আবোওয়াঃ ডিজিটাল ডেস্ক- জুন চাঁদো দ আদিবাসী সানতাড় কোঠেন গেল বার চাঁদো মুদ্রে মিৎ ঞুম আনাঃ চাঁদো কানা। চেদা বাংমা নোওয়া চাঁদোরেগে বিরৗদৗলি সিধু-কানু আঃ আয়ুরতে ইংরেজ বিরুধরে কিন হুল লেদা। বীরবান্টা কোওয়াঃ হুল আঁদোড় তেগে তেহেঞ ভারত দিশম ফুরগৗল আকানা। আর অনাতেগে তামাম দিশম হড় হুলগৗরিয়ৗ লেকাতে সিধু-কানু কো দিশৗ রুওয়ৗড় কিনৗ ৩০ জুন হুল মাহারে।
৩০ জুন দারায় কানা। আর অনাতেগে সানাম দিশম পাকাড় গে হুল মাহা
রেনাঃ সৗহি-জুহি, সৗত্ সাপ্ড়াও এহব গৎ আকানা। ঠিক অনকান অক্তরেগে দুর্গাপুর বাস
স্ট্যান্ড রেনাঃ ইন্ডিয়ান অয়েল পেট্রোল পাম্প সোর সিধু-কানু তিকিনাঃ মুঠৗন দারে-নৗড়ি-ঝুড়তে
ঢাপো এসেদ রেনাঃ মিৎ চিতৗর ঝালকাও রাকাব্ এনা। নোওয়া চিতৗর ঞেল কাতে আয়মা হড়াঃ কুকলি
রাকাপ আকানা তবে চেৎ গটা বছর গে উনকিন দ অনকা ঝুড় দানাং রেগেকিন তাঁহেনা ? এখেন ৩০
জুন ‘হুল মাহা’ রেগেকো দিশৗ রুওয়ৗড় কিনৗ ? নোওয়া অনহেড়া ঞেলতে ভারত জাকাত মাঝি পারগানা
মহল পছিম্ বর্ধমান জেলা পাহটা খন নংকান ঘটন রেনাঃ কডরায় রড় দারাম আকাদা আর প্রশাসনিয়ৗ
হঁ ধিক্কার এ বাডায় অচয়ে কানা।
বাডায় আকানা বাংমা বাং হৗটিঞ বর্ধমান জেলা, জেলাপরিষদরেন সভাপতি
মানতান দেবু টুডু হতেচ্তে সরকারী কৗউডি খরচ্ কাতে আডি রৗস্কৗ সালাঃ মুঠৗন উঢৗও লেনা।
মেনখান অনাতায়ম খন গে আর মুঠৗন সেচ্ বাংকো কয়ঃ রুওয়ৗড় আকাদা আর অনহেড়া লেকাতে ঞুর
গিডি মেনাঃআ চারোধার মেনতেহঁ মহল অভিযোগ এ রাকাব আকাদা।
নুনৗগে ঞুতুম হালাং রেনাঃ সানা তাঁহে লেনখান অনা জতন-জগাও রেনাঃ
নিৎ চেদাঃ নাসেহঁ দৗয়িত্ বৗনুঃ আন মেনতেহঁ মহলে রড় রাকাব আকাদা। সিধু-কানু সাঁও আদিবাসী
সানতাড় কোওয়াঃ জপড়াও আকান আবেগ লৗইতে নংকান খেলোড বন্দয় লৗগিৎ হঁ ভারত জাকাত মাঝি
পারগানা মহল পছিম্ বর্ধমান জেলা কুমুট পাহটা খন প্রশাসনিয়ৗয় হুঁশিয়ৗর আকাৎ কোওয়া।
অনাবেগর, নঁডে লৗই দহ লৗগ্ কানা নেবেতার আয়মা জায়গারে সিধু-কানু
মুঠৗন রৗপুদ্ রেনাঃহঁ আয়মা চিতৗর ঝালকাও রাকাব কানা। আর অনা মুঠৗন রৗপুৎ রেন কৗয়ধিহঁ
বাংকো পাকড়াওয়ঃ কানা। বাংমা রাজঅৗরি রেনাঃ দলাদলিতেগে কৗয়ধিকো দানাং রেগেকো তাঁহেন
কানা মেনতে আয়মা হড়গেকো রড় আকাদা।
.webp)
