২৬ জুন, ধৗরতি জাকাৎ ড্রাগ বিরুদ মাহা লৗইতে মিৎটাং উইহৗর
কিষ্কিন্ধ্যা মুরমু
নিসৗ বেওহারতে খুতি ইদি কাতে মৗনমী চেতাওনা এমাঃ লৗগিৎ ১৯৮৭ সালরে জৗতিসংঘ সাধারণ সভা ২৬ জুন মৗহিৎ দ" ধৗরতি জাকাৎ ড্রাগ বিরুদ মাহা " সে "আন্তরজাতিক মাদক বিরোধী দিবস " পালাও রেনা কৗমিহরায় সাব আকাদা ।নওয়া মাহা পালাও রেনাং অজে লেকাতে লৗয় গানঃ আ ,ধৗরতি জাকাৎ লেকাতে চালাঃ কান মুরসুম রেনাং মৗনমী ক তালারে চেতাওনা সিরজৗও ।
নিসৗ তেয়ার তেয়াঃ রসান (রাসায়নিক) বেওহার কাতে বেনাঃ কানা।
বেওহার লেখান মৗনমী হড়ম মনেরে অরসং পাড়াও-আ। যাঁহা দ মিৎ ধাও বেওহার লেখান বেওহার ইদিগে সানামেয়া।
নিসৗ ঞু জম কাতে দাড়ে বাং বুঝৗঃ-আ ,হুসদিসৗ বাং তাঁহেনা ,বুল-বুল গে বুঝৗঃ-আ। গালচ্ কুলিকুকৗর আর কাগজ পাথামরে ঞেল ঞাম আকান নিসৗ বেওহার তেনাঃ কদ- - - ইয়াবা ,ফেনসিডিল,হেরোইন,কোকেইন ,গাঁজা ,চোলাই পৗউরৗ ,দেসি পৗউরৗ ,বিদেসি পৗউরৗ , বিয়ার ,রেক্টেফাইড,স্পিরিট, ডিনের্চাট স্পিরিট ,তৗড়ি ,প্যাথেডিন ,বুপ্রেনরফিন(টি.ডি জেসিক ইঞ্জকসান ),ভাং,কোডিন ট্যাবলেট,ফার্মেন্টেড ওয়াস (জাওয়া ),বুপ্রেনরফিন (বনোজেসিক ইঞ্জেকসন ), মরফিন,আইচ পিল,ভায়াগ্রা, সানাগ্রা,টলুইন,পটাসিয়াম পারম্যাংগানেট ও মিথাইল ইথাইল ,কিটোন,বারবিচুরেট ,থামাখুর লেকান আয়মা ঞুতে-জমতে-সিড়ুব্ তে জি'তে বেওহার লেকানা ।
নিৎ চালাঃ কান অকতরে অৗতু ডি ডিহৗৎ খন সাহার বাজার হাট পাতারে ঞু জম কানাক হড়'ক। কিরিঞ আখরিঞ কৗমিরে তিরলৗ গিদরৗ কক কৗমি এদা।
যৗসতি কায়তে আতো অড়াঃ করে ঞু বুল কাতে বুজ বাড়া বাং কাতে সি পুরুষ কৗয়ঝৗ কৗফৗরি হুয়ুঃ কানা। বুল ঝুঁকতে তাপাম হৗবিচ হুয় গদঃ কানা। হৗলি উমের রেন জৗলি লয়া কড়াক চেমাৎ গদ এদাক। য়াঁহাদ আউরি উইহৗর ভাবনা পাকটঃতেগে। লেবড়েচ হড়ম দাড়ে বৗনু আন নালহা তুমৗল লৗগিৎ ঢেজ হঁ বাং । উনরেগে কুঁবড়ু বুকড়ু লেকান ঘটন ক ঘটাও চালাঃ কানা। অড়াঃ আতো উৎনৗও রে জাঁগেঃ কানা।
নিসৗক মুদরে অকা কদ চাষঃ কানা,অকা কদ পানতে আগু লাগাঃ কানা।
অদমা দ তি চেতান তি চাপাল হিজুঃ কানা আহরে বাহরে দিসম খন অৗনআরি ক দানাংতে। নংকা হালতরে নিসৗ বেওহারতে লয়া উমের কদ সৗগুনান হর ডাহার অৗউরি রেগেক মুচৗৎ এদা। কাগজ পাথাম করে খন বাড়ায় ঞামগঃ কানা নিসৗ লেকাতে ঞু জম জগাও জগাড় রেন আয়মা রুট মেনাঃ আকাদা। দিসম তালারে ,বাহরে দিসম খন হঁ লেনদেনঃ কাগেয়া মেনতে। ধৗরতি জাকাৎ ইদিয় আগুয়রে "গোল্ডেন ট্রায়াঙ্গেল " নওয়া দ মিয়ানমার - থাইলেন্ড-লাওস ।" গোল্ডেন ক্রিসেন্ট" নওয়া দ পাকিস্তান-আফগানিস্তান-ইরান। ভারত দিসম রেহঁ আডি সেনতে গহড় আগু এদাক ।
আপনারতেগে বুজ বিরুদ কাতে বৗগি সৗরি হুয়ুআ। ঞু জম লাহারে নওয়া করেনাঃ বৗড়িচ অরসং ক তুনখি লৗকতি কানা। মিৎটাং মৗনমী জিয়ন নওয়া ধুড়ি ধৗরতিরে আডি গনং আনা গে কানা।
মানওয়া জিওয়ী জৗতি নাসাও লেকান নিসৗ খন সাহা সৗগিঞ তাঁহেনগে নাপায়া। লৗয় মেনাঃআ-" উইহৗর তাঁহেনমা বঙ্গা সারেচ হৗঁডি রাসাদ,মিৎ ফুড়ুঃ ঞুলে রেদ রান রেনাঃ কৗমিয় এমা। বার ফুড়ুঃ তেদ ধরম বৗড়িজঃ আ ,আর পে ফুড়ুঃ ঞু লেখান সানামা আৎ চাবাঃ আ।"
.webp)
