সিঁগি মাহা রেনাঃ সাকাম ‘চেরেচ্ আড়াং’ লেখা-৩৭

 

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  সুজয় কুমার টুডু, রিলৗমালা মুরমু, বিজয় কিস্কু, ᱥᱩᱵᱩᱫᱤᱭᱟ. ᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱟ.ᱜᱩᱱ ᱦᱮᱢᱨᱚᱢ, ᱥᱨᱤᱠᱟᱱᱛᱚ ᱥᱚᱨᱮᱱ,  বাড়তাঙ সরেন, সাকম সরেন, রামলাল টুডু,  সেঁগেল মারমার, দুগাই টুডু, সনাতন টুডু ।

সুজয় কুমার টুডু, ক্লাস- II
জেলা - পশ্চিম মেদিনীপুর

রিলৗমালা মুরুমু, ক্লাস- IV
জেলা - পুরুলিয়া

বিজয় কিস্কু , ক্লাস -VII

জেলা - পুরুলিয়া

১।।

ᱫᱟᱨᱟᱭ

   ᱥᱩᱵᱩᱫᱤᱭᱟ. ᱢᱩᱨᱢᱩ

ᱨᱮᱨᱮᱧ ᱢᱟᱠᱚ ᱨᱟᱨᱟᱜ ᱠᱟᱱ
ᱢᱩᱨᱩᱫ ᱦᱚᱸᱪᱚᱝ  ᱜᱟᱡᱟᱲᱚᱜ ᱠᱟᱱ
ᱜᱟᱹᱰᱟᱹᱭᱟᱹ ᱫᱟᱜᱫᱚ  ᱟᱸᱡᱮᱫᱚᱜ ᱠᱟᱱ
ᱥᱤᱛᱩᱝ ᱫᱤᱱᱫᱚ ᱫᱟᱨᱟᱭ ᱠᱟᱱ ᱿

ᱞᱟᱛᱟᱨ ᱵᱟᱹᱭᱦᱟᱹᱲ ᱛᱟᱲᱟᱢ ᱦᱚᱨ
ᱨᱩᱣᱟᱹᱲ ᱠᱟᱱᱠᱚ ᱦᱟᱴ ᱦᱚᱲ
ᱥᱟᱱᱟᱢ ᱜᱮᱛᱚᱠᱚ ᱡᱚᱲ ᱡᱚᱲ
ᱠᱮᱱᱮ ᱠᱚᱛᱮ ᱫᱚᱢᱮᱠᱚ ᱨᱚᱲ ᱿

ᱦᱮᱸᱫᱮ ᱨᱤᱢᱤᱞ ᱥᱮᱨᱢᱟ ᱡᱚᱯᱚᱜ
ᱥᱟᱱᱟᱢ ᱠᱚᱠᱚ ᱠᱚᱭᱚᱜ ᱠᱚᱯᱚᱭᱚᱜ
ᱦᱚᱭ ᱵᱷᱟᱹᱨᱰᱩ ᱫᱟᱜᱫᱚ ᱚᱨᱟᱭ
ᱦᱚᱭ ᱢᱮᱥᱟ ᱦᱚᱭᱫᱟᱜ ᱫᱟᱨᱟᱭ ᱿

ᱵᱮᱲᱟᱭ ᱟᱠᱷᱮᱨᱚᱜ ᱟᱦᱽᱞᱟ ᱦᱟᱣᱮᱫᱚᱜ
ᱪᱮᱸᱬᱮ  ᱪᱤᱯᱽᱨᱩᱫ ᱰᱮᱨᱟᱠᱚ ᱨᱩᱣᱟᱹᱲᱚᱜ
ᱩᱥᱩᱞ ᱵᱩᱨᱩᱠᱚ ᱫᱩᱢᱦᱮ ᱦᱟᱹᱯᱤᱠᱚᱜ
ᱵᱟ.ᱭ ᱵᱟ.ᱭᱛᱮ ᱧᱩᱛᱟᱹᱛ ᱫᱟᱨᱟᱭᱚᱜ ᱿

---------====== ᱛ ======---------

২।।

ᱞᱟᱦᱟᱭ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱚᱡᱽᱨᱟ ᱛᱟᱸᱦᱮ ᱟᱡᱟᱨ ᱞᱟᱦᱟᱭ
ᱥᱟᱯᱟ ᱛᱟᱸᱦᱮ ᱟᱡᱟᱨ ᱥᱟᱦᱟᱭ ᱾

