আবোওয়াঃ ডিজিটাল ডেস্ক- পছিম বর্ধমান জেলা দুর্গাপুর বাস স্ট্যান্ড সোর ইন্ডিয়ান অয়েল পেট্রোল পাম্প সামাংরে যাঁহা বীরবান্টা সিধু-কানু আঃ মুঠৗন চারোধার দারে-নৗড়ি-ঝুড়-গাজাড় তে পেরেচ্ তাঁহেলেন অনা প্রশাসনিয়ৗ পাহ্টা খন সাফা-সুতরৗ হুয় আকানা মেনতে বাডায় আকানা। নোওয়াহঁ বাডায় আকানা বাংমা পারমেন ২১ জুন হিলোঃ ভারত জাকাত মাঝি পারগানা মহল, পছিম বর্ধমান জেলা কুমুট পাহটা খন মহকুমা শাসনিয়ৗ ঠেন ডেপুটেশন এম কাতে সাঁওতে অলবেল তালাতেহঁ কো বাডায় অচো লেদেয়া। অনাবেগর দুর্গাপুর পুরনিগম রেন মেয়র, দুর্গাপুর থানারেন দৗয়িত্ রে মেনাঃ আকাদে আপিসার আর ৪১ নং ওয়ার্ড রেন কাউন্সিলর হঁক বাডায় অচোলেদেয়া। অনা সাঁওতে কডরা হঁক রড় তরা লেদা বাংমা আডি উসৗরা অনা জায়গা বাং সাফা লেনখান ভারত জাকাত মাঝি পারগানা মহল অনা মুঠৗন ইদিকাতে আডি মারাং আঁদোড় তে বাধ্য তাঁহেনায়।
মেনখান ঞেল এনা, অনা আডি উসৗরাগে প্রশাসনিয়ৗ আঃ কুরুমুটুতে সিধু-কানু আঃ মুঠৗন সামাংরে যাঁহা গাজাড় তাঁহেকানা অনা কো সাফা আকাদা। বাডায় আকানা মহল পাহটা খন নোওয়া দাবী হঁক দহ অট আকাদা বাংমা গটা বছর নংকা গে সিধু-কানু আঃ মুঠৗন সাফা-সুতরৗ, জতনতে তাঁহেন মা আর লাইট রেনাঃ বন্দেজ হঁ তাঁহেন মা।
.webp)
