মানতান সাসাপড়াওইচ, আবোওয়াঃ কাথা
সিঁঙ্গিমাহা সাকাম 'চেরেচ আড়াং' তুলৗজখা, লেখা-৩৯
২৩ মে , ২০২১
তুলৗজখা- শ্রী কা ন্ত স রে ন
১। দাঃ তায়ম
সুবুদিয়া মূর্মূ
মানতান অনলিয়ৗ সুবুদিয়া মূর্মূ গমকে, কুরুমুটু আকাদায় দাঃ তায়ম চিতৗর বরনন রেনাঃ। বৗইদ- বৗইহৗড়,রটে,মাল- ঘুগরি অত আর ঞিদৗ চাঁন্দো চেতানগে মেৎ ঢাং আকান তায়া। গটা অনড়হেঁ ছন্দতে অলে কুরুমুটু আকাৎ রেহঁ, মুচৗৎ সেৎদ দম বাং কুলয়ৗউ আকান তায়া।
২। সেতাঃ
গোপেশ্বর মান্ডি
মানতান গোপেশ্বর মান্ডি গমকে, গিদরৗ ক সেতাঃ রে এভেন লৗগিৎ এ হহ আকাৎ কওয়া। গিদরৗ ক আঁজম কাতে সেতাঃ চিতৗর ঞেল লৗগিৎ জৗনিচ খান ক এভেনঃ গেয়া। মানতান মান্ডি গমকে, আয়াঃ সখ মত ছন্দয় বেওহার আকাদা।
৩। তালা কুলহি আখড়া
এভেন কুয়লী সরেন
এভেন কুয়লী আঃ ' তালা কুলহি আখড়া ' আডি জাক জমক। রেগড়া আর ঘুন্টি রু আঁজম কাতে, নাচোনিয়ৗ কওয়াঃ এনেচ-সেরেঞ ঞেল জং লেকানাঃ।
৫। রকচ চন্দন বাহা
বাড়তাং সরেন
মানতান বাড়তাং সরেন আঃ ' রকচ চন্দন বাহা ' রেনাঃ শঁ ঞাম কাতে, মনে হোয়োঃ কানা নওয়া বাহাদ নাওয়া বাহা। নওয়া বাহা জেঁগেৎ- জেঁগেৎ সাড় কাতে, মনে ছাঁদা আরে ফাঁদা হচ আকাদা।
৬। গিদরৗ বৗউলী
সেঁগেল মারমার
মানতান সেঁগেল মারমার আঃ ' গিদরৗ বৗউলী ' আঁজম কাতে গিদরৗ ক জৗপিৎ মা ক জৗপিদ গে; উনকু এভেন লৗগিৎ আরহঁ বৗউলী আঁজম আক হোয়োঃ আ।
৭। হয় দাঃ
দুগাই টুডু
মানতান দুগাই টুডু গমকে আঃ ' হয় দাঃ ' দিশৗ লেকানাঃ। নওয়া হয় দাঃ জাহায়ে ঞেলা উনিমায় দিশৗয় গে আর জাহায়াঃ অড়াঃ বৗনুঃ তায়া উনিদ তিসহঁ বায় হিড়িঞা। মেনখান হয় দাঃ তে উল-কান্ঠাড় ঞুর আর ডৗর রৗপুৎ লেনখান আরহঁ দিশৗ কঁ আ।
৮ । গড়ম হাড়াম ঠেন কুকলি
সনাতন টুডু
মানতান সনাতন টুডু গমকে, গড়ম হাড়াম ঠেন আডি নাপায় কুকলিয় দহ আকাদা। নংকান কুকলি তালাতেগে গিদরৗ ক, গড়ম হাড়াম সাঁও ক গাতে দাড়েয়াঃ আ।
৯। গিদার বৗউলী
সুচাঁদ হাঁসদা
মি-মিৎটাং থাররে বারয়া-পেয়া শাবাদ বেওহার কাতে, মানতান সুচাঁদ হাঁসদা গমকে আডি নাপায় গিদৗর বৗউলীয় সিরজন আকাদা। পাওরা কওয়াঃ ভাক-ভাকুর আর পতামাঃ কুকু ডুবুর আঁজম কাতে মুচৗৎ বারয়া থার দ দিশৗ লেকানাঃ।... হিসকা হুলুম উকুর আকগে সুপুর সুপুর।
১০। সৗরদি সিতুং
বিভূতিভূষণ সরেন
বিভূতিভূষণ সরেন আঃ ' সৗরদি সিতুং ' কুল-তৗরুপ লেকা বতরগে। মেনখান উল-জ-জ, কোদ জম ঠেনদ সৗরদি সিতুং দয় ভাগাও গেয়া।
১১। দারায় কানা
কিস্কিন্ধা মূর্মূ
মানতান অনলিয়ৗ কিস্কিন্ধা মূর্মূ আঃ জাহা দারায় কানা, অনা হিজুঃ লাহা সানাম ক টান্ডি খন আহরে-বাহরে খন রুয়ৗড়ে লৗই আকাৎ কওয়া। আগাম বিপদ রেনাঃ খবর এম দ মিৎটাং মহৎ কৗমি। মানতান অনলিয়ৗ গমকে আয়মা সারহাও।
.webp)