 

ᱚᱝ ᱡᱷᱟᱲ ᱦᱟ.ᱥᱩᱭ ᱞᱟᱦᱟᱭ
ᱨᱟᱱ ᱢᱩᱨᱜᱟ.ᱱ ᱦᱟ.ᱥᱩᱭ ᱥᱟᱦᱟᱭ ᱾

 

ᱵᱮᱲᱟ ᱰᱩᱵᱩᱡ ᱧᱩᱛᱟ.ᱛ ᱞᱟᱦᱟᱭ
ᱵᱮᱲᱟ ᱨᱟᱠᱟᱵ ᱧᱩᱛᱟ.ᱛ ᱥᱟᱦᱟᱭ  ᱾

 

ᱟᱸᱫᱷᱟ ᱯᱟ.ᱛᱭᱟ.ᱣ ᱢᱩᱨᱩᱠᱷ ᱞᱟᱦᱟᱭ
ᱚᱞᱚᱜ ᱟ.ᱠᱤᱞ ᱢᱩᱨᱩᱠᱷ ᱥᱟᱦᱟᱭ ᱾

 

ᱫᱟᱨᱮ ᱯᱟᱞᱦᱟ ᱩᱢᱩᱞ ᱞᱟᱦᱟᱭ

 ᱢᱟᱜ ᱩᱡᱟ.ᱲ ᱩᱢᱩᱞ ᱥᱟᱦᱟᱭ ᱾

 

ᱫᱟᱨᱮ ᱯᱚᱦᱟ ᱨᱚᱦᱚᱭ ᱞᱟᱦᱟᱭ

ᱵᱟ.ᱲᱤᱡ ᱦᱚᱭᱮ ᱚᱨ ᱥᱟᱦᱟᱭ ᱾ 

 

---------====== ᱛ ======---------

৩।।

ᱜᱤᱫᱽᱨᱟᱹ ᱵᱟᱹᱣᱞᱤ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱜᱚᱲᱚᱢ ᱵᱩᱰᱦᱤ ᱜᱚᱲᱚᱢ ᱵᱩᱰᱦᱤ

ᱟᱹᱰᱤᱭ ᱫᱩᱞᱟᱹᱲ ᱤᱧᱟ ᱾
ᱪᱮᱛᱟᱱ ᱠᱩᱞᱦᱤ ᱞᱟᱛᱟᱨ ᱠᱩᱞᱦᱤᱭ
ᱦᱮᱢ ᱟᱪᱩᱨ ᱤᱧᱟ ᱿

 

ᱜᱚᱲᱚᱢ ᱵᱩᱰᱦᱤ ᱜᱚᱲᱚᱢ ᱵᱩᱰᱦᱤ
ᱟᱹᱰᱤᱭ ᱱᱟᱯᱟᱭᱟ ᱾
ᱥᱤᱸᱜᱟᱹᱲ ᱵᱮᱲᱟ ᱠᱩᱫᱩᱢ ᱠᱟᱹᱦᱱᱤᱭ 
ᱞᱟᱹᱭ ᱟᱸᱡᱚᱢ ᱤᱧᱟ ᱿

 

ᱨᱟᱡᱽ ᱨᱟᱯᱟᱡᱟᱜ ᱠᱟᱹᱦᱱᱤ
ᱛᱤᱱᱟᱹᱜ ᱱᱟᱯᱟᱭᱟ ᱾
ᱜᱚᱲᱚᱢ ᱵᱩᱰᱦᱤ ᱠᱚᱞᱮᱨᱮᱜᱮ
ᱡᱟᱹᱯᱤᱫ ᱥᱟᱱᱟᱧᱟ ᱿

 

ᱜᱷᱩᱢᱩ ᱜᱷᱩᱢᱩ ᱜᱚᱲᱚᱢ ᱵᱩᱰᱦᱤ
ᱟᱫᱚᱭ ᱡᱟᱹᱯᱤᱫ ᱤᱧᱟ ᱾
ᱵᱤᱪᱷᱱᱟᱹ ᱨᱮᱜᱮ ᱤᱫᱤ ᱠᱟᱛᱮᱭ
ᱜᱩᱸᱜᱩᱫ ᱦᱟᱯᱮ ᱠᱤᱧᱟ ᱿

