আবোওয়াঃ ডিজিটাল ডেস্ক- পারমেন হলা ২১ জুন পছিম মেদিনীপুর জেলা বুগড়ী-২ নং জোগার ডাঙ্গারেন দিশুওয়ৗঃ মচা খন রবীন টুডু গো ব্যাক, রবীন টুডু দূর হাটাও স্লোগান রাকাব হেচ্ এনা।
বাডায় আকানা মিৎ অক্তে জাঁহায় মানতান রবিন টুডু আঃ হহতে গেশায় গেশায় আদিবাসী সানতাড় দাঃ দাকা জম বৗগি গিডি কাতে তাওয়াঃ তারক কো ঞির সুরঃ কান তাঁহেনা, জাঁহায়া কাথাতে ভারত জাকাত মাঝি পারগানা মহল সাঁওতা তালারে মিৎ হুলৗ চামকাও এ সিরজৗও লেদা, জাঁহায়া ঞুতুম তে দিনৗম খবর পাথামরে খবরঃ কান তাঁহেকানা, জাঁহায়া ঞুতুম আঁজম লেখান অ-আদিবাসী কো তালারেহঁ অকা লেকা চং এৎকা শিকিড় অটাং গৎ লেনা, জাঁহায় খৗতির রেল গৗডি, মটর গৗডি ্রেনাঃ চাকা তিঁগু আর তিঁগুগে তাঁহে কানা, জাঁহায় খৗতির দিশম হড় রেঁগেচ্ রাবাং সিতুং জৗপুদ্ দেয়া কাতে আকোওয়াঃ হক্-আইদৗর ঞাম লৗগিৎ লৗড়হৗই আঁদোড় রেকো সেলেদ্ লেনা। মেনখান তেহেঞ এমন চেৎ চিকৗয়েনা জাঁহা খৗতির দিশুওয়ৗ আঃ মচা খন রবীন টুডু গো ব্যাক, রবীন টুডু দূর হাটাও স্লোগান আঁজম হোয় এন তায়া।
শোস্যাল মিডিয়ারে মিৎ ভাইরাল আকান ভিডিয়ো খন বাডায় আকানা বাংমা পছিম মেদিনীপুর জেলা বুগড়ি মুলুক-২ রেনাঃ ১০ নং জোগার ডাঙ্গা পীড় রে নরেন সরেন ঞুতুমান মিৎ ST সেল রেন কৗমিয়ৗ লৗইতে বা-বার ধাও ওকো ওকোতে প্যারালাল পারগানা মহল বেনাও রাকাব রেনাঃ কো গাপাল মারাও আকানা অঁডেরেন জব কার্ড নেতা কো সাঁও। বাংমা হলা ২১ জুন ওনকো নেতা সাঁও গাতে কাতে রবীন টুডু ১০ নং জোগার ডাঙ্গারে পীড় বেনাও রাকাব রেনাঃ এ রিকৗ লেদা। আর নোওয়া কাথা সার সাদ্লেয়েন তায়ম গে এলাকারেন সানাম হড় ঞির অডোক কাতে রবীন টুডু ঞুতুম তে গো ব্যাক স্লোগান মেমেন কো ধুরৗও এনা ।
অনা ভিডিয়ো রে আঁজম আকানা বাংমা ১০নং পীড় বেনাও রাকাপ হোয় আকান রেহঁ চেদাঃ দহড়া তে রবীন টুডু পীড় এ বেনাও লৗগিদঃ কানা? নংকান কুকলি কো রাকাব আকানা। নঁডে চেদাঃ এ হেচ্ আকানা অনারেনা তেলারেহঁ সদর আকানা বাংমা রাজআরি খৗতির গে নঁডে সেটের তায়। উনরে কুকলি রাকাব আকানা এনখান মহলাঃ চির নঁডে চেদাঃ হিপিড়ঃ কানা ? নংকান লেকা আয়মা কুকলি গে তেহেঞ রবীন টুডু লৗইতে দিশম হড়াঃ মচারে তাওয়াঃ তারকঃ কানা। অনা ভিডিয়ো রেগে আয়মা হড়াঃ মচা খনগে আঁজম আকানা বাংমা নংকা কাতেগে রবীন টুডু সানতাড় কো তালারে হাপাটিঞ রেনাঃ এ রিকৗয় এদা। অঁডে আয়মা হড়াঃ মচারে আঁজম আকানা বাংমা রাজআরি খৗতির তে হেচ্ আকান খান আকোওয়াঃ চেৎহঁ মেমেন রেনাঃ বৗনুঃ আকাদা, মেনখান রাজআরি ঞুম কাতে সাঁওতা আরি রেয়াঃ এ কৗমিয়ৗ অনাদ আদিবাসী সানতাড় তিসহঁ বাংকো বাতাও আ, তিসহঁ বাংকো সাহাও আ।
.webp)
