সিঁগি মাহা রেনাঃ সাকাম ‘চেরেচ্ আড়াং’ লেখা- ৪৩

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, বিজয় কিস্কু, ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱨᱟᱢᱞᱟᱞ ᱴᱩᱰᱩ, ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, গাতে টুওয়ৗর, সেঁগেল মারমার, বাড়তাঙ সরেন, সুচাঁদ হাঁসদা, দুগাই টুডু, সনাতন টুডু, বিভূতি ভূষন সরেন, সীতেন মান্ডি, কানন হাঁসদা, হারাধন সরেন।

রিলৗমালা মুরুমু, ক্লাস- IV
জেলা - পুরুলিয়া

বিজয় কিস্কু , ক্লাস -VI
জেলা - পুরুলিয়া

১।।

ᱮᱱᱮᱪ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱢᱟᱡᱽᱦᱤ                    ᱠᱚᱨᱮᱱ
                ᱵᱤᱛᱠᱤᱞ ᱿
ᱮᱱᱮᱪ                           ᱠᱟᱱᱟᱭ
               ᱤᱠᱤᱞᱥᱤᱠᱤᱞ ᱿
ᱵᱟᱭᱟᱨ                         ᱠᱟᱰᱟ
               ᱴᱟᱢᱟᱠᱮ ᱨᱩᱭ ᱿
ᱯᱚᱛᱟᱢᱮ                    ᱪᱷᱟᱭᱚᱢ
               ᱠᱩᱨᱩᱭ ᱠᱩᱨᱩᱭ ᱿
ᱟ:ᱰᱭᱟᱹ                          ᱠᱟᱰᱟ
                ᱟᱸᱰᱟᱨ ᱩᱸᱰᱩᱨ ᱿
ᱛᱤᱸᱜᱩ                              ᱛᱤᱸᱜᱩ
            ᱛᱩᱢᱫᱟᱹᱜ ᱮ ᱨᱩᱭ ᱿
ᱫᱷᱟᱫᱽᱨᱟ                        ᱦᱟᱴᱟᱜ
               ᱴᱟᱴᱟᱜ ᱯᱚᱴᱟᱜ ᱿
ᱨᱩᱨᱩ                               ᱠᱟᱱᱟᱭ
                   ᱨᱟᱦᱟᱲ ᱿
ᱡᱚᱢᱚᱠ                           ᱠᱷᱚᱱᱟᱜ
               ᱡᱚᱢᱟᱠ ᱟᱠᱟᱱ ᱿
ᱠᱟᱥᱤ                             ᱜᱷᱩᱴᱩ
                  ᱟᱦᱟᱨ ᱿

᱿᱿===== ᱛ ======᱿᱿

২।।

ᱡᱟ.ᱯᱩᱫ

ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱵᱟᱨ,ᱯᱮ ᱢᱟᱦᱟᱭ ᱡᱟ.ᱯᱩᱫᱽ
ᱵᱟ.ᱭᱦᱟ.ᱲ ᱟᱲᱮᱭ ᱨᱟ.ᱯᱩᱫᱽ ᱾

