আবোওয়াঃ ওয়েব পেজ- জুলাই রেনাঃ মুচৗৎ হাপ্তারে হোয়োঃআ নেশ রেনাঃ উচ্চমাধ্যমিক বিনিড আর আগস্ট রেনাঃ দসার হাপ্তারে হোয়োঃ আ মাধ্যমিক। পে ঘন্টা বদলতে বিনিড হোয়োঃআ মিৎ ঘন্টা তালাতে। তেহেঞ ২৭ মে নবান্নরে নোওয়া কাথায় লৗই সদর কেদা মানতানিয়ৗ মুখিয়ৗমন্ত্রী মমতা বন্দোপাধ্যায়।
নোওয়া কোভিড আওহালরেনাঃ কাথা বহঃ রে দিসৗ কাতেগে নিজর নিজর বিরদৗগাড় রেগে বিনিড রেনাঃ সিট ঞুরু আ মেনতেহঁ মানতানিয়ৗ মুখিয়ৗমন্ত্রী লৗই সদর আকাদা। নোওয়া ঠাড় গটা রেনাঃ অজে লেকাতে লৗই আকাদায় বাংমা অড়াঃ সোররে নিজর বিরদৗগাড়রে সিট ঞুর লেনখান গৗডি-মটর তে বাং সেনঃ হোয়োঃ তাকোওয়া পৗঠুওয়ৗ কোওয়া।।
মাধ্যমিকরে ৭ গটাং শিরৗ সাতাম মেনাঃ আকাদা। নোওয়া ৭ গটাং শিরৗ সাতাম করেনাঃ গে বিডৗও হাতাও হোয়োঃ আ নোওয়া ২০২১ সালরেনাঃ মাধ্যমিকরে। কুশি-সানা সাতাম করেনাঃ দ নেশ নওয়া সেরমা বিডৗও বাং হাতাওয়ঃআ। অনা সাতাম করেনাঃ নম্বর দ বিরদৗগাড় গেকো এমঃআ মেনতেহঁ মুখিয়ৗমন্ত্রীয় সদর আকাদা।
উচ্চমাধ্যমিক রেহঁ নানাহুনৗর সাতাম রেনাঃ যাঁহাতিনাঃ কম বিডৗও হাতাও হোয়োঃ অনা লৗইতে উনি পর্ষদ ঠেন আরদাশ এ দহ আকাদা। তবে নোওয়া লৗইতে আরহঁ পুস্টৗও সাঁহিচ্ হাপেন তায়মতে বাডায়ঃআ।
.webp)
