মানতান সাসাপড়াওইচ, আবোওয়াঃ কাথা
সিঁঙ্গিমাহা সাকাম
'চেরেচ আড়াং' তুলৗজখা, লেখা-৪৩
২০ জুন, ২০২১
তুলৗজখা- শ্রী কা ন্ত স রে ন
১। এনেচ
সুবুদিয়ৗ মূর্মূ
মানতান অনলিয়ৗ সুবুদিয়ৗ মূর্মূ, জিয়ৗলি ক আতে নাপায় এনেচ আখড়ায় চৗলু আকাদা - নওয়াদ আডি রৗস্কৗ রেনাঃ কাথা। মেনখান মিৎবার মৗদৗড়িয়ৗ যে লেকা তাড়তে বাংক রু দাড়ে কাওদা অনকাগে মিৎবার নাচনিয়ৗ হঁ তাড় সাঁও বাং ক এনেচ দাড়ে কাওদা।
২। জাপুৎ
গোপেশ্বর মান্ডি
মানতান গোপেশ্বর মান্ডি, বারয়া থারতে ছন্দ গাবান কাতে নাপায় গেয় জৗপুৎ হচ আকাদা। জৗপুৎরে বৗইদ-বৗইহৗড়,হাকো,মেরম-ভিডি আর অড়াঃ- দুওয়ৗর সানাম রেনাঃ দশা নাপায় গেয় গাঃ আকাদা।
৩। নেহর জঁহার
এভেন কুয়লী সরেন
মানতান অনলিয়ৗএভেন কুয়লী সরেন, ' আমগে চাঁন্দো আমগে বঁঙ্গা ' আড়াং তে সিরজনিচ ঠেন বার-পে ধাও এ নেহর আকানা। নুই আঃ নেহর আবোওয়াঃ লুতুররে তাকের লেনখান, জিয়ন ডাহার রে নায়তে- নাপায় তেবন তাড়াম দাড়ে কেয়া।
৪ । সুগী আর শিকৗরিয়ৗ
রামলাল টুডু
মানতান অনলিয়ৗ রামলাল টুডু আঃ, ' সুগী আর শিকৗরিয়ৗ' অনড়হেঁ আডি নাপায়। পাড়হাওরে মিৎটাং তেতাং মেনাঃ আ। নিয়ৗ অনড়হেঁ দ, আডিটাঃ গে কুদুম লেকানাঃ।
৬ । সিম সাঁডিয়াঃ ভাঁডান কৗমি
সারি ধরম হাঁসদা
মানতান অনলিয়ৗ সারি ধরম হাঁসদা, নাপায় ছন্দ গাবান কাতে সিম সাঁডিয়াঃ ভাঁডানে সিরজন আকাদা। নংকান ভাঁডান দ দিশৗঃ গেয়া।
৭। গৗডি
গাতে টুওয়ৗর
গাতে টুওয়ৗর আঃ ' গৗডি ' পাড়হাও কাতে দেজঃ গে সানাও আ। মিৎঠেন আয়মা লেকান গৗডি ঞেল- ঞাম কাতে মনে ক আডি রৗস্কৗ। গাডি হঁ নাপায় ছন্দতেয় দৗড় আকাদা।
৮। হাঁড়ু
সেঁগেল মারমার
মানতান অনলিয়ৗ সেঁগেল মারমার ইচ ' হাঁড়ু ' বাস্তব সাঁও আডিগেয় গাতেয়া। 'হাঁড়ু ' পাড়হাও কাতে গিদরৗ কওয়াঃ মনে রে হাঁড়ু সাঁও ঞাপাম রেনাঃ আশ সিরজৗঃ আ মেনতেঞ মনেয়া।
৯। লুবুঃ মুচ
বাড়তাং সরেন
মানতান অনলিয়ৗ বাড়তাং সরেন, তিরয়ৗউ আকান মুচ লেকা গে ' লুবুঃ মুচ ' এ তিরয়ৗউ আকাদেয়া। ' লুবুঃ মুচ ' রে মুচ লেকান বুরধি গে বেওহার আকানা। পৗঠুওয়া তরব খন আয়মা সারহাও।