ᱜᱟᱰᱟ ᱢᱩᱰᱩᱭ ᱪᱟᱯᱮ
ᱵᱟᱭ ᱵᱩᱡᱟ ᱦᱟᱯᱮ ᱾

ᱰᱟ.ᱲᱠᱟ.,ᱯᱩᱴᱷᱤ ᱦᱟ.ᱠᱩ
ᱫᱟᱜ ᱛᱟᱞᱟ ᱩᱠᱩ ᱾

ᱥᱤᱠᱟ.ᱨᱤᱭᱟ.ᱭ ᱡᱩᱛ ᱜᱷᱟ.ᱴᱤ
ᱴᱚᱨᱚᱰᱟᱝ ᱚᱰᱟᱣ ᱠᱷᱟ.ᱴᱤ ᱾

ᱚᱲᱟᱜ ᱵᱟᱦᱮᱨ ᱪᱟᱛᱚᱢ
ᱦᱚᱲᱢᱚ ᱞᱚᱦᱚᱫ ᱮᱛᱚᱢ ᱾

ᱢᱟᱨᱮ ᱵᱩᱥᱩᱵ ᱚᱲᱟᱜ
ᱵᱷᱤᱛᱟ.ᱨ ᱴᱷᱚᱯ ᱪᱟᱞᱟᱜ ᱾

ᱞᱚᱦᱚᱫ ᱟᱸᱜᱽᱨᱚᱵ,ᱯᱮᱸᱴ
ᱨᱚᱦᱚᱲ ᱵᱟᱭ ᱢᱮᱱ ᱾

ᱵᱷᱤᱰᱤ,ᱢᱮᱨᱚᱢ ᱵᱮᱵᱷᱟᱜ
ᱯᱟᱞᱦᱟ ᱟ.ᱜᱩᱭ ᱥᱮᱵᱟᱜ ᱾

ᱠᱟ.ᱢᱤ ᱟ.ᱜᱩ ᱦᱚᱲ
ᱡᱚᱢᱟᱜ ᱡᱟᱞᱟᱭ ᱨᱚᱲ ᱾

᱿᱿===== ᱛ ======᱿᱿

৩।।

ᱱᱮᱦᱚᱨ ᱡᱚᱦᱟᱨ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

ᱟᱢ ᱜᱮ ᱪᱟᱸᱫᱳ ᱟᱢ ᱜᱮ ᱵᱚᱸᱜᱟ
ᱟᱢ ᱜᱮ ᱢᱟᱨᱟᱝ ᱵᱩᱨᱩ ᱾
ᱟᱢ ᱜᱮ ᱱᱟᱭᱳ ᱟᱢ ᱜᱮ ᱵᱟᱵᱟ
ᱟᱢ ᱜᱮ ᱫᱷᱚᱨᱚᱢ ᱜᱩᱨᱩ ᱿

ᱥᱳᱛᱳᱜ ᱠᱟᱞᱮᱢᱮ ᱢᱤᱫ ᱥᱟᱶᱛᱮ
ᱯᱟᱹᱣᱲᱤ ᱞᱟᱦᱟ ᱨᱮ ᱾
ᱥᱟᱹᱜᱩᱱ ᱯᱟᱹᱣᱲᱤ ᱞᱟᱦᱟᱭᱟᱞᱮ
ᱟᱢᱟᱝ ᱟᱹᱭᱩᱨ ᱛᱮ ᱿

ᱵᱟᱹᱲᱤᱡ ᱵᱤᱨᱩᱫᱽᱨᱮ ᱡᱟᱸᱜᱮᱭᱟᱞᱮ
ᱠᱚᱲᱟᱢ ᱚᱰᱟᱣ ᱟᱞᱮ ᱾
ᱚᱱᱛᱚᱨ ᱛᱟᱞᱟ ᱟᱢᱟᱜ ᱴᱷᱟᱶ
ᱡᱤᱭᱟᱹᱲ ᱫᱚᱦᱚᱭᱟᱞᱮ ᱿

ᱥᱳᱛᱳᱜ ᱠᱟᱞᱮᱢᱮ ᱟᱢ ᱜᱮ ᱵᱟᱵᱟ
ᱟᱢ ᱜᱮ ᱢᱟᱨᱟᱝ ᱵᱩᱨᱩ ᱾
ᱫᱤᱥᱟᱹ ᱮᱢᱟᱞᱮᱢ ᱟᱢ ᱜᱮ ᱵᱟᱵᱟ
ᱟᱢ ᱜᱮ ᱫᱷᱚᱨᱚᱢ ᱜᱩᱨᱩ ᱿

