(হুডিঞ মাছা কৗহ্নি)
হুল উমুল
সুপেন হেম্ব্রম
ভারত দিশম ফুরগৗলঃ হিলোঃ গে নাওয়া বেড়া পাহ্ পাহাঃ অক্তে সিরজন সরেনাঃ অড়াঃ রে বাবু সোনা-য় হেচ লেনতে ফুরগৗল গেক ঞুতুম কেদেয়া।
সিরজন গমকে মা মেন গানঃ আ আয়াঃ আধা জীয়ন গে পরাধীন ভারত রে রডচ কচলন খেমাও কাতেয় পারমেন।
আদ আশ কুকমু তায়- ফুরগৗল বেটা দ ফুরগৗল দিশম রে সুখ তে সাঁওয়ার তে দিনে খেমাও আ।
দিশৗ গদায় সিধু,কানহু,চাঁদ ভাইরো আঃ ১৮৫৫ সাল্ রেনাঃ সান্তাড় হুল।
বেটা ফুরগৗল হারাঃ সাঁও সাঁও তে অড়ে অড়পাতে লৗই আদেয়া হুল রেনাঃ নাগাম।
লৗই অক্তে সান্তাড় দ লাসের হাতাং মেনতেগেয় ছৗটিয়ৗর তরা কেৎ কোওয়া।
চেদাঃ বাং? যাঁহারে এটাঃ গাঁতাক রেন হুলগৗরিয়ৗ ক ইংরেজ কোওয়াঃ হারকেৎ শাসেৎ ক আড়িশাৎ তাঁহে,উনকু দ হারকেৎ শাসেৎ থুকুম রেনাঃ ক আঁদোড় লেদা অঁডে সিধু, কানহু তেক দ ইংরেজ ক দিশমরেন বৗইরী মেনতেক ছৗটিয়ৗর লেৎ কোওয়া।
অনাতে উন বিদৗলাঃ সেরেঞ রে রাঁওয়া লেনা- "আঃ দাদা সাব মেসে,কড়াম দাদা অডাও মে/ ভারত দিশম বৗইরী দলাং লাগা বাহের ক"। মেন দ- সান্তাড়াঃ হাতাংরেগে যতখন মাড়াং তে পুষ্টৗও লেনা, ইংরেজ দ দিশম বৗইরী কানা ক মেনতে।
নুকু দ লাগা বাহের গে লাগাঃ আ। নংকান দিশ হুদিশ ফুরগৗল বেটাতায় এম এম কাতে গে মিৎ দিন সিরজন হাড়াম দয় হানাপুরীয়েনা।
ফুরগৗল দয় বৗগিহট আদেয়া। তবে মেন গানঃ আ হির্লৗ অট কাদেয়ায় হুল উমুল গমহেড় রে।
যাঁহা উমুল লাতার রে ভারত রেন তামাম সান্তাড় বির,বুরু,অত,হাসারেনাঃ আইদৗর রে আকোওয়াঃ রাজ তাঁহেনা। আদিবাসী ক বিনৗ বুঝ মত তে হাসা খন বাংকো লাগা দাড়ে আকোওয়া।
অনা গমহেড় উমুল লাতার রে জানাম পৗরশী আয়ো আড়াং তে ঠাম্ ঠাম্ ক অল পড়হনা।
নোওয়া কুকমু গে ত তাঁহে কানা বাবা তিলকৗ,সিধু,কানু,ফুলো, ঝানো তেকোওয়াঃ। ফুরগৗল হঁ বাপলা গিদৗর ,পিদৗর ,বালা-শাখা কাতে নিত গড়ম কড়া,গড়ম কুড়ি এমন চেৎ দৗইবুড়ি দাদাহাড়াম ক আতে নিত হঁ অনাক আইদৗর তিসলে ঞামা? তিসলে ঞামা? কুকলি আতে গে মেনায়া।
নিত ফুরগৗলাঃ উমের তিনৗ? অনা কুকলি দ দিশম হড়ঠেন গে তাঁহেয়েনা।
ইঞ দ বরং ফুরগৗলাঃ হুলৗস ভাঁগাঃ রেনাঃ কাথাকগেঞ লৗইয়ৗ। ফুরগৗল মেৎ সামাং রে নে-ধৗবিচ তে তিনৗ রাজ অৗরি মৗচি বদলঃ এ ঞেল কেদা, মেন খান আবনাঃ রসা-দশা বদলঃ দ নিত হঁ বায় ঞেল ঞাম লেদা।
আব তালারেগে ধরম বাখরা এপের হেঁডেৎ,পৗরশী বাখরা ভেপেগেৎ, সেরোওয়া, আরিচৗলি, লায়-লাগচার ঝত অকালেকাচং নাসাঃ লেকাগেয় বুঝৗও এদা।
লুতুর রে দং, লাঁগড়ে, বাহা, সহরায় রু কহঁ হয়াং হয়াং গেয় আটকার এদা।
জুমিদ বদলতে হিরিচ পৗসিরঃ চিতৗর গে ডাগ্ ডাগাও আয় কানা।
বহঃ চেতান রেনাঃ হুল উমুল হঁ সাহাঃ কান লেকায় বুঝৗও এদা।
আবো মুদ্রেগে রেপেচ-রেপেচ্তে আর ক-ক রেচ্ চাবায়েৎ
বনা। অনাতেগে তেহেঞ ফুরগৗল
ছাট্ পাটাঃ কানায় হুল উমুল রেনাঃ টাটোওয়াস তে…..।
.webp)