 

---------====== ᱛ ======---------

৪।।

ᱟᱞᱮ ᱵᱟ.ᱵᱩ

ᱥᱟ.ᱜᱩᱱ ᱦᱮᱢᱨᱚᱢ

ᱟᱞᱮ ᱵᱟ.ᱵᱩ
ᱠᱟᱵᱟ ᱠᱩᱵᱩ
ᱛᱷᱟᱨᱤ ᱵᱟ.ᱴᱤ
ᱰᱷᱟᱵᱟ ᱰᱷᱩᱵᱩ
ᱫᱩᱲᱩᱵ ᱟᱛᱮ
ᱨᱟᱵᱟ ᱨᱩᱵᱩ

ᱟᱞᱮ ᱵᱟ.ᱵᱩ
ᱠᱟᱵᱟ ᱠᱩᱵᱩ
ᱠᱟᱰᱟ ᱟᱛᱮ
ᱠᱩᱠᱩ ᱰᱩᱵᱩ
ᱛᱟᱵᱮᱨ ᱟᱛᱮ
ᱦᱟᱵᱩ ᱰᱩᱵᱩ

ᱟᱞᱮ ᱵᱟ.ᱵᱩ
ᱠᱟᱵᱟ ᱠᱩᱵᱩ
ᱢᱚᱪᱟ ᱛᱮᱜᱮ
ᱜᱟᱰᱤᱭ ᱪᱟ.ᱞᱩ
ᱵᱟᱭ ᱟ.ᱲᱤᱭᱟ
ᱟᱞᱮ ᱵᱟ.ᱵᱩ

---------====== ᱛ ======---------

৫।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (᱖)

ᱥᱨᱤᱠᱟᱱᱛᱚ ᱥᱚᱨᱮᱱ

ᱟᱞᱮ ᱟᱛᱳ ᱧᱩᱛᱩᱢ ᱵᱟᱜᱵᱟᱡᱟᱨ᱿ ᱥᱤᱢᱚᱞ ᱴᱩᱰᱩ ᱱᱚᱣᱟ ᱟᱛᱳᱨᱮᱱ ᱢᱟ.ᱡᱷᱤ ᱵᱟᱵᱟ᱿ ᱱᱩᱭ ᱫᱚ ᱢᱤᱫ ᱯᱩᱨᱩᱫᱷᱩᱞ ᱦᱚᱲ ᱠᱟᱱᱟᱭ᱿ ᱯᱤᱪᱽ ᱰᱟᱦᱟᱨ ᱡᱟᱯᱟᱜ ᱨᱮ ᱱᱩᱭ ᱟᱜ ᱚᱲᱟᱜ᱿ ᱱᱩᱭ ᱟᱜ ᱪᱷᱟᱴᱠᱟᱨᱮ ᱢᱤᱫᱴᱟᱝ ᱵᱟᱲᱮ ᱫᱟᱨᱮ ᱢᱮᱱᱟᱜ ᱻᱟ ᱿ ᱥᱤᱧ ᱵᱮᱲᱟ ᱚᱱᱟ ᱵᱟᱲᱮ ᱦᱮᱢᱟᱞ ᱨᱮᱭ ᱫᱩᱲᱩᱵ ᱠᱚᱜ-ᱟ ᱿ ᱵᱟᱲᱮ ᱫᱟᱨᱮ ᱨᱮ ᱪᱮᱲᱮ ᱼᱪᱩᱯᱲᱤ,ᱛᱳᱲ,ᱜᱳᱰᱳ ᱮᱢᱟᱱ ᱵᱟᱲᱮ ᱵᱮᱞᱮ ᱠᱚ ᱡᱚᱢ ᱻᱟ᱿ ᱪᱟ.ᱛ- ᱵᱟ.ᱭᱥᱟ.ᱠ ᱚᱱᱟ ᱫᱟᱨᱮ ᱨᱮ, ᱠᱩᱭᱞᱤ ᱪᱮᱲᱮ ᱟ.ᱰᱤ  ᱱᱟᱯᱟᱭ ᱮ ᱠᱩᱦᱩᱭᱟ᱿