ᱵᱩᱜᱤ ᱠᱟᱹᱢᱤ ᱨᱮᱫᱚ ᱵᱟᱵᱟ
ᱡᱚᱦᱟᱨ ᱢᱟᱨᱟᱝ ᱵᱩᱨᱩ ᱾
ᱵᱟᱹᱲᱤᱡ ᱠᱟᱹᱢᱤ ᱨᱮᱫᱚ ᱵᱟᱵᱟ
ᱤᱠᱟᱹ ᱫᱷᱚᱨᱚᱢ ᱜᱩᱨᱩ ᱿

᱿᱿===== ᱛ ======᱿᱿

৪।।

ᱥᱩᱜᱤ ᱟᱨ ᱥᱤᱠᱟᱹᱨᱤᱭᱟᱹ

ᱨᱟᱢᱞᱟᱞ ᱴᱩᱰᱩ

ᱥᱤᱠᱟᱹᱨᱤᱭᱟᱹ ᱥᱤᱠᱟᱹᱨᱤᱭᱟᱹ
ᱜᱟᱰᱟᱢᱩᱰᱩ ᱥᱟᱸᱜᱷᱟᱨᱤᱭᱟᱹ ,
ᱜᱷᱮᱸᱴ ᱨᱮᱫᱚᱭ ᱪᱮᱞᱮ ᱠᱟᱱ
ᱱᱟᱥᱮ ᱱᱟᱥᱮᱭ ᱞᱟᱲᱟᱜ ᱠᱟᱱ ?
ᱡᱩᱫᱤ ᱥᱟᱹᱨᱤ ᱛᱮᱞᱟᱭᱟᱢ
ᱛᱚᱵᱮᱠᱷᱟᱱᱮᱧ ᱩᱫᱩᱜ ᱼ ᱟᱢ ?
ᱛᱟᱲᱟᱢᱟᱭ ᱡᱚᱛᱚ ᱫᱷᱟᱨᱮ
ᱛᱟᱸᱦᱮᱱᱟᱭ ᱵᱷᱩᱜᱟᱹᱜ ᱠᱚᱨᱮ
ᱜᱮᱞ ᱜᱚᱴᱟᱝ ᱡᱟᱸᱜᱟ ᱛᱟᱭ
ᱪᱩᱯᱤ ᱵᱚᱦᱚᱜ ᱵᱟᱹᱱᱩᱜ ᱛᱟᱭ ,
ᱡᱟᱸᱜᱟ ᱨᱮᱜᱮ ᱛᱚᱞᱮᱭᱟᱠᱚ
ᱨᱟᱯᱟᱜᱮᱠᱚ ᱵᱷᱟᱹᱡᱤᱭᱮᱠᱚ ᱾
ᱞᱟᱹᱭ ᱢᱮᱥᱮ ᱧᱩᱛᱩᱢ ᱛᱟᱭ
ᱪᱮᱞᱮ ᱛᱚᱵᱮ ᱦᱳᱭᱳᱜᱼ ᱟᱭ ?
ᱜᱮᱞ ᱜᱚᱴᱟᱝ ᱡᱟᱸᱜᱟ ᱛᱟᱭ ?
ᱵᱟᱹᱧ ᱵᱟᱰᱟᱭ ᱧᱩᱛᱩᱢ ᱛᱟᱭ ᱾
ᱫᱮᱡᱚᱜ ᱢᱮ ᱛᱚᱵᱮ ᱯᱟᱨᱠᱚᱢ
ᱧᱮᱞᱮ ᱠᱷᱟᱱᱫᱚᱢ "ᱠᱟᱴᱠᱚᱢ" ᱾᱾

᱿᱿===== ᱛ ======᱿᱿

৫।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (᱑᱒)

