(হুডিঞ মাছা কৗহ্নি)
তি থায়ো
বাবলু সরেন
চালাওয়েন সেরমা তেহেঞ দিনগে সাঁঙ্গাত কুড়িদ সিমলে ফোন আদে তাঁহে আরে মেতাদে তাঁহে - গাপা আলেঠেন হুল মাহা লাসাড়হেৎতে এনেচ, সেরেঞ ,অঁনড়হেঁ ,গায়ান হেপরাও আর দিন বেড়ারে গিদরৗ কওয়াঃ খেলোড হেপরাও এমানতেয়াঃ হুয়ুঃকানা হিজুঃ মেগে, হোয়সে।
সিমলহঁ হুল মাহা হিলোঃ এ সেটের এনা সেতাঃ সেতাঃ। ঞিদৗ বেড়া কিদুব দাকা জম কাতে পৗটয়ৗ হবর কাতে সেটের এনাক গায়ান টৗন্ডিতে। অনড়হেঁ হেপরাও তায়ম এহব এনা এনেচ (ডান্স) হেপোরাও বার পে হড় তায়মগে মাইকতে সাঁঙ্গাত কুড়িয়াঃ ঞুতুমক হহকেদা। চালাওএনায় স্টেজ চেতানতে।
ঝিলিক-ঝালাক বৗতি। পালসা পোলসোয় ঞেলঃ কানা।
উদুঃ কেদায় এনেচ লাড়াওএনা স্টেজ। রৗস্কৗ
ঞাম আকাৎ ঞেঞেলিয়ৗ কওয়াঃ তি থায়োতে আন্দোড় এনা গায়ান টৗন্ডি মিৎ ঘৗড়িচ্। সাঁঙ্গাত কুড়িদ রুওয়ৗড় হেচ্ কাতেঃ সিমলে কুলি কেদেয়া চেলে চেৎ লেকা হুয় এনা ? ইঞৗ এনেচদম কুসি আদাসে বাং ? সিমলে মেনকেদা কুসিদঞ কুসি আদা মেনখান আর-ক লেকা
তি-দ বৗঞ থায়ো লেদা। সাঁঙ্গাত কুড়িয় মেনকেদা - চেদাঃ ? সিমলে মেন কেদা নংকা বাং এনেচ্
কাতেঃ আমদ যুদি মিৎ টাংগান হুল লৗইতে অঁনড়হেঁ বাংখান সেরেঞ গেম সেরেঞ
কেয়া তবেখান অকয়হঁ তি বাংক থায়ো আম কেরেহঁ ইঞ দঞ থায়ো আম কেগেয়া।
.webp)
