঁহে কুলহি ধুড়িরে। অক্ত সাঁওতে জিয়ন দ অল পাড়হাও সেঁড়া কাতে মারাং বাজার রেনাঃ স্কুলরেয় মাচেৎ এনা আর রটো দ দিনৗম কৗমিয় সেঁড়া কেদা। তিস সুদৗইদিন তায়মেয় হেজ আকানতে তোপোন ঘাটরেনাঃ গালমারাও মুচৗদ গে বাং মুচৗদঃ কান তৗকিনা।
খেরওয়াল সাঁওতা রেনাঃ আয়মা কাথা গেকিন গেলেচ অডক এদা । রড় রড় তেকিন রড় কেদা হাট পাতা ছাতা করে হাঁডি পৗউরা আখরিঞ, বুল তুহেল হড় হপন ,হারা গদঃ যুওয়ৗন কড়া কুড়ি ক বৗড়িচ্ হরতে তাড়াম ,শিখনৗৎ কঁহ আকো লেকা ভিনৗগে ,মুরুক কঁহ আকোলেকা গে। মিদঃ আকো তবেরেসে সাঁওতা উৎনৗঃ আ। দরদিয়ৗ অনলিয়ৗ ক অলেদা, অকয়ে পাড়হাও আ,অক্তগে বাং! সাঁওতা আরসিরে মেৎ কো ঞেলরেসে ,আখির ইদি কাতে ক উইহৗরা, আবোওয়াঃ সানামাঃ গে আবো তেগে সামটাও হুয় আবোনা। আবোওয়াঃ সেদায়
আরিচৗলি,
আবোওয়াঃ সেদায় কাথা কো দিশৗ কাতেগে লাহা হোয়োঃ তাবোনা। তেহেঞ আবোওয়াঃ কাথা কহঁ
আরহঁ বৗড়তি কায়তে চারচাও হুয় আবোনা।
ঞেল ঞলতে তোপোন ঘাটরে হড়ক সাঁগে ইদিয়েনা। আদ যে
যার তোপো বাড়া কাতে অড়াঃ কো রুওয়ৗড় চালাও এনা। অনা ঞিদৗগে জিয়ন, রটো সাঁও গাপালমারাও
আকান কাথা কোগে দিশৗ হেচ্ আদেয়া আর এ উইহৗর এদা সৗরিগেতো তেহেঞ ঞেল ঞেলতে তিনৗঃ লগন
সাঁওতা বদল ইদিঃ কানা। আলে হঁ আলে লেকা, আপে হঁ আপে লেকা আর উনকু হঁ উনকু লেকা…….।
নংকা মেন মেন তেগে জিয়ন আঃ মেৎরে জৗপিৎ বঁগায় জাপাড় এনা।
.webp)
.webp)