ᱥᱨᱤᱠᱟᱱᱛᱚ ᱥᱚᱨᱮᱱ

ᱛᱮᱦᱮᱧ ᱫᱚ ᱥᱤᱸᱜᱤ ᱢᱟᱦᱟ᱾ ᱟᱞᱮᱭᱟᱜ ᱵᱤᱫᱫᱟᱜᱟᱲ ᱵᱚᱱᱫᱚ᱾ ᱟᱛᱳᱨᱮᱱ ᱥᱟᱱᱟᱢ ᱜᱟᱛᱮ ᱥᱟᱣ ᱤᱧ ᱧᱟᱯᱟᱢ ᱻᱟ᱾ ᱥᱤᱸᱜᱟ.ᱲ ᱵᱮᱲᱟ ᱨᱮᱰᱤᱳ ᱨᱮ ' ᱢᱤᱨᱩ ᱟᱲᱟᱝ ' ᱟᱠᱷᱲᱟ ᱦᱳᱭᱳᱜ ᱻᱟ᱾ ᱤᱧ ᱫᱚ ᱟᱸᱡᱚᱢ ᱜᱮ ᱥᱟᱱᱟᱧᱟ᱾ ᱚᱱᱚᱲᱦᱮ,ᱠᱩᱫᱩ‌ᱢ, ᱥᱮᱨᱮᱧ, ᱜᱟᱭᱟᱱ ᱮᱢᱟᱱ ᱟ.ᱰᱤ ᱱᱟᱯᱟᱭ ᱦᱳᱭᱳᱜ ᱻᱟ᱾ ᱤᱧ ᱦᱚ ᱚᱱᱟᱨᱮ ᱥᱮᱞᱮᱫ ᱥᱟᱱᱟᱧᱟ᱾

ᱦᱚᱞᱟ ᱠᱷᱚᱱ ᱟᱥᱟᱲ ᱵᱚᱸᱜᱟ ᱯᱟᱲᱟᱶ ᱟᱠᱟᱱᱟ᱾ ᱟᱢᱵᱟᱵᱩᱛᱤ ᱯᱚᱨᱚᱵ ᱫᱟᱨᱟᱭ ᱠᱟᱱᱟ᱾ ᱤᱧ ᱦᱟᱛᱚᱢ-ᱠᱩᱢᱟᱝ ᱛᱟ.ᱠᱤᱱ ᱠᱤᱱ ᱦᱤᱡᱩᱜ ᱻᱟ᱾ ᱩᱱᱠᱤᱱᱟᱜ ᱫᱚ ᱫᱷᱟᱲ ᱫᱤᱥᱚᱢ ᱨᱮᱛᱟ ᱠᱤᱱ ᱚᱲᱟᱜ᱾ ᱚᱱᱟ ᱫᱚ ᱵᱤᱨ ᱫᱤᱥᱚᱢ ᱠᱟᱱᱟ᱾ ᱚᱱᱛᱮ ᱨᱮ ᱛᱮᱨᱮᱞ,ᱛᱟᱨᱚᱵ,ᱵᱷᱳᱸᱰᱨᱳ ᱮᱢᱟᱱ ᱫᱟᱨᱮ ᱢᱮᱱᱟᱜ ᱻᱟ᱾ ᱦᱟᱛᱚᱢ ᱚᱱᱟ ᱠᱚ ᱟ.ᱜᱩᱭ ᱞᱟᱹᱭ. ᱟᱠᱟᱫᱟ᱾ ᱦᱮᱡᱽ ᱞᱮᱱᱠᱷᱟᱱᱮ ᱠᱩᱫᱩᱢ ᱤᱧ ᱟᱸᱡᱚᱢᱟ ᱾ ᱱᱟᱯᱟᱭ-ᱱᱟᱯᱟᱭ ᱥᱮᱨᱮᱧ ᱦᱚᱭ ᱵᱟᱲᱟᱭᱟ᱾ ᱠᱩᱢᱟᱝ ᱫᱚ ᱫᱟᱥᱟᱭ ᱜᱩᱨᱩ᱾

(ᱛᱳᱜᱮ ᱻᱟ)

᱿᱿===== ᱛ ======᱿᱿

৬।।

সিম সৗঁডিয়াঃ ভাঁডান কৗমি

সারি ধরম হাঁসদা

সিম সৗঁডি মা বিয়ল বয়ল
হানতে নাতেয় দাঁড়ান,
সৗরদি মাহায় নেডা আকাৎ
আজ বাবাআঃ ভাঁডান।

অৗওড়ৗ হড়াঃ হাপে কাথা
বায় বাতাওয়া থুকৗম,
অৗতিঞ আটেৎ পাতড়া চেতান
মৗনমি কওয়ায় কুটৗম।

মাঝি কাথায়--হাপে হাপে !
অৗরিচৗলি দ বুড়ৗঃ !
গোডেৎ কাথায়-- অকারে চ
হোয় আকানা হুড়ৗঃ !!

