অনলাইন তালাতে বিন গনংতে হড়ম আর তিকিছা রেনাঃ পরামেশ এম লেকান হাহাড়া আঁগিভার এ গঃ কেদা ওয়েস্ট বেঙ্গল আদিবাসী ডক্টরস অ্যাসোসিয়েশন

আবোওয়াঃ ওয়েব পেজ-  চালাঃ কান অক্তে দিশম-ধৗরতি জাকাত কোভিড আজারতে মৗনমি মনেরে রৗস্কৗ     রৗপুদ্‌ কাতে ছিং ছৗতুরঃ কানা। পাতা-পরব, লায়-লেকচার লেকান আয়মা আখড়া গে মিৎ মিৎতে হৗপিদ্‌ তাঁহেন কানা। সানাম অড়াঃরে লেকাগে মিৎটাং–বারয়া রুগি আতে অড়াঃ হড়াঃ মেৎরে জৗপিৎ বৗনুঃ আন। গটা পাকাড় গে নিৎ জিউয়ি বাঞ্চাও রেনাঃ মিৎ লৗড়হৗই চালাঃ কানা। নঁতে আরহঁ খবর সাকাম করে অক্সিজেন অভাবতে রুগি গচ্‌ রেনাঃ খবর ঘানে ঘানে ঝালকাও রাকাব্‌ কানা। আরহঁ নৗই দাঃরে গচ্‌ হড়ম আতু চালাঃ কানা ডম্‌ক ডবল। নোওয়াকো চিতৗর ঞেল কাতে দিশম হড় নিৎ ধুঁধ্‌ গেকো ঞেল এদা। নংকান মুহিম অক্তরে হড়াঃ মনেরে নাসেনাঃ হলও মার্শাল আহলায় উদুঃ কেদা ওয়েস্ট বেঙ্গল আদিবাসী ডক্টরস অ্যাসোসিয়েশন।

বাডায় আকানা নিৎ কোভিড আওহালরে কোভিড বেগরহঁ আয়মা রুগি মেনাঃ কোওয়া যাঁহায় কদ আরহঁ এটাঃ এটাঃ রোগ-আজার তেকো লুহু জৗরি আকানা। হাসপাতাল, নার্সিংহোম এমান তিকিছা তালমা করেহঁ নংকান রুগি ভুরতি বাংকো হাতাও এদ্‌ কোওয়া। এনখান নংকান সাধারন হড় তিকিছা লৗগিৎ আর অকাকো চালাঃ আ। নংকান অক্ত অকয় নাপায় পরামেশ এ এমা কোওয়া। বাডায়ঃ কানা আয়মা কোভিড বাং রুগিহঁ নিৎ নোওয়া কোভিড আওহাল খৗতির যথাৎ তিকিছা অভাবতে বাং রুওয়ৗড় হিজুঃ দিশম সেন কো মঁহডাঃ কানা।

ওয়েস্ট বেঙ্গল আদিবাসী ডক্টরস অ্যাসোসিয়েশন পাহ্‌টা খন বাডায় আকানা বাংমা হাপ্‌তা রেনাঃ এয়ায় মাহাগে রুগি লৗগিৎ সার্ভিস কো চালু দহ আকাদা। বাডায় আকানা কোভিড বেগরহঁ আর আর রুওয়ৗ-হাসো, যাঁহান আজার, হড়ম রেনাঃ আনাট, হামাল হড়ম এঁগাত্‌ কো লৗগিৎ, কৗটিচ্‌ গিদ্‌রৗ লৗইতে, ডাটা তিকিছা এমান ইদিকাতে ডাকতার বাবু কো সাঁও অক্ত মাছা ফোনতে আর বাংখান হোয়াটস্‌এপ তালাতে রপড় গানঃআ। বাডায় আকানা ডক্টরস অ্যাসোসিয়েশন আঃ তালিকারে যাঁহা যাঁহা মাহারে যাঁহায় যাঁহায় ডাকতার বাবুকো তাঁহেনা ওনকো কো মুদ্‌রেগে রপড় হোয়োঃ আ। কোভিড ইদিকাতে একলা একলা বুঝৗও সে মনরে বেশ বাং বুঝৗও রেহঁ ডাকতার বাবুকো সাঁও রপড় গানোঃ আ।

নংকান মুহিম অক্তরে ওয়েস্ট বেঙ্গল আদিবাসী ডক্টরস অ্যাসোসিয়েশন রেন সানাম ডাকতার বাবু তাকোওয়া নংকান বিন গনংতে গড় এম আর নুনৗ হামাল আঁগিভার গঃ ভৗরিয়ৗদ সানাম হড় ঠেন গে আডি সারহাওনা কান গেয়া। অনাতে আয়মা হড়গে ওয়েস্ট বেঙ্গল আদিবাসী ডক্টরস অ্যাসোসিয়েশন রেন সানাম ডাকতার বাবুকো সারহাও কো চাল আকাৎ কোওয়া।

ওয়েস্ট বেঙ্গল আদিবাসী ডক্টরস অ্যাসোসিয়েশন রেনাঃ তালিকা নঁডে ঞেল তাবোন পে - View List Of West Bengal Adibasi Doctor's Association