সিঁগি মাহা রেনাঃ সাকাম “চেরেচ্ আড়াং” চেতান মানতান শ্রীকান্ত সরেন গোম্কেয়াঃ তুলৗজখা-

মানতান সাসাপড়াওইচ, আবোওয়াঃ কাথা
সিঁঙ্গিমাহা রেনাঃ সাকাম 'চেরেচ আড়াং'- লেখা-৩৭
৯মে, ২০২১

তুলৗজখা- শ্রী কা ন্ত স রে ন

১। দারায়
 সুবুদিয়া মূর্মূ

ধৗরতীরে নংকান মিৎবার জিনিস মেনাঃ আ, জাঁহা কদ অক্ত হোয় লেনখানগে দারায়-আ। আর সিঞ চাঁন্দো ঞিদৗ  চাঁন্দো সাঁও সৗগৗই মেনাঃ আ ,নংকান মিৎবার হড় হক দারায়ঃ-আ। নংকান কাথা মানতান অনলিয়ৗ সুবুদিয়া মূর্মূ গমকে আয়াঃ ' দারায়' রেয় লৗই আকাদা।

২।  লাহাঃ
গোপেশ্বর মান্ডি

জিয়নরে বৗড়িজ কদ লাহা-লাহাগে হিজুঃ আ আর অনা সাহা লেখান গে নাপায়াঃ হিজুঃ আ। নওয়া করেনাঃ নমুনা লেকাতে,ঞুতৗত-মারশাল,দুক-সুখ,রেঙ্গেজ আর লাজ ভাতাও কাথা ক লৗই গানঃ আ। নংকান ভাবনা আতে মানতান অনলিয়ৗ গোপেশ্বর মান্ডি গমকে,লাহাতে জাঁহা হিজুঃ আ (বৗড়িজ) , অনাক সাহারেনাঃ কাথায় লৗই আকাদা। বারয়া থারতে ছন্দ গাবান কাতে,মিৎ নাপায় কৗরিগরাঃ কৗমিয় কৗমি আকাদা।

৩।  গিদরৗ বৗউলী
 এভেন কুয়লী সরেন

গড়ম বুড়হি কওয়াঃ দুলৗড় দ জায়জুগ হেড়েম গেয়া। মানতান এভেন কুয়লী সরেন,উনকু গড়ম বুড়হি কওয়াঃ চঃ চেরেচ কাঁথা; কাসা-হেড়েম লেকায় আড়তি আকাৎবনা। ছন্দ ক আর থড়া নাপায় ঞঃ ভাবনা লেখান,আমাঃ বৗউলী আরহঁ হেড়েমঃ আ।

৪। আলে বাবু
 সাগুন হেমব্রম

সাগুন হেমব্রম ইচ আলে বাবু,কাবাকুবু কাতে কাবাকুবু রেগে মেনায়া। কাবাকুবু কাতে ফুটবলার লেকায় দৗড়বাড়া লেখান,হড়াঃ মেৎ-মনেয় আৎকির কেয়া।

৫।  আরদাশ
  বাড়তাং সরেন

মানতান বাড়তাং সরেন,হুডিঞ কওয়াঃ মচা তালাতে মারাং কঠেন নাপায় আরদাশে দহ আকাদা। নওয়া আরদাশ মঞ্জুর লেনখান,গিদরৗ ক বাহা লেকা ক সাড় কঃ আ।

নওয়া ' আরদাশ ' দ নাপায় ভাবনারেনাঃ মিৎটাং নাপায় অনড়হেঁ।

৭।  তিস
 সাকম সরেন

সাকম সরেন তাঁঙ্গি আকাদায়,তিস জারাল-জারাল সিতোং খন বাঞ্চাও লৗগিৎ উমুল হিজুঃ আ আর উদগৗর দাঃ বাং জ-র কাতে ঝমর জৗড়ি জরঃ আ। হুডিঞ মাছা অনড়হেঁ তে,মিৎবার নাপায় মনেরেনাঃ কাথা নওয়ারে সদর আকানা।

৮।  টরডাং
রামলাল টুডু

মানতান রামলাল টুডু আঃ ' টরডাং ' রে, টরডাং আঃ লৗকতি কাথা আডি নাপায় ঝৗলি আকানা। ছন্দ বেনাও লৗগিৎ টরডাংরে , হাকো-কাটকম লেকা নাপায়-নাপায় শাবাদ কঁহ ঝৗলি আকানা।

৯।  বোয়াড়াঃ বাপলা
          সেঁঙ্গেল মারমার

মানতান সেঁঙ্গেল মারমার, ' বোয়াড়াঃ বাপলা ' রে আডি ভালে জম-ঞু রেনাঃ এ বেবস্তা আকাদা। মাদোড়িয়ৗ আর নাচোনিয়ৗ কঁহ,ছন্দ তালাতে নাপায় ক রৗস্কৗ আকাদা। মেনখান ' ... বাপলা' রে মাঝিবাবা আর দিসম পারগানা হঁ নেঁওতাকিন ঞাম লেখান, আরহঁ রৗস্কৗ ঞাম কঃ আ।

১০।  চুটয়ৗ-গুডু
          দুগাই টুডু

মানতান অনলিয়ৗ দুগাই টুডু, চুটয়ৗ-গুডু আঃ স্বরগ সুক লেকান ঘারঞ্জ এ ঞেল ঞাম আকাদা। নুইরেন চুটয়ৗ-গুডু দ দিনৗম গেক কৗমিয়ৗ,আখির লৗগিৎ ক বাঁন্দিয়ৗ,কৗমি লাঁঙ্গা ক জিরাঃ আ আর বৗইরী খন সতর ক তাঁহেনা। অনা সাঁওতে ফৗগুন রেনাঃ হিসিৎ হয় ক হড়মরে ভিজৗও কাতে,গুলৗচ বাহা আতে জুরী সাঁও ঞাপাম দ একাল বাং ক হিড়িঞা। উইহৗর-ভাবনা আর ভাবনা কাতেম ঞেল লেখান,নওয়া অনড়হেঁ দ সাঁওহেৎ বাগওয়ান রেনাঃ মিৎটাং নাপায় বাহা।

১১।  কুকমুতে

       সনাতন টুডু

মানতান অনলিয়ৗ সনাতন টুডু ইচ্‌ গড়ম হাড়াম,পারকমরে জৗপিৎ কাতে আডি নাপায় এ কুকমু আকাদা। আর পারকম খন ঞুরহৗ কাতে আরহঁ আডি নাপায়ে কৗমি আকাদা। কুকমুতে আরহঁ নাপায় নাপায়ে কৗমি লেখান,সাঁওতা আনাট সাহাঃ আ।