১০। সিক্ড়িচ
সুচাঁদ হাঁসদা
মানতান সুচাঁদ হাঁসদা আঃ ' সিকড়িচ ' সিকড়িচ আতে নাপায় ভাবনা ফুটেল আকানা। জাহায় নুই সিক্ড়িচ সাঁও এ ঞাপামা, দিশৗয়ে গেয়ায়। নওয়া অনড়হেঁ দ মানওয়া সুসৗর লেকানাঃ।
১১। জাপুৎ দিন
দুগাই টুডু
মানতান অনলিয়ৗ দুগাই টুডু আঃ ' জৗপুৎ দিন' রে, আতো দিসম রেনাঃ নাপায় সাচারহেৎ ঞেল-ঞাম আকানা। নুই আঃ জৗপুৎ দিন রে, রকচ - গংগহা, ডৗংরি গুপি আর পেকে ঘুগু দ দিশৗঃ গেয়া। জৗনিচ খান নওয়া ক দ গিদরৗ মনে রে ঠাঁও এ ঞাম গেয়া।
১২। ঝমর জৗড়ি রে হমর বিটি
সনাতন টুডু
মানতান অনলিয়ৗ সনাতন টুডু, হমর বিটিয়াঃ মচাতে; গিদরৗ মনে রেনাঃ তেরেল বেলে লেকান হেড়েম অনড়হেঁ এ আড়তি আকাৎবনা। নওয়া ক কাথা পাড়হাও রে, মনে হোয়োঃ আ- হপন বিটিয়াঃ উমের গে জৗনিচ নাপায় তাঁহে কানা।
১৩। সিম গুপি
বিভূতিভূষণ সরেন
মানতান বিভূতিভূষণ সরেন আঃ ' সিম গুপি ' , সাঁওহেৎ আড়া বাগওয়ান রে নাওয়া বাহা লেকায় সাড় এনা। মেনখান সিম গুপিতে ভগলা হাড়ামে ফগলা লেনখান- পৗঠুওয়ৗ ক জৗনিচ ক রৗস্কৗ কঃ আ।
১৪। কালু
সীতেন মান্ডি
সীতেন মান্ডি আঃ ' কালু ' ছন্দতে এতহবঃ কানরেহঁ, বেঙ্গল বাম্পার গে ঞামঃ কানা। নুই ইচ কালু দয় নাপায় গেয়া- মেনখান আর থড়া নাপায় মনে তে উনি সাঁও গাতে লেনখান; ' কালু ' হঁয় নাপায় কঃ আ।
১৫। লান্দা মান্দা
কানন হাঁসদা
মানতান কানন হাঁসদা আঃ ' লান্দা মান্দা ' পাড়হাও কাতে বাম লান্দায় রেহঁ,ফঙ্কে বৗহু আঃ ঞুতুম আঁজম কাতে মান্দা দ ঞাম মেগেয়া। নুই আঃ লান্দা মান্দা রে , সোড়ে দাকা লেকা আয়মা মশলা বেওহার আকানা।
১৬। আষাঢ় বঁগা
হারাধন সরেন
মানতান হারাধন সরেন আঃ ' আষাঢ় বঁগা ' রে রিমিল ঞেল আকানা, দাঃ জৗড়ি আকানা,পুখরি - বৗইদ- বৗইহৗড় চেহেল-চেপেল আকানা,রটে ক রাঃ আকাদা,রকচ-গঙহা-কাটকম ক ওডোক আকানা,উল - কান্ঠাড়- মাদারগম হ বেলে আকানা; মেনখান পৗঠুওয়ৗ ক আষাঢ় বঁগা রে ক লহৎ আকান রেহঁ, উনকুয়াঃ মনে রেনাঃ দাঃ তেতাং দ বাং মেটাও আকানা।
.webp)
