আবোওয়াঃ ওয়েব পেজ- অনলিয়ৗ ধনীরাম মুরমু নোওয়া ধুড়ি ধৗরতি বৗগিয়াদায়। বাডায় আকানা হলা ১১ মে আপনারা অড়াঃ খন গে উনিয়াঃ জিউয়ি বৗতিদ ইঁড়িচ্ এন তায়া। উমের দ হোয় লেন তায়া ৬৫ সেরমা।
ধনীরাম মুরমুওয়াঃ জানাম আতো দ তাঁহে কান তায়া বাঁকুড়া জেলা রেয়াঃ ঝিলিমিলি আতোরে। বাডায় আকানা উনিদ মিৎ রেঁগেচ্ অড়াঃ রে জানাম লেনায়। আচ্ বাবা আঃ ঞুতুম দ জগন্নাথ মুরমু আর আয়ো-আঃ দ লক্ষীমনি মুরমু।
ধনীরাম দ ঝিলিমিলি স্কুল খন হায়ার সেকেন্ডারি আর বিশ্ব ভারতী বিশ্ববিদ্যালয় খন বি. এস.সি. পাশ কাতে ব্যাঙ্ক অফ বরোদা রে আয়মা দিনে কৗমিলেৎ তাঁহেনা। বাডায় আকানা আর অনা কৗমি খন নাসেনাঃ অক্ত কো ঞাম লেখান গে উনিদ সানতাড়ি সাঁওহেদ্ চারচাওরে মনে কয় ইদি গদ্ এৎ তাঁহেনা। উনি দাঃ দড়ম মাড়াং ধৗবিচ্তে সিলি , এভেন সাকওয়া , সারজম মহল , খেরওয়াল জারপা এমান সাঁওহেৎ সাকা্ম করে উনিয়াঃ সেরেঞ আর অনড়হেঁ কো উছৗন আকান তায়া। বাডায় আকানা 'মালা পতাম' ঞুতুমতে মিৎ্টাং সেরেঞ পুঁথি ছাপা সদর আকান তায়া। উনিয়াঃ নোওয়া দাঃ দড়ম রেনাঃ কাথা বাডায় ঞাম কাতে আয়মা অনলিয়ৗ, অনড়হিঁয়ৗ, সাঁওহেদিয়ৗ সাঁওতে সাঁওহেদ্ দরদিয়ৗকো সোশ্যাল মিডিয়া তালাতে গৗহির দুখ কো সদর আকাদা।
.webp)
.webp)