᱿᱿===== ᱛ ======᱿᱿

৭।।

গৗডি

গাতে টুওয়ৗর

জেলেঞ গৗডি রেল গৗডি
                            ঝক - পক - তু
মেড়হেৎ চেতান দৗড়ায় গৗডি
                         হা - দুড় - দুড় -দু ।
বাস মটর পঁক্ পঁক্
                         পিঁচ সড়ক চেতান
সাহার নাগার গেনতে গেতেচ
                    তোঁগেকঃ আ অৗথান ।
দাঃ ভিতির হাকো তায়ান
                         হাদবাদ  হাদবাদ
দাঃ চেতান জাহাজ গৗডি
                     দরয়া তালা খাদবাদ ।
রিমিল চেতান উডৗন গৗডি
                            হয় লেকা চালাঃ
সাঁগিঞ তেহেঞ সুর আকান
                    উইহৗর তেগেম আলাঃ ।
অত চট পাতাল গৗডি
                       লাহাঃ গেতয় মেমেন
সানাম লেকান গৗডি তেহেঞ
                         সসনঃ আঃ এনেম ।

᱿᱿===== ᱛ ======᱿᱿

৮।।

হাঁড়ু

সেঁগেল মারমার

হাঁড়ু হাঁড়ু হাঁড়ু
দনমে চৗড়ুব চৗড়ুব
ডৗর ডৗর রেদ
আলম তাঁহেন হৗড়ুব।

খ্যাঁক খ্যাঁক খ্যাঁক
আলম ইসিড় আঞা
লৗটু লৗটু ডাটা
আলম উদুগ্ আঞা।

এমামাঞ আলু বেঁগাড়
সাবমে টপাটপ
হতদ্ পিপৗ আঁজির
জমমে গপাগপ।

হান্তে নাতেম অৗচুর
হেঁদে হেঁদে মচা
আডি জেলেঞ চাড়বল
উব মা খচা খচা।

হাঁড়ু হাঁড়ু হাঁড়ু
হিজুগ্ মে ইঞ হিরি
ইঞৗগ্ কাথা বাম আঁজম খান
চাপাদ্ মেয়াঞ ধিরি।

᱿᱿===== ᱛ ======᱿᱿

৯।।

লুবুঃ মুচ্

বাড়তাং সরেন

চুগুড় চুঁডুঃ লুবুঃমুচ্ হায়
অকাতেপে সেনঃ
হান্তে নাতে আলো দাঁড়ান
ধিরিতেপে তেনঃ !

বাখোল পিণ্ডৗ আঁদাঃ তাওয়াঃ
চেৎ কোচপে পাঁজায়
লাহা তায়ম তিরয়ো কাতেঃ
একাল দপে ফাঁদায়।

অড়াঃ কচা গচ্ আকানে
মারাং মারাং চাঁপড়ি
উনিগেলে খালে লৗগিৎ
হৗটিঞ আলে ফাঁড়ি।

অকয় দলে গের আকানা
সিমপৗ সাড়াং কাটা
অকয় দলে মাট্ মাটাওয়েৎ
লাসের লাসের ডাটা।

থড়াদলে অরেকানা
থড়া হড় দ ঠেলাও
অকয় কোদ রৗস্কৗ জ্বালা
জিউয়ীলে টল মলাও।

আলে ঞেলতে ঢণ্ডামুচ্ দ
আডিকো ঞির বাড়ায়
জেল কুটি মা জজম লৗগিৎ
ঠণ্টা চাহাপ বাড়ায়।

