পার্শাল কিস্কু – ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন ঝাড়গ্রাম জেলা চাঁগারেন রৗসিয়ৗকো হলা ১৬ জুন ফেক এস.টি. সার্টিফিকেট ইস্যুতে ঞাপাম-রপড় এনাকো বির-বুরু মন্ত্রী বিরবাহা হাঁসদা সাঁও। সাঁওতে অ্যাসোসিয়েশন পাহ্টা খন মন্ত্রী লেকাতে বিরবাহা সারহাও হঁকো চাল আদেয়া।
ঞাপাম-রপড় রে মন্ত্রী কো বাডায় অচ কেদেয়া বাংমা পারমেন বেশ কিছু সেরমা মাড়াং খনগে সেচেৎ আর চৗকরি তৗলিকা করে আডি ঢের ভাবতে অ-আদিবাসী কো ঞেল ঞামঃ কানা। অনাতে আশকায়তে সৗরিন আদিবাসী কো আকোওয়াঃ অৗইদারী খন কো নিশড়ৗও অচঃ কানা। নোওয়া মাড়াং পারমেন তুরুই চাঁদো মুদ্রে আয় উমৗন গেল গটাং খনহঁ বৗড়তি জেলারেন ডি.এম. ঠেন ডেপুটেশন তালাতে নোওয়া ইদিকাতে অভিযোগ কো বাডায় অচ আকাৎ কোওয়া। এমন চেৎ অ্যাসোসিয়েশন পাহ্টা খন অনগ্রসর শ্রেনী কল্যান দপ্তর ,মুখিয়ৗমন্ত্রী আর রাজ্যপাল হঁক বাডায় অচ আকাদেয়া। এনহঁ অকালেকাতেহঁ কম ইদি বাং ঞেল আকানা। বরং কলকাতা মিউনিসিপ্যালিটি,পশ্চিমবঙ্গ পুলিশ, নার্সিং আর পাবলিক সার্ভিস কমিশন লেকান কৗমি জায়গা করে এস.টি. তৗলিকা্রে আরহঁ বৗড়তি কায়তে অ-আদিবাসী কোওয়াঃ তৗলিকা ঞেল আকানা। নোওয়াকো আনাট ইদিকাতে অ্যাসোসিয়েশনরেন রৗসিয়ৗকো মন্ত্রী বিরবাহা হাঁসদা ঠাম ঠাম কো আঁজমাদেয়া মেনতে বাডায় আকানা। নোওয়াকো কাথা আঁজম কাতে মৗনতৗনিয়ৗ মন্ত্রী আডি গৗহির মনেতে হাতাও আকাদায় আর নোওয়া ইস্যু ইদিকাতে মন্ত্রী সভা করেহঁ রাকাবায় মেনতে অ্যাসোসিয়েশনরেন রৗসিয়ৗকো কাথায় এমাৎ কোওয়া।
নোওয়া ঞাপাম-রপড় আখড়ারে অ্যাসোসিয়েশন পাহ্টা খন সেটের কো তাঁহেকানা ঝাড়গ্রাম জেলা চাঁগারেন প্রেসিডেন্ট মানতান বৈদনাথ হাঁসদা, সেক্রেটারী মানতান নিরঞ্জন মুরমু, ক্যাশিয়ার রবীন হাঁসদা সাঁওতে জগৎপতি হাঁসদা আর ভগবান মান্ডি গোমকে এমান রৗসিয়ৗকো।
.webp)
