সানতাড় কুড়ি ছৗতিক সাঁও জাঁওয়ায় কাতেৎ
সে সানতাড় কড়া ছৗতিক বৗহু আগু কাতেৎ- অকাটাঃ তে বেশি খুতিঃ কানা। যাঁহাটা গে মিৎ পাহটা অল
মে-
পাহটা- সানতাড় কড়া ছৗতিক বৗহু অৗগু কাতে সানতাড় সমাজ বেশি খুতিঃ কানা
অশ্বিনী কুমার মান্ডি
তিরলৗ সে কুড়ি হপন দ দাঃ সাকাম দারে নৗড়ি লেকা;
আবো সমাজ-ঘারঞ্জ-জীয়ন সাঁওক মেসামিৎ আকানা। চেৎ লেকা হয় বেগর মৗনমী বায় জিউয়েৎ কঃ,
দাঃ বেগর হৗকু বায় পায়রা কঃ, অনকাগে তিরলৗ সে কুড়ি হপন জৗনিচ্ সিরজনিয়ৗ আঃ নোওয়া ধৗরতি
সিরজন পুরি দ নুনৗ বাং হৗড়িয়ৗর , চরক আর হাহাড়া কঃ কেয়া। আর আবো খেরওয়াল সাঁওতারেন
কুড়ি হপন মা আদওয়া চাওলে লেকা সুসৗর, বঁগা-বুরু, ধরম-করম সানাম লেকান কৗমিরে তোওয়া
লেকাকো দুল মেসাঃআ। চেৎ লেকা তোওয়া খন গতম অনকাগে কুড়ি হপন সে হপন এরা খনগে বৗহুড়িয়ৗ।
হপন এরা আর বৗহুড়িয়ৗ বানাহড়গে ভিতৗর অড়াঃরেন সনঝৗ মৗলি লেকা তুলসি পিঁডৗ কিন আহলা মারসালা।
অড়া ভিতরিরেন, বাখোল তালারেন, আতুমঁড়েহড় রেন, সমাজ সাঁওতারেন মৗন কানাকিন।
উনিকিনৗ রড়তে, উনকিনাঃ তাড়ামতে, আচার-বেওহারতে
আবো অড়ারেনাঃ, বাখোলরেনাঃ, আতুরেনাঃ, সমাজ সাঁওতারেনাঃ সরম, মৗন-মহৎ, ধরম কো সাব তিরুবঃআ,
সুসৗর সিবিল সড়মঃ আ। মেন গানঃ আ কুড়ি হপন সে বৗহুড়িয়ৗ দ অড়াঃরেন মৗন আর ধন লেকা অড়াঃ
সংসার রেন গরব কানাকিন। আর নুকিনাঃ আচার-বেওহার রড়-তাড়ামরে যাঁহালেকাতে নাসেগান হেঁদে
জাঁদগঃ মেসায় এন সে খেরওয়াল সাঁওতারেনাঃ আন আরিক কাড়গো লঠম এনখান অনাদ বানা হড়গে আডি,
আডি মারাং কৗই- যাঁহাদ চিকৗতেহঁ আবো সাঁওতাদ তিসহঁ বায় মানাও-বাতাও আ।
এনহঁ মেনতেনাঃ দ সানতাড় কড়া ছৗতিক বৗহু আগুতে সানতাড়
সাঁওতা রেনাঃ বেশি খুতি হোয়োঃ কানা। জেলেকা সানতাড় কড়া ছৗতিক কুড়িয় আগু লেখান দিনৗমগে
সেতাঃ আয়ুপ্ আবো সমাজ রেনাঃ মৗন মহৎ অৗন অৗরি কো কাড়গো ডেগাঁও বাড়াঃ আ। ছৗতিক বৗহুদ
বাংদ সনঝৗ-মোড়লি গে এম গানোঃ বাংদ বাহা-সহরায়রে ইতৗৎ গেয় জম তাপাঃকে আর বাংদ লটাঃ দাঃ
আতেচ্ মিৎবার নাওয়া পেড়াগেয় জঁহার-বেওহার দারাম দাড়েয়াকো।
অনাবেগর লৗই গানো আ ওনকোরেন গিদৗর-পিদৗর গে আপাতাঃ উপরুম দাড়েতে হারা-বুরু শিখনৗৎ কাতেচ্ আবো সানতাড়াঃ পান্তেরকো দুড়ুপ আ আর সৗরি সানতাড় হড়াঃ হক্ আইদৗরী করে জুড়ুক অর জমাঃ। আদ দিন দিনতে হাপেন ওনকো গিদৗর-পিদৗর ঠেন খনহঁ সানতাড় লায়-লাকচার, আরিচৗলি, ধরম-করম সানামাঃ গে আদ্ উতৗরঃআ।
- জোহার
.webp)
.webp)
