ডাঃ সুরেন্দ্রনাথ মান্ডি
জমসিম বিনতি খন বো বাডায়া জে- লিটৗ গঁসায়, মেনমা মারাং বুরু
দ মৗনমি বাড়্ অচ লৗগিৎ সাগাৎ চাউলে সাঁও রৗনু-রান মেসা অচ কাতেৎ জুওয়ৗন বয়হা-মিসেরা
পিলচু তেকিন হাঁডিয় বেনাও অচ লেৎ কিনৗ। অনা হাঁডি রাসা ঞুবুল অচ কিনতে মান-হুঁস্ এ
আৎ অচ লেৎ তৗকিনা, আর……। হোয়, অনা হাঁডি দ ড্রাগ কান গেয়া। ড্রাগ রেনাঃ মেনেৎ দ রান
গে….বেবেসা, বৗড়িজাঃ হঁ। এনতে ড্রাগ দ রান চেৎ লেকা মেন গানঃ আ, অনকাগে মেনগানঃ আ বিষ
হঁ…..চেৎ লেকাম বেওহারা, অনা চেতান টেঁহাড়ঃ আ, ড্রাগ দ রান সে বিষ কানা।
নাহাঃ জুগ রেনাঃ, ঞুতুম লেকাতে ঢেরগে সাহেব সাহেব আইকাঃ, মেনমা
হেরোইন, কোকেন, হাসিস, ম্যানড্রেক্স্, এল.এস.ডি. এমান এমান;আর পৗউরৗ, আফিম, গাঁজা,
ভাং এমান এমান কঁহ ড্রাগ কান গেয়া। ড্রাগ দ নেসাওয়ানাঃ হঁ মেন গানঃ আ। নোওয়া কো ড্রাগ ইঞ্জেক্ট খৗড় কাতেৎ, সুঁগরৗও কাতেৎ, ঞু কাতেৎ,
চেপেচ্ কাতেৎ হড়ম’রে হাতাও হোয়োআ। অনাতায়ম অনা কদ মায়াম রে মেসা আ, আর নেশা হোয়োআ-
মেনমা বু-বুলা, মনে জিউয়িরে রৗস্কৗ আইকৗআ আর মান-হুঁস এ আৎ অচয়া, বুগি-বৗড়িচ্ বিচৗর
রেয়াঃ খেমতা-য় আ দা। নোওয়া ক ড্রাগ মাত্রা বাহের বেওহার লেখান জিউয়ি বৗতিহঁ ইঁড়িজ দাড়েয়াঃ
আ। নাহাঃ ইস্কুল, কলেজ রেন পৗঠুওয়ৗ গিদরৗ কো ডেনড্রাইট চিট্ সুঁগরৗউ কাতে, খুঃ আজার
রেনাঃ রান-সিরৗপ্ এমান এমান ঞুকাতে হঁ আডি গেকো নেশায়েদা। নঁডে লৗই লৗগ্তি কানা-
আবো আদিবাসি, সানতাড় জুওয়ৗন কদ হাঁডি-পৗউরৗ নেসা-জালাম রেগে আডি বৗড়তি বোন ঝলি লাটপাটাওয়াকানা;
খৗতির হড়ম’, জৗত, সমাজ পিছলাঃ কান তাবোনা, নিজোরঃ কানা।
জুওয়ৗন কগে দিসম লাহা ইদিয় রেন লৗউড়িয়ৗ কদ। অনাতে জুওয়ৗন কো
চেতান জৗতি রেয়াঃ, দিসম রেয়াঃ আয়মা দায়- দৗয়িক মেনাঃ আকাদা। জুওয়ৗন কোওয়াঃ বুরধি-দিসৗ
আৎ উতৗর লেনখান সমাজ, দিসম হঁ নিরবুলি আ,লেঁগড়জঃআ। আর নংকা হোয় লেনখান গে বৗইরি জৗত,
সমাজ, দিসম কোওয়াঃ দ মোলমুলি দাঁও গেকো পাঁজা বাড়ায়া। চেটমাল কো, মেনদ লাহাওয়াকান দিসম
কদ মিৎ পানথা কো হাতাও আকাদা। এনতেৎ নাহাঃ
দ সামাং-দাপরাম লৗড়হৗই কাতে এটাঃ দিসম হামেট সে গবল রে আগুয়তেদো আয়মা এঁটকেটঁড়ে মেনাঃ
আকাদা। অনাতে লাহাওয়াকান দিসম কদ, লাহা চালাঃ কান দিসম ক চেতান তি লাহা কাতেৎ এটাঃ
সেনতে বাজার দখল মেনমা অৗমৗলগিরি রেয়াঃ কো কুরুমুটুয়েদা। অনাতে ওনকো দ জতিয়ৗরি চৗরিত্
রেয়াঃ রেহেৎ গে পৗটুব তাড়াও লৗগিৎতে ড্রাগ-নেশাতে দিসম রেন জুওয়ৗন-সমাজ কো বুল কাকো
কানা, ওনকোওয়াঃ উইহৗর-বুরধি-লাহান্তি ডাঁডা কো রৗপুৎ এৎ তাকোওয়া। ড্রাগ দ বেওহারিচ্
আঃ সুমুং দ বায় খুতিয়া, পুরিবার খন এহব কাতে জৗতি আর দিসম হঁ লহজৗরি কাতে শ্মশানতেয়
কোলেয়া।
নাহাঃ দ হেপরাও রেয়াঃ জুগ কানা, লাহা চালাঃ রেয়াঃ জুগ কানা,
কৗমি কাতে নাপায় তে আসুলঃ রেয়াঃ জুগ হঁ কানা। হেপরাও লাহা চালাঃ রে লেঁজেৎ ঞুর লেনখান,
সে সমাজ-সংসার খন ছাপাডাও লেনখানগে মনেরে হুলৗসভাঁগা
হিজুঃআ। উন দ অনা খন রাড়া দুগঃ লৗগিৎ , আর বাংখান লোভ-লালচ্ বাং সাম্বড়াও দাড়েয়া খৗতির
আসরা হাতাও হোয়োআ ড্রাগ ক চেতান, মেনদ নেসা ক চেতান। আর নেশা দ নংকানাঃ কানা, জাঁহা
দ মিৎ ডঁডেক লৗগিৎ তেরেহঁ মনে জিওয়িয় রাড়েজ্ দাড়েয়াআ, দুক-কষ্টয় হিড়িঞ অচ দাড়েয়াআ;
আর নঅ নোওয়াগে কাল দ। মিৎধাও নেশা-জালা রেম ঝৗলি লেনখান, অনাখন রাড়া দোগোঃ দ আডি আঝাট
গেয়া। যেহেতু নেশা দ বুরধি দিশৗয়ে আ দা, খান নেশায়িচ্ আঃ দ সানামাঃ গে আদঃ আ- মান,
সনমান, টাকা-পয়সা এমন চেৎ হড়ম’ জিউয়ি হঁ। উনিয়ৗতেৎ দ সমাজ রেয়াঃ বুগি কৗমি দ অহগে হোয়
দাড়েয়াআ, উনিদ সমাজ গাঁডারে তেয়ারঃআ।
.webp)