ᱨᱚᱛᱚᱱ ᱱᱚᱣᱟ ᱟᱛᱳᱨᱮᱭ ᱛᱟᱸᱦᱮᱱᱟ ᱿ ᱱᱩᱭ ᱟᱜ ᱩᱢᱮᱨ ᱜᱮᱞ ᱥᱮᱨᱢᱟ᱿ ᱱᱩᱭ ᱫᱚ ᱨᱟᱢᱜᱚᱲ ᱟᱛᱳ ᱨᱮᱱᱟᱜ ᱵᱤᱫᱫᱟᱜᱟᱲᱨᱮᱭ ᱯᱟᱲᱦᱟᱜ ᱻᱟ᱿ ᱚᱱᱟ ᱟᱛᱳ ᱵᱚᱞᱚᱜ ᱞᱟᱦᱟ ᱵᱟᱨᱭᱟ ᱯᱩᱠᱷᱨᱤ ᱢᱮᱱᱟᱜ ᱻᱟ᱿ ᱚᱱᱟ ᱯᱩᱠᱷᱨᱤ ᱨᱮ ᱯᱚᱭᱨᱟᱱᱤ ᱵᱟᱦᱟ ᱢᱮᱱᱟᱜ ᱻᱟ ᱿ ᱯᱩᱠᱷᱨᱤ ᱨᱮ ᱯᱟᱱᱠᱳᱶᱬᱤ ᱪᱮᱲᱮᱦᱚ ᱢᱮᱱᱟᱜ ᱠᱚᱣᱟ᱿ ᱢᱤᱫᱵᱟᱨ ᱢᱟᱪᱷᱨᱟᱸᱜᱟ ᱪᱮᱲᱮ ᱦᱚ ᱢᱮᱱᱟᱜ ᱠᱚᱣᱟ᱿ ᱱᱩᱠᱩ ᱫᱚ ᱫᱟᱜ ᱠᱷᱚᱱ ᱦᱟᱠᱳ ᱠᱚ ᱥᱟᱵ ᱠᱚᱻᱟ᱿ᱫᱷᱚᱨᱚᱱ ᱫᱤᱱ ᱚᱱᱟ ᱯᱩᱠᱷᱨᱤ ᱨᱮ ᱢᱟᱨᱦᱟ ᱠᱚ ,ᱦᱟᱠᱳ ᱞᱮᱠᱟ ᱠᱚ ᱯᱟᱭᱨᱟᱜ ᱻᱟ᱿

---------====== ᱛ ======---------

৬।।

আরদাশ

বাড়তাঙ সরেন

 

হুডিঞ হুডিঞ গিদরৗ আলে
                   চেৎ হঁ বালে বাড়ায়
আপে দপে মারাং গেয়া
                 সানাম গেপে বাড়ায়।

 

চেৎ খৗতির দ রেপেচ আপে
             চেদাঃ লৗড়হৗই তাপাম 
চেদাঃ গেবা সেঙ্গেল জুলুঃ
            চেদাঃ পে ঞির ঞাপাম ?

 

আপে খৗতির খেলোড গডা
                 চেদাঃ জৗনুম পেরেচ
আপে খৗতির বাংগে সাড়ঃ
                 বাহা হেসেচ সেকেচ ?

 

আপে খৗতির দারে চেতান
                 চেঁড়েঁ বাকো সেরেঞ 
তিকিন বেড়া দারে উমুল
              বাকো রপড় রেরেঞ !

 

আপে খৗতির হিড়িঞ এনা
                     কুলহী ধুড়ী গাতে
অড়াঃরেলে বলো বায়েন
                  লান্দা হিড়িঞ কাতে।

 

হিংসা বৗদি হিড়িঞ কাতে
                     কৗপি সাহা কাঃপে
সুলুক সৗগৗই তেয়ার কাতে
                   দুলৗড় হৗটিঞ জংপে।

 

এমালেপে রিলৗমালা
              নাপায় নাপায় সাঁওতা
রৗস্কৗ লান্দা তেয়ারালে
               দিশম দুলৗড় গাঁওতা।

 

---------====== ᱛ ======---------

৭।।

তিস্

সাকম সরেন 

 

সেরমা সেতোং --
     বাংগে সাহাঃ, 
তাড়াম জাঁগা --
     বাংগে লাহাঃ। 

 

হেমাল উমুল --
    হড়মো পাঁজায়, 
রেয়াড় হয় --
       মনে খজায় ।

 

হিড়ির গাড়ির--
        উদগৗর জরঃ, 
ঝমর জৗড়ি-- 
        তিস্ দ জরঃ?

