হুল মাহারে হুল গিরৗ- সারজম ঢৗউরৗ আর মিৎটাং রড়দারাম
যুগ জিয়ন মুরমু
তেহেঞ ৩০ জুন ‘হুলমাহা’। তামাম আদিবাসী সানতাড় কোঠেন মিৎ উনুইহৗর
মাহা। বছর রেনাঃ মিৎ ঞুম আনাঃ মাহা। যাঁহা মাহা দ গে-শায় গে-শায় বিরৗদৗলি কোওয়াঃ লল
মায়াং চুনচির ওডোক লেন তালাতে হেচ্ আকানা। যাঁহারেন লৗউড়িয়ৗ দকিন তাঁহেকানা সিধু-কানু।
অনাতেগে তেহেঞ হঁ আদিবাসী সানতাড় কো তালারে নোওয়া মাহা মানাও হিজুঃ কানা। হাপেন হঁ
মানাওয়ঃআ। ফুরগৗল লৗড়হৗইরেন সানাম বিরৗদৗলি কো উইহৗরেৎ কোওয়া আর হুলসৗই জোহার কো চাল
আকো কানা। আর রাকাব হিজুঃ কানা নাওয়া নাওয়া দিশৗ, নাওয়া গারতে আরহঁ হুল রেনাঃ কাথা।
নাগাম খন বাডায় আকানা আদিবাসী কোওয়াঃ নাহাচার সাহাও রেনাঃ কাথা।
নিত্ ইংরেজ শাসনিয়ৗ নোওয়া দিশমরে বৗনুঃ আকাৎ কোওয়া। এনহঁ আদিবাসী কো চেতান আয়মা সেনতে
নিশড়ৗও লেকান নিরঘিন ঘটন নেট দুনিয়ৗরে ঝালকাও রাকাব গেয়া। কুকলি হঁ রাকাব গেয়া ঘানে
ঘানে। তেলা দ বৗনু আন। সলহে রেনাঃ কাথা তিসহঁ উচ্রৗড় বাং আঁজম আকানা। হাপেন হঁ উচ্রৗড়ঃ
আ সে বাং বাডায় বৗনুঃ আন। তবে চেৎ নিশড়ৗও আর নাহাচার সাহাও লৗগিৎ গে ওনকোওয়াঃ জানাম
তাকো নোওয়া ধৗরতি পুরিরে। সাহাও রেনাঃহঁ বাংমা মিৎ টাং সীমা মেনাঃআ। তেহেঞ লৗই গানঃ
আ অনা সীমাহঁ সিমপৗসাড়েয়াকানা। এনহঁ আদিবাসী কো চেৎ লেকা মেনাঃ কোওয়া অনা ঞেঞেল আর
হড় হঁ বৗনুঃ কোওয়া।
অনাতেগে তেহেঞ আঃ মাহারে গে সানাম হুল মাহা আখড়া খন দশার হুল
লৗগিৎ সাপড়াও এহবঃ মা। হুল গিরৗ পাশনাওয়ঃ মা টলা-পাড়া খন দিশম দিশম। আসেনঃমা সারজম
ঢৗউরৗ আতো-অড়াঃ খন শাহার বাজার। রড় দারাম অচওয়ান আদিবাসী বিরুধরে হোয়োঃ কান কৗমি করে।
তেহেঞ ঞেলঃ কানা ইস্কুল, কলেজ, ইউনিভার্সিটি এমন চেৎ চৗকরি
করেহঁ আয়মা অ-আদিবাসী কো ফেক সার্টিফিকেট হাতাও কাতে আদিবাসী কোওয়াঃ জোড়ো কো লচা হাতাও
এদা। হুল অচওয়ান তেহেঞ অনা ফেক সার্টিফিকেট বিরুধরে।
আদিবাসী কোওয়াঃ দাঃ-হাসা-ভাষা বিরুদ্রে যাঁহায় কো কো কৗমি
কান উনকু বিরুদ্রেহঁ সারজম ঢৗউরৗ আসেনঃমা। যাঁহারে হিনৗ-নিয়ৗ নাংসা কাতে আদিবাসী কো
লাগা ডিগলৗও অচোঃকান অডেহঁ হুল গিরৗ সেটেরঃমা।
যাঁহারে সানতাড়ি পৗরশি অলচিকিতে অলঃপাড়হাও ঞুম কাতে ছিনিমিনি
এনেচ্ হোয়োঃ কান অঁডেহঁ রড় দারাম হোয় অচওয়ান। যাঁহারে নিৎহঁ সানতাড়ি মিডিয়াম ইস্কুল
করে সানতাড়ি পৗরশি বাডায়ান মাচেৎ বাংকো হাতাওয়ঃ কানা অঁডেহঁ হুল সেটেরঃমা।
যাঁহায় কো আদিবাসী নেতা,মন্ত্রী,এম.এল.এ,এম.পি. হুয় কাতে আদিবাসী
কোওয়াঃ যাঁহান কৗমিরে গড় বাকো এমঃ কানা ওনকো বিরুদরে হঁ রড়দারাম হুদ্গৗও রাকাব মা।
যাঁহায় রাজআরি নেতা গে সানতাড় কো তালারে হাপাটিঞ রেনাঃ এ রিকৗয়ৗ উনি বিরুধরেহঁ হুল
গিরৗ সেটেরঃমা
যাঁহারে নিৎহঁ ডৗন ঞুম কাতে তিরলৗ চেতানরে নাহাচার চালাঃ কানা
অঁডেহঁ সারজম ঢৗউরৗ সেটের অচওয়ান। যাঁহারে তিরলৗ চেতান ভরম নাশাও লেকান নিরঘিন কৗমি
কো কৗমিয়েদা ওনকো বিরুধরেহঁ হুল সেঁগেল জোলোঃমা। তবে আনিচ্ হুলমাহা মানাও রেনাঃ যথাৎ
রূপ এ ঞামা। আর বাংখান ‘হুলমাহা’ দ হুলপরব মেনতেগে লেখাঃআ যুগ যুগ।
.webp)
