সুপেন হেম্ব্রম
হোয়, উনি ইঞৗঃ নম্বর রে পোষ্ট মিৎ হাপ্তা তায়ম গে ব্যাঙ্ক ডিউটি চালাঃ অক্তে, জীয়ন বৗতি ইড়িজ এন তায়া রোড রে গৗডি অঘটন তে। বাং পাড়হাও পুরৗও পি.ডি.এফ উনি দিশৗ দিশৗতে ঞিদৗঞ পাড়হাও কেদা। আযোদিয়ৗ বুরু চেতান ঠুড়গৗ গাডা তল কাতে আর মিৎটাং পাওয়ার প্রজেক্ট (TPSP) জাপান সরকার (JICA) এ বেনাও লৗগিদ্। পছিম বাংলা সরকার হঁ বাংমা হেঁ সিবিল কাতে যত-EAI, FOREST CLEARANCE কয় এম সৗত আকাদা।' বনবিতান 'মিটিং হল রে বাংমা ঠাড় গটা আকানা-আযোদিয়ৗ রে পেয়া বল খেল গডা জুত তেয়ার, পেয়া মন্দির মেন দ , মিৎ টাং রাম মন্দির আর বারয়া বিষ্ণুদেবী মন্দির সাঁওতে কুঞ বাঁধ ক লা অচো ক খজ্ কানা আযোদিয়ৗ রেন খেরোওয়াল বয়হা ক। নব্বই টি আতুরেন হড় রৗজি মেনাঃ কোওয়া মেনখান সই দ মেনাঃ আ মোটেই ২১ জন হড়াঃ। ফাইল খন নোওয়া বাডায় কাতে উসৗরৗ আতুতেঞ চালাও এনা তুনখি তলাস। সানাম গে চেৎ হঁ বাং বাডায় গে ক লৗই কেদা।
ইঞ লেকা আর হঁ কোলকাতা খন সৌরভ,সুমন,ইমন,রাকেশ,কৌশিক,সুচিশ্রী সাঁওতে যাদবপুর, কোলকাতা, প্রেসিডেন্সি কলেজ ইউনিভার্সিটি রেন পৗঠুওয়ৗ মৗই বাবুতেক তলাস ক তঁগে কেদা। আযোদিয়ৗ খন নকুল বাস্কে,গুলান মুর্মু,ভাদো মুর্মু,অঘই সরেন,শ্যামসুন্দর মান্ডি,ধীরেন,জমিশ্বর গপড় রেনাঃ তি ক লাহা কেদা। নতে সরকার বির দারে মাঃ এ এহব এনখান বাড়েলহর ,রাঙ্গারেন কিছু হড় রুখৗও কাতে ক তিঁগুয়েনা। বাড়েলহর আতু রেন রবি বেসরা, সুশীল মুর্মু,মনিরাম সরেন সরকার বিরুধ রেক কেস কেদা। এহব এনা দুপুড়ুব ,ভিত্ রেনাঃ কাঁত রে অল। চেদাঃ বাং? ২৩৪-২৯০ হেক্টর এলাকা রেনাঃ সানাম বির দারে উজৗড়ঃ আ, উজৗড়ঃআ জীব-জিয়ৗলী, চেড়েঁ চিপরু, জিন্তি পিপড়ি। বাড়েলহর রাঙ্গা সাঁওতে সুর সুপুর ইরৗল-গেল গটাং আতুরেন হড় এটাঃ অকাসেন চালাঃ হুয়ুঃ তাকোওয়া চেৎ হঁ ডগর বৗনুঃ আ। ঠুড়গৗ গাডা মালটঃ সাঁওতে শালডি ঝারনা, কাঞ আহার, টুরি উলবেডা, জজ উল, শাক গাডা ঝারনা ক হঁ আৎ সৗরিঃ আ।
যা গে হুয়ুঃ কেস নিত ডিভিসেন বেঞ্চ রে ঠাকেৎ মেনাঃ আ। অনা রায় চেতান রেগে উনকু সান্তাড় বয়হা কোওয়াঃ মলং অলং। মেনখান সান্তাড় হুয়কাতে পকেট রে কলম, তিরে মোবাইল, শিখনৗৎ মৗনমী হুয়কাতে চেদাঃ উনকু লৗগিৎ জিওয়ী বায় রাগ তিঞৗ? যাদবপুর, কোলকাতা জেগেৎ বিরদৗগাড় নুকু সুররেয় তিঁগু দাড়েঃ খান সিধু-কানহু-বীরসা দ চেদাঃ থির রেগে ?
সেলিব্রেটি কোওয়াঃ কি নওয়া বাখ্রা তে এনেচ্ সেরেঞ , বৗনুঃ তাকোওয়া? অনলিয়ৗ কোওয়াঃ কলম ডগতে নোওয়া ক গৗরি রাকাব দ কি বাতড় গেয়া? মাচেৎ, ডাক্তার, ইঞ্জিনিয়ার আব নুকুয়াঃ মুহিমরে বীর বুরু বাঞ্চাও কাথাবন রড় লেখান কি সরকারাঃ বিরোধ রেবন রড় গদা? রাজঅৗরি বায়ার ক আঃ কাথা দ বাং মেন গে ভাগেয়া। নিয়ৗটুকুঞ বাডায়া-সান্তাড় হড় দ নিত হঁ রাজঅৗরি তেদ বন লেছরে গেয়া। নিজের সমাজরে রামা ডাটা ক গাবচাওয়া,এটাঃ রেদ ফগড়া হাঁড়ু।
ঠুড়গৗ প্রজেক্ট রুখিয়ৗও লাড়াওনা দ কি আযোদিয়ৗ বুরুরেন হড় সুমুং আঃ? সে বাড়েলহর আতু মত আঃ? ইঞাঃ মেন দ- ন ওয়া লাড়াওনা দ বাং কানা রবি বেসরা হাঃ, বাং কানা সুশীল মনিরামাঃ। ইঞাঃ আমাঃ ঝতকওয়াঃ। আদিম বৗই বৗই তেক লাগায়েৎ বনা-অনা বিরুধ রেনাঃ লৗড়হৗই। আবনাঃ সেরোওয়া, লায় লাকচার, ধরম করমরে হুতি চায়া টেকাও দারাম রেনাঃ লৗড়হৗই।
অনাতে দেলা সানাম ক মিৎ কাতে মিৎ তে মুচৗৎ হোয়াট আ্যপস রেবন অলা- "অরন্য নিধন করে ঠুড়গৗ পাওয়ার প্রজেক্ট চাই না"।
.webp)