ঘানে লাহাঃ ঘানেয় তায়ম
রেরেচ লৗগিৎ কুটি
সানাম কোতে গের কেদেলে
সামাং মোচা লুটি।

বৗইরী লাগায় লৗগিৎ সানাম
জুমিৎ আলে আডি
ঢণ্ডামুচ্ দ বতর জ্বালা
দৗড় কেদাকো টাণ্ডি।

᱿᱿===== ᱛ ======᱿᱿

১০।।

সিকড়িচ

সুচাঁদ হাঁসদা

সিকড়িচ মৗই সিকড়িচ মৗই ,
ইঞ দসে আমিচ দৗই ,
তবে চেদাঃ সারা ঞিঁদৗ ,
মায়াং এম জম কেত তিঞৗ ভৗই ৷

সি- পুরুস জুরি পারি ,
চালাও লেনালিঞ পেড়া হিরি ,
ঞেঁলেত মেলিঞ জৗপিত্‌ আকাত্‌ ,
বাম টাঁগাও আকাত্‌ মসারি ৷

উন খানগে ঞাঁমকেত সুসি ,
কেঁড়েচ দঁড়েচ আলিঞদ কুসি ,
মন কুসিলিঞ জেঁবেত এনা ,
বাং কানালিঞ,দুসি ৷

᱿᱿===== ᱛ ======᱿᱿

১১।।

জৗপুৎ দিন

দুগাই টুডু

ঞিদৗ খোনেয় দাঃগে কানা
একাল রডঃ রডঃ,
অনা থেড়ং পেরেচ্‌ আকান
সানাম গাডা সডঃ।

চাসা হপন মাটতে ইদি
ডাংরা কাডা নাহেল,
জৗপুৎ দিনগে ঞেলগে ঞামঃ
দাঃগে চেহেল চেহেল।

মুনিস গৗছি তুদ্‌গে কাতে
খেতরে গেদ দহয়,
পেকে গুংগু কাতেদ্‌ উনরে
বোগে তেকো রহয়।

গিদ্‌রৗ কোদ ডাঁগরি গুপি
দাঃতে হড়ম লহৎ,
গংঘা রকচ্‌ হালাং বাডায়
তাঁহেন আকো জহৎ।

হরগে আদ লসৎ আকান
গাডয়া দাঃগে চাপে,
কৗমি হড়কো আতো রুয়ৗড়
তাড়াম থিয়ে থাপে।

᱿᱿===== ᱛ ======᱿᱿

১২।।

ঝমর জৗড়িরে হপন বিটি

সনাতন টুডু

ইঞদ এনেচ্‌ সানাঞ
ইঞদ সেরেঞ সানাঞ,
ঝিপির জৗড়ি হয় দাঃরে
ইঞদ লহদ সানাঞ।

মেনাঃ কিনৗ ইঞরেন সাদের
সাকাম বৗহু জাঁওয়ায়,
তুপু কিনৗঞ ঝিপির দাঃরে
নাওয়া বৗহু জাঁওয়ায়।

বাবায় হহয় আয়োয় এগের
রৗগি রাকাব তিঞৗ,
ইঞ ছৗড়িজ্‌ নুংকিন মাসে
অকয় তুপু কিনৗ ?

ইঞাঃ আরহঁ মেনাঃ তিঞৗ
টুকুজ্‌ টকাঃ লটা
চিকৗঞ গাসাও ঝমর দাঃরে
আয়োয় কয়গ মটা।

᱿᱿===== ᱛ ======᱿᱿

১৩।।

সিম গুপি

বিভূতি ভূষণ সরেন

ভগলা হাড়াম ' সিমে গুপি '
আসুল আকাৎক অৗডিগে,
মেনাঃ কতায় গুদরী পেরেচ্
যতন কওয়ায় ভৗগিগে।

সেতাঃ সিঁগৗড় ' সিমে গুপি '
উডৗও হিজুঃক পাঝাড়,
সিম হপন বতর জ্বালা
বলনাক মাত গাজাড়।

সিম হপন চুরু চুরু
ঞিদির কক থগাঃক,
অড়াঃ ইদি রিকিড় রেঁহ
জমতে বাংক ভাগাঃক।

মিৎটান দয় তাঁহে কান
হড়ম পুটুর সিম,
রাঁডা রাপাঃ রুঁডৗ মাতো
রঁদড় কেদে তিঞ।।

᱿᱿===== ᱛ ======᱿᱿

১৪।।

কালু

সীতেন মাণ্ডি

আলে রেন সেতা কালু
আডি গেচয় চালু
অড়াঃ দুয়ৗরে পাহারায়া
গটা ঞিদৗয় আঙ্গায়া।।

বৗনুঃ তায়া রাবাং লল
অড়াঃ ভিতৗর বায় বলঃ
হিজুঃ খান ক পেড়া হড়
লাহা তেগে আচ্ গে রড়।।

এমায় খানেম জমায়
দুলৗড়ে খানেম লান্দায়ায়
যাঁহা তেগেম চালাঃ আ
বাম মেতায় রেঁহয় গড় আ।।

বিঞ কিদিঞ কুমড়ু ক
অড়াঃ বায় বল হচ আক
অড়াঃ সুরক হেচ্ লেনখান
ভু --ভুয়-- হহ আম।।

উমের হুয় এনতায় মড়ে
কুমড়ু বাক দাড়েয়ায় এড়ে
অনাতেগে ত গটা ঞিদৗ
সুখ তে জৗপিদ আলে।।

᱿᱿===== ᱛ ======᱿᱿

১৫।।

লান্দা মান্দা

কানন হাঁসদা

আওয়া টাপা,রকরকো
বহোঃ দুনদু লেকা
ভাগুয়া ডিঙ্গৗ,টিয়ৗল টাপাল
চিলিয়া বোকা !
জাটা জাটা, লাটাঃ লাটাঃ
শো ভাগাড় গিদি
অড়া দুয়ৗর,ফাংকা ফাদাড়
বাহের তাহেন গিডি !
টুকুচ চেলাং, কাবরা হেন্দে
গুড়গু ধিরি রিঠৗ
বুসুব সেঞেল, সেকৗও আতে
ইসিন দাম পিঠৗ়
অড়েচ পৗটয়ৗ ,অড়েচ খানতা
থৗরি বৗটি বৗনু
খৗলি মেনা,হাসা টুকুচ
মিৎ গান্ডা রৗনু !
রিঠৗ বহোঃ ,সি কো দাড়ান
আসুল সি লেকা
গৗদুর আতে ফৗদুর আতে
কাথা ——— একাবেকা !
মচা তাম মা,চুলহৗ দুয়ৗর
ডাটাঃ আম্বাস য়ুৎ
ময়লৗ রিঠৗ, হড়মো আমা
চেৎ ,সাবুন এ জুৎ !
খুড়য়া লান্দা, ঞায়াম মান্দা
হড় ক দৗদৗড় কান
ফঙ্কে বৗহুই মেমেন কানা
হিজু কানা বান !
রামাঃ তাম মা ,কুডি টৗমনি
গৗদুর ফৗদুর দেয়া
খেত হাসারে, সিয়ো নাহেল
বাং লাগাঃ এ ———য়া !
মোচা গুচু, কাথা মুচু
রড় সানা ইঞ
রড় দ রড়মে——খৗলি
আম দ ,বোডা বিঞ !
খুড়য়ৗ কানাম, ডিংরৗ কানাম
পুটুর টয়া আম দো
যাহা গে মেনোঃ ,তাহা গে সেনোঃ
বৗনুঃ দাম দো !
আতু টুলা ,চাঁন্দা ভেজা
সুনুম ,সৗবুন কিরিঞ
সাফা সৗফি ,চড়ক চিকৗড়
উনি হড় দো তিহিঞ !

᱿᱿===== ᱛ ======᱿᱿

১৬।।

আষাঢ় বঙ্গা