---------====== ᱛ ======---------

৮।।

টরডাং 

রামলাল টুডু

 

   টরডাং  টরডাং
   জমেয়াম বৗরুডাং ।
   হাকোঝৗলি কৗমিতাম
   সিয়ৗড়াদ  জড়তাম ।।

 

   লাচ্ , মচা ,চুপিতাম
   ডাটাকদ বৗনুঃতাম ।
   দাঃ জৗপুদ্ কৗমিতাম
   বাংরেদ আকাকাম ।।

 

   হাকো, রটে , ঢঁড়বিঞ
   ঝৗলিআক ঞিদৗসিঞ ।
   দাঃ গেতম বতরায়
   অনাতেগে তাবঃআয় ।।

 

   বঁগা জহঃ লৗক্তি আম
   সিম বুসৗঃ দহ আম ।
   ভুগৗঃ খান  টরডাং
   গিডিকাম দিড়িদাং ।।

---------====== ᱛ ======---------

৯।।

বোয়াড় আঃ বাপ্লা

সেঁগেলমারমার

 

বোয়াড় আঃ বাপ্লারে
হুয়ুঃ কানা ভজ
আড়াই কেজি গৗড়ৗই মা
চিনি লৗডুগেয় খজ।

 

হুতমৗ হুতমী দনদনতে
সেটের এনায় চড়গচ
সলে ইচাঃ এ আগু কেদে
মিৎ থৗরি অড়মচ।

 

তিরয়োয় অরঙ এদা
লেতাড়গে সিসিঞ হাকো
রুই কাতলা মিড়িক মা
জমেদ্ ক হাকোপাকো।

 

এনেচ্ এ ধুরৗও আকান
বিয়লবয়ল মাগরি
বুঁবুচ এ তগজা
মেরমাঃ ট্যাংগরি।

 

গৗয়নৗহৗরি পুঠি ডৗড়কৗ
দুড়ুব আকান কিন লাহা
মেন আকিন বিন জমতে
বাঙ উডুকঃ রাহা।

---------====== ᱛ ======---------

১০।।

চুটয়ৗ গুডু

দুগাই টুডু

ঞিদৗ ঞুত্‌রে চুটয়ৗ গুডু
        আডি গেকো গাড্‌গুড্‌,
বোগে তেদ ঞিরগে বাডায়
        অড়াঃ তালা হাড্‌হুড্‌।

 

হানা নোওয়া হাডাপ গেকো
        হানে খাটার খুটুর,
লুগড়ি লাপোঃ বৗড়িচ্‌ লৗগিৎ
        সেঁদ্‌রা এদা বাতার।

 

পুসি সাবাদ আঁজম রেদ
        তাঁহেন কানকো ওকো,
জিউয়ি বতর জালা ওহায়
         হানডে নানডে চোকো।

 

জোগাও দহ জমাঃ ওনকো
         আত্‌কির গোদা অনে,
হাসা অড়াঃ দুওয়ৗর কোদ
          ভুগৗগ্‌ টাটকা হানে।

 

নাপায় লেকা জিরৗও জংরে
          বেনাও আনকো ডেরা,
হপন কাতে বৗডগে কানা
          বছর বছর থোড়া।

---------====== ᱛ ======---------

১১।।

কুকমুতে

সনাতন টুডু

 

তেহেঞ তিকিন জৗপিদ্‌ লেদায়
আলে গড়ম হাড়াম,
চিকৗতে চো পারকম খন
ঞুরেন উনি হাড়াম।

 

পারকম খন ঞুর কাতেদ্‌
রৗগি চাবাঃ কানায়,
উনহঁ আজাঃ খেয়াল বৗনুঃ
জৗপিদ্‌ রেগে মেনায়।

 

কুকমুতেয় তাপাম বুডহি সালাঃ
পৗরুয়া ঞু খৗতির,
বাকো এমায় তিরে টাকা
আডিয় ঞুয়েদ্‌ খৗতির।

---------====== মুচৗৎ  ======